Sunday, December 15th, 2019

റെഡ്മി കെ20, റെഡ്മി കെ20 പ്രോ സ്മാര്‍ട്ഫോണുകള്‍ വിപണിയില്‍

കാര്‍ബണ്‍ ബ്ലാക്ക്, ഫ്ളെയിം റെഡ്, ഗ്ലേസിയര്‍ ബ്ലൂ എന്നിങ്ങനെ മൂന്ന് നിറങ്ങളിലാണ് കെ20, കെ20 പ്രോ ഫോണുകള്‍ വിപണിയിലെത്തുക

Published On:Jul 18, 2019 | 10:59 am

ഷാവോമിയുടെ റെഡ്മി കെ20, റെഡ്മി കെ20 പ്രോ സ്മാര്‍ട്ഫോണുകള്‍ ഇന്ത്യന്‍ വിപണിയില്‍ അവതരിപ്പിച്ചു. കഴിഞ്ഞ മേയില്‍ ചൈനയിലാണ് ഫോണ്‍ ആദ്യമായി അവതരിപ്പിച്ചത്. ജൂലായ് 22 മുതല്‍ ഇന്ന് അവതരിപ്പിച്ച രണ്ട് ഫോണുകളും ഇന്ത്യന്‍ വിപണിയില്‍ വില്‍പനയ്ക്കെത്തും.
ഫുള്‍എച്ച്ഡി അമോലെഡ് ഡിസ്പ്ലേ, അത്യാകര്‍ഷകമായ രൂപകല്‍പന, പോപ്പ് അപ്പ് സെല്‍ഫി ക്യാമറ, എന്നിവയെല്ലാം കെ20 ഫോണുകളുടെ മുഖ്യ സവിശേഷതകളാണ്. കാര്‍ബണ്‍ ബ്ലാക്ക്, ഫ്ളെയിം റെഡ്, ഗ്ലേസിയര്‍ ബ്ലൂ എന്നിങ്ങനെ മൂന്ന് നിറങ്ങളിലാണ് കെ20, കെ20 പ്രോ ഫോണുകള്‍ വിപണിയിലെത്തുക
ഡ്യുവല്‍ സിം സൗകര്യത്തോടുകൂടിയുള്ള റെഡ്മി കെ20 സ്മാര്‍ട്ഫോണില്‍ ആന്‍ഡ്രോയിഡ് പൈ അടിസ്ഥാനമാക്കിയുള്ള എംഐയുഐ 10 ഓഎസ് ആണുള്ളത്. ആറ് ജിബി റാം ശേഷിയുണ്ട്. 128 ജിബി വരെ സ്റ്റോറേജ് സൗകര്യവും ലഭിക്കും. 48 മെഗാപിക്സല്‍ സെന്‍സര്‍ ഉള്‍പ്പെടുന്ന ട്രിപ്പിള്‍ റിയര്‍ ക്യാമറ സംവിധാനമാണ റെഡ്മി കെ20 ഫോണിലുള്ളത്. എഫ് 1.75 അപ്പേര്‍ച്ചറിലുള്ള 48 മെഗാപിക്സല്‍ സോണി ഐഎംഎക്സ് 582 സെന്‍സറാണ് ഇതില്‍ പ്രധാനപ്പെട്ടത്. കൂടാതെ 13 മെഗാപിക്സലിന്റെ വൈഡ് ആംഗിള്‍ ലെന്‍സും, എട്ട് മെഗാപിക്സല്‍ സെന്‍സറുമാണ് ട്രിപ്പിള്‍ ക്യാമറയിലുള്ളത്. 20 മെഗാപിക്സലാണ് സെല്‍ഫി ക്യാമറ.4000 എംഎഎച്ച് ബാറ്ററിയില്‍ 18 വാട്ട് അതിവേഗ ചാര്‍ജിങ് സൗകര്യമുണ്ട്.
റെഡ്മി കെ20 യുടേത് പോലെ റെഡ്മി കെ20 പ്രോയില്‍ ആന്‍ഡ്രോയിഡ് 9 പൈ അടിസ്ഥാനമാക്കിയുള്ള എംഐയുഐ 10 ആണുള്ളത്. എട്ട് ജിബി റാം ശേഷിയില്‍ 256 ജിബി വരെ സ്റ്റോറേജ് സൗകര്യമുണ്ടാവും. റെഡ്മി കെ20 പ്രോയുടെ ട്രിപ്പിള്‍ ക്യാമറയില്‍ 48 മെഗാപിക്സല്‍ സോണി ഐഎംഎക്സ് 586 സെന്‍സര്‍, 13 മെഗാപിക്സല്‍ വൈഡ് ആംഗിള്‍ ലെന്‍സ്, എട്ട് മെഗാപിക്സല്‍ സെന്‍സര്‍ എന്നിവ ഉള്‍പ്പെടുന്നു. 20 മെഗാപിക്സലിന്റേതാണ് സെല്‍ഫി ക്യാമറ. 4000 എംഎഎച്ച് ബാറ്ററിയുള്ള ഫോണില്‍ 27 വാട്ട് ഫാസ്റ്റ് ചാര്‍ജിങ് ശേഷിയുണ്ട്.

LIVE NEWS - ONLINE

  • 1
    13 hours ago

    നിയന്ത്രണം വിട്ട കാറിടിച്ച് ഓട്ടോ മറിഞ്ഞു

  • 2
    14 hours ago

    പൗരത്വ നിയമ ഭേദഗതി; ഉത്തരവാദിത്വത്തില്‍നിന്ന് കേരളത്തിന് ഒഴിഞ്ഞുമാറാനാകില്ല: ഗവര്‍ണര്‍

  • 3
    16 hours ago

    ദേശീയ സ്‌കൂള്‍ സീനിയര്‍ മീറ്റില്‍ കേരളത്തിന് കിരീടം; ആന്‍സി സോജന്‍ മീറ്റിലെ താരം

  • 4
    17 hours ago

    ആവശ്യമെങ്കില്‍ പൗരത്വ ഭേദഗതി നിയമത്തില്‍ മാറ്റം വരുത്തുമെന്ന് അമിത് ഷാ

  • 5
    18 hours ago

    ഉത്തര്‍പ്രദേശില്‍ യുവതിയെ ബലാത്സംഗം ചെയ്തു തീ കൊളുത്തി

  • 6
    18 hours ago

    കെ.എസ്.ആര്‍.ടി.സി. ബസ് റബ്ബര്‍പുരയിടത്തില്‍ ഇടിച്ചുകയയറി

  • 7
    18 hours ago

    മാമാങ്കത്തിന്റെ വ്യാജപതിപ്പ് ഇന്റര്‍നെറ്റില്‍

  • 8
    19 hours ago

    കേന്ദ്രസര്‍ക്കാര്‍ ഉദ്യോഗസ്ഥനെ ട്രെയിന്‍ തട്ടിമരിച്ച നിലയില്‍ കണ്ടെത്തി

  • 9
    19 hours ago

    ഫാത്തിമയുടെ മരണം; സിബിഐക്ക് കൈമാറാന്‍ തമിഴ്നാട് സര്‍ക്കാരിന്റെ ശുപാര്‍ശ