Sunday, May 31st, 2020

ജില്ലയിലെ രണ്ടാമത്തെ ഗ്രാമ കോടതി ചൊക്ലിയില്‍

    കണ്ണൂര്‍: ഭരണഘടന അനുശാസിക്കുന്ന തുല്യനീതിയും സ്ഥിതി സമത്വവും ഉറപ്പ് വരുത്താനും സാധാരണക്കാര്‍ക്ക് അതിവേഗത്തില്‍ നീതി ഉറപ്പുവരുത്തുന്നതിനുമായി കണ്ണൂര്‍ ജില്ലയില്‍ ഏര്‍പ്പെടുത്തുന്ന ഗ്രാമകോടതിയില്‍ രണ്ടാമത്തേത് തലശ്ശേരി ചൊക്ലിയില്‍ പ്രാവര്‍ത്തികമാകുന്നു. 22ന് രാവിലെ ചൊക്ലിയില്‍ ജസ്റ്റിസ് സി ടി രവികുമാറിന്റെ അധ്യക്ഷതയില്‍ മന്ത്രി ടി പി രാമകൃഷ്ണന്‍ കോടതികളുടെ തുടക്കം കുറിക്കുമെന്ന് പഞ്ചായത്ത് പ്രസിഡന്റ് വി കെ രാഗേഷ്, പാനൂര്‍ ബ്ലോക്ക് പഞ്ചായത്ത് പ്രസിഡന്റ് കെ ഇ കുഞ്ഞബ്ദുള്ള എന്നിവര്‍ പത്രസമ്മേളനത്തില്‍ അറിയിച്ചു. ചൊക്ലി ഗ്രാമപഞ്ചായത്ത് മേനപ്രത്ത് … Continue reading "ജില്ലയിലെ രണ്ടാമത്തെ ഗ്രാമ കോടതി ചൊക്ലിയില്‍"

Published On:Oct 20, 2016 | 11:37 am

Kannur Map New Full 9999

 

 

കണ്ണൂര്‍: ഭരണഘടന അനുശാസിക്കുന്ന തുല്യനീതിയും സ്ഥിതി സമത്വവും ഉറപ്പ് വരുത്താനും സാധാരണക്കാര്‍ക്ക് അതിവേഗത്തില്‍ നീതി ഉറപ്പുവരുത്തുന്നതിനുമായി കണ്ണൂര്‍ ജില്ലയില്‍ ഏര്‍പ്പെടുത്തുന്ന ഗ്രാമകോടതിയില്‍ രണ്ടാമത്തേത് തലശ്ശേരി ചൊക്ലിയില്‍ പ്രാവര്‍ത്തികമാകുന്നു.
22ന് രാവിലെ ചൊക്ലിയില്‍ ജസ്റ്റിസ് സി ടി രവികുമാറിന്റെ അധ്യക്ഷതയില്‍ മന്ത്രി ടി പി രാമകൃഷ്ണന്‍ കോടതികളുടെ തുടക്കം കുറിക്കുമെന്ന് പഞ്ചായത്ത് പ്രസിഡന്റ് വി കെ രാഗേഷ്, പാനൂര്‍ ബ്ലോക്ക് പഞ്ചായത്ത് പ്രസിഡന്റ് കെ ഇ കുഞ്ഞബ്ദുള്ള എന്നിവര്‍ പത്രസമ്മേളനത്തില്‍ അറിയിച്ചു.
ചൊക്ലി ഗ്രാമപഞ്ചായത്ത് മേനപ്രത്ത് ഒമ്പത് ലക്ഷം രൂപ ചെലവില്‍ നിര്‍മ്മിച്ച കെട്ടിടത്തിലാണ് പുതിയ ഗ്രാമ കോടതി പ്രവര്‍ത്തിക്കുക. പാനൂര്‍ ബ്ലോക്ക് പഞ്ചായത്തില്‍പ്പെട്ട കതിരൂര്‍, പന്ന്യന്നൂര്‍, ചൊക്ലി പഞ്ചായത്തുകളും പാനൂര്‍ നഗരസഭയും പുതിയ കോടതിയുടെ പരിഗണനയിലാണ് വരിക. ഇത്തരം പോലീസ് സ്‌റ്റേഷനുകളില്‍ ഉണ്ടാവുന്ന പ്രാഥമിക ക്രിമിനല്‍ കുറ്റങ്ങള്‍, സിവില്‍ കേസുകള്‍, മദ്യപിച്ച് വാഹനമോടിക്കല്‍, മറ്റ് നിയമലംഘനങ്ങള്‍ എന്നിവയാണ് ഗ്രാമകോടതികളില്‍ പരിഗണിക്കുക. നിലവില്‍ ഇത്തരം കേസുകള്‍ തലശ്ശേരി എ സി ജെ എം കോടതിയിലാണ് പരിഗണിച്ചുവരുന്നത്. തലശ്ശേരി ബാര്‍ അസോസിയേഷന്റെ കീഴില്‍ വരുന്നതുമാണ് പുതിയ കോടതികളിലെ അഭിഭാഷകര്‍. അഡീഷണല്‍ ഡിസ്ട്രിക്ട് ഗവ. പ്ലീഡര്‍ അഡ്വ. സി വി എ ലത്തീഫ്, അഡ്വ. പി കെ രവീന്ദ്രന്‍, പഞ്ചായത്ത് മെമ്പര്‍ ശാന്താറാം എന്നിവരും വാര്‍ത്താസമ്മേളനത്തില്‍ സംബന്ധിച്ചു. മുല്ലപ്പള്ളി രാമചന്ദ്രന്‍ എം പി, കലക്ടര്‍ മീര്‍ മുഹമ്മദലി, ജില്ലാ ജഡ്ജ് അനില്‍കുമാര്‍ തുടങ്ങിയവര്‍ സംബന്ധിക്കും.

LIVE NEWS - ONLINE

  • 1
    3 hours ago

    സംസ്ഥാനത്ത് 61 പേർക്ക് കോവിഡ്

  • 2
    11 hours ago

    കേരളത്തില്‍ അഞ്ച് ദിവസം ശക്തമായ മഴയ്ക്ക് സാധ്യത

  • 3
    12 hours ago

    കോട്ടയത്ത് മകൻ അമ്മയെ കഴുത്തറുത്ത് കൊന്നു

  • 4
    12 hours ago

    കോ​വി​ഡ് ബാ​ധി​ത​രു​ടെ എ​ണ്ണം 61 ല​ക്ഷം ക​ട​ന്നു

  • 5
    1 day ago

    സംസ്ഥാനത്ത് ഇന്ന് 58 പേർക്ക് കോവിഡ്

  • 6
    1 day ago

    സേലത്ത് വാഹനാപകടത്തിൽ രണ്ട് മലയാളികൾ മരിച്ചു

  • 7
    1 day ago

    രാ​ജ്യ​ത്ത് കോ​വി​ഡ് രോ​ഗി​ക​ളു​ടെ എ​ണ്ണം 1,73,763 ആ​യി

  • 8
    2 days ago

    കോവിഡ് ബാധിച്ച് ഗള്‍ഫില്‍ മൂന്ന് മലയാളികള്‍കൂടി മരിച്ചു

  • 9
    2 days ago

    WHO യുമായുള്ള ബന്ധം അമേരിക്ക അവസാനിപ്പിച്ചെന്ന് ട്രംപ്‌