Monday, December 9th, 2019

വെള്ളക്കെട്ട് പരിശോധിക്കാനെത്തിയ മന്ത്രി സഞ്ചരിച്ച തോണി കാറ്റില്‍പെട്ടു

തോണിയില്‍ വെള്ള കയറിയതാണ് പരിഭ്രാന്തിക്കിടയാക്കിയത്.

Published On:Aug 13, 2019 | 11:22 am

തൃശൂര്‍: തൃശൂരില്‍ വെള്ളക്കെട്ട് പരിശോധിക്കാനെത്തിയ മന്ത്രിയും സംഘവും കയറിയ തോണി അപകടത്തില്‍ നിന്നും രക്ഷപെട്ടത് തലനാരിഴക്ക്. കൃഷിമന്ത്രി വി.എസ്. സുനില്‍കുമാറും സംഘവും സഞ്ചരിച്ച തോണിയാണ് കാറ്റില്‍ ആടിയുലഞ്ഞ് പരിഭ്രാന്തിയിലാക്കിയത്.
തൃശൂര്‍ അരിമ്പൂര്‍ ചാലാടി പഴംകോള്‍പ്പാടത്ത് വെള്ളക്കെട്ട് പരിശോധിക്കാനാണ് മന്ത്രിയുടം സംഘവും തോണി കയറിയത്. അവിടെ നിന്നും മടങ്ങുമ്പോഴായിരുന്നു കാറ്റ് അടിച്ചത്. പിന്നാലെ തോണിയില്‍ വെള്ളം കയറുകയും ചെയ്തതോടെ ആശങ്ക പടര്‍ന്നു. ഈ സമയത്ത് പാടത്ത് രണ്ടാള്‍ ആഴത്തില്‍ വെള്ളമുണ്ടായിരുന്നു. കാറ്റുവീശിയതോടെ തോണി തിരികെ വിളിച്ച് ചെറുവള്ളം കൂട്ടിയിണക്കി കെട്ടി മറിയാതിരിക്കാനുള്ള മുന്‍കരുതലുകള്‍ എടുക്കുകയും ചെയ്തു. എന്നാല്‍, കാറ്റു ശക്തിയായി വീശിയപ്പോള്‍ ചെറുവള്ളങ്ങള്‍ അകലാനും മന്ത്രിയുടെ തോണിയില്‍ വെള്ളം കയറാനും തുടങ്ങി. ഇതോടെ ഭയന്ന എല്ലാവരും കൂടി വള്ളത്തിലെ വെള്ളം തേവിക്കളയുവാനും തുടങ്ങി. അരിമ്പൂരിലെ ഒളംതല്ലിപ്പാറയിലാണ് തോണി അടുപ്പിക്കേണ്ടിയിരുന്നത്.
ഉദ്യോഗസ്ഥര്‍ കാണിച്ച ഒരു കബളിപ്പിക്കലും മന്ത്രി കയ്യോടെ പിടികൂടി. ഏനമാവ് റെഗുലേറ്ററിന്റെ മുഴുവന്‍ ഷട്ടറുകളും ഉയര്‍ത്തിയെന്നായിരുന്നു മന്ത്രിയെ പറഞ്ഞ് വിശ്വസിപ്പിച്ചിരുന്നത്. ഇത് തെറ്റാണെന്ന് മനസ്സിലാക്കിയതോടെ എല്ലാ ഷട്ടറുകളും തുറക്കാന്‍ നിര്‍ദ്ദേശിക്കുകയായിരുന്നു. മന്ത്രിക്കൊപ്പം ഉദ്യോഗസ്ഥരും രണ്ട് തുഴക്കാരും അടക്കം 14 പേരാണ് തോണിയിലുണ്ടായിരുന്നത്.

 

LIVE NEWS - ONLINE

  • 1
    5 hours ago

    മതത്തിന്റെ അടിസ്ഥാനത്തില്‍ കോണ്‍ഗ്രസ് രാജ്യത്തെ വിഭജിച്ചു: അമിത് ഷാ

  • 2
    7 hours ago

    നിര്‍ഭയ കേസിലെ പ്രതികളുടെ വധശിക്ഷ അടുത്ത ആഴ്ച നടപ്പാക്കിയേക്കും

  • 3
    8 hours ago

    വിദേശ വിമാനങ്ങള്‍; നടപടികള്‍ ത്വരിതപ്പെടുത്തും: മുഖ്യമന്ത്രി

  • 4
    8 hours ago

    വിദേശ വിമാനങ്ങള്‍; നടപടികള്‍ ത്വരിതപ്പെടുത്തും: മുഖ്യമന്ത്രി

  • 5
    9 hours ago

    എല്ലാ സമയത്തും ക്ഷമിക്കാനാകില്ല: ഷെയ്ന്‍ നിഗം

  • 6
    9 hours ago

    കണ്ണൂരിലെത്തിയ മുഖ്യമന്ത്രി കര്‍ഷകരെ ആശ്വസിപ്പിക്കാനെത്തിയില്ല: ബിഷപ്പ് ഞറളക്കാട്ട്

  • 7
    9 hours ago

    കര്‍ണാടകയില്‍ ബിജെപി തന്നെ

  • 8
    9 hours ago

    ബാഡ്മിന്റണ്‍ ടൂര്‍ണമെന്റിന് ഒന്നാം സമ്മാനം രണ്ടര കിലോ ഉള്ളി

  • 9
    9 hours ago

    കര്‍ണാടകയില്‍ ഭരണമുറപ്പിച്ച് ബിജെപി