Thursday, April 2nd, 2020

വൈദ്യമഠം ചെറിയ നാരായണന്‍ നമ്പൂതിരി അന്തരിച്ചു

  പാലക്കാട് : അഷ്ട വൈദ്യ പരമ്പരയിലെ പ്രധാനിയും മേഴത്തൂര്‍ വൈദ്യമഠത്തിലെ കാരണവരുമായ വൈദ്യമഠം ചെറിയ നാരായണന്‍ നമ്പൂതിരി(84) അന്തരിച്ചു. കൊച്ചി അമൃത ആശുപത്രിയില്‍ ഇന്നലെ വൈകിട്ട് 3.55 നായിരുന്നു അന്ത്യം. ശ്വാസകോശ സംബന്ധമായ അസുഖത്തെ തുടര്‍ന്ന് ഈ മാസം തുടക്കം മുതല്‍ ഇവിടെ ചികിത്സയിലായിരുന്നു. ഇന്നലെ രാത്രി മൃതദേഹം വൈദ്യ മഠത്തിലെത്തിച്ചു. നൂറ്റാണ്ടുകള്‍ പഴക്കമുള്ള പാരമ്പര്യ സിദ്ധികളുടെ ഈറ്റില്ലമായ വൈദ്യമഠത്തില്‍ വൈദ്യശാസ്ത്ര മഹോദധി വലിയ നാരായണന്‍ നമ്പൂതിരിയുടെയും ഉണിക്കാളി അന്തര്‍ജനത്തിന്റെയും മകനായി പിറന്ന കുട്ടന്‍ നമ്പൂതിരിയാണ് … Continue reading "വൈദ്യമഠം ചെറിയ നാരായണന്‍ നമ്പൂതിരി അന്തരിച്ചു"

Published On:Oct 19, 2013 | 11:39 am

vaidyamadom cheriya narayanan namboodiri full

 
പാലക്കാട് : അഷ്ട വൈദ്യ പരമ്പരയിലെ പ്രധാനിയും മേഴത്തൂര്‍ വൈദ്യമഠത്തിലെ കാരണവരുമായ വൈദ്യമഠം ചെറിയ നാരായണന്‍ നമ്പൂതിരി(84) അന്തരിച്ചു. കൊച്ചി അമൃത ആശുപത്രിയില്‍ ഇന്നലെ വൈകിട്ട് 3.55 നായിരുന്നു അന്ത്യം. ശ്വാസകോശ സംബന്ധമായ അസുഖത്തെ തുടര്‍ന്ന് ഈ മാസം തുടക്കം മുതല്‍ ഇവിടെ ചികിത്സയിലായിരുന്നു.
ഇന്നലെ രാത്രി മൃതദേഹം വൈദ്യ മഠത്തിലെത്തിച്ചു. നൂറ്റാണ്ടുകള്‍ പഴക്കമുള്ള പാരമ്പര്യ സിദ്ധികളുടെ ഈറ്റില്ലമായ വൈദ്യമഠത്തില്‍ വൈദ്യശാസ്ത്ര മഹോദധി വലിയ നാരായണന്‍ നമ്പൂതിരിയുടെയും ഉണിക്കാളി അന്തര്‍ജനത്തിന്റെയും മകനായി പിറന്ന കുട്ടന്‍ നമ്പൂതിരിയാണ് പില്‍ക്കാലത്ത് ലോകമറിഞ്ഞ ആയുര്‍വേദ ചികില്‍സകനായത്. മേഴത്തൂര്‍ വൈദ്യമഠം വൈദ്യശാല നഴ്‌സിങ് ഹോം ചീഫ് ഫിസിഷ്യനായിരുന്നു ഇദ്ധേഹം. ആയുര്‍വേദ വൈദ്യ രംഗത്തെ നിത്യ വിസ്മയമായ ഇദ്ധേഹത്തിന്റെ മുത്തച്ഛന്‍ വലിയ നാരായണന്‍ നമ്പൂതിരിയായിരുന്നു ഗുരു. വൈദ്യമഠം വൈദ്യശാല ദേശീയ – രാജ്യാന്തര തലങ്ങളില്‍ ശ്രദ്ധയാകര്‍ഷിച്ചത് വൈദ്യമഠം ചെറിയ നാരായണന്‍ നമ്പൂതിരിയുടെ കാലത്താണ്. ആയുര്‍വേദം, സിദ്ധ വൈദ്യ, അലോപ്പതി ശാഖകളെ സമന്വയിപ്പിച്ച് അര്‍ബുദ ചികില്‍സയ്ക്ക് പുതിയ മാനങ്ങള്‍ കണ്ടെത്താനുള്ള അദ്ദേഹത്തിന്റെ ശ്രമങ്ങള്‍ ശ്രദ്ധ നേടിയിരുന്നു. ആത്മകഥല്ലയായ ആല്‍ബത്തിലെ ഓര്‍മകള്‍, ചികില്‍സാനുഭവങ്ങള്‍, ഹസ്ത്യായുര്‍വേദം, ജനനം മുതല്‍ മരണം വരെ, കേരള മാഹാത്മ്യം, ഗര്‍ഗഭാഗവതം എന്നിവ ഉള്‍പ്പെടെ പതിനെട്ടോളം പുസ്തകങ്ങള്‍ ഇദ്ധേഹം എഴുതിയിട്ടുണ്ട്. ലേഖനങ്ങള്‍ കവിതകള്‍ വേറെയും. 2009ല്‍ കേരള സര്‍ക്കാരിന്റെ ആയുര്‍വേദാചാര്യ പുരസ്‌കാരം ലഭിച്ചു. മേലത്തൂര്‍ കോടനാട്-പുല്ലാനിക്കാവ് ക്ഷേത്രം മാനേജിങ് ട്രസ്റ്റി, ദക്ഷിണാമൂര്‍ത്തി ട്രസ്റ്റ് മാനേജിങ് ട്രസ്റ്റി എന്നീ നിലകളിലും അദ്ദേഹം പ്രവര്‍ത്തിച്ചിരുന്നു. ഭാര്യ : കീഴ്പ്രക്കാട്ടില്‍ മനയില്‍ ശാന്ത അന്തര്‍ജനം. മക്കള്‍: നാരായണന്‍ (മാനേജിങ് പാര്‍ട്ണര്‍, വൈദ്യമഠം വൈദ്യശാല നഴ്‌സിങ് ഹോം), ഡോ. വാസുദേവന്‍ (വൈദ്യമഠം വൈദ്യശാല നഴ്‌സിങ് ഹോം). ഡോ. പ്രസന്ന (വൈദ്യരത്‌നം ആയുര്‍വേദ കോളജ് അധ്യാപിക), ലത (വൈദ്യമഠം നഴ്‌സിങ് ഹോം ഏജന്‍സി, രാമമംഗലം), ഡോ. നീലകണ്ഠന്‍ (വൈദ്യമഠം വൈദ്യശാല നഴ്‌സിങ് ഹോം). മരുമക്കള്‍: റോഷ്‌നി, അനിത, ഹരി (ഏജീസ് ഓഫിസ്,തൃശൂര്‍), ഡോ. കെ.എന്‍. സുബ്രഹ്മണ്യന്‍ (ആയുര്‍വേദ മെഡിക്കല്‍ ഓഫിസര്‍,കൂത്താട്ടുകുളം), സാവിത്രി.

LIVE NEWS - ONLINE

  • 1
    12 hours ago

    വെ​ള്ളി​യാ​ഴ്ച മു​ത​ല്‍ മി​ല്‍​മ പാ​ല്‍ ശേ​ഖ​രി​ക്കും

  • 2
    15 hours ago

    മദ്യത്തിന് ഡോക്ടർമാർ കുറിപ്പടി നൽകണമെന്ന ഉത്തരവിന് സ്റ്റേ

  • 3
    15 hours ago

    മുഖ്യമന്ത്രിയുടെ പരാതി പരിഹാര സംവിധാനമായ സ്‌ട്രെയ്റ്റ് ഫോര്‍വേര്‍ഡിന്‌ ഐഎസ്ഒ അംഗീകാരം

  • 4
    15 hours ago

    ചൈനീസ് നഗരത്തില്‍ വന്യജീവികളുടെ മാംസ വില്‍പനയ്ക്ക് പൂര്‍ണ നിരോധനം

  • 5
    15 hours ago

    തിരുവനന്തപുരത്ത് എസ്.കെ.ആശുപത്രിയിലെ 11 നഴ്‌സ്മാരെ പിരിച്ചുവിട്ടതായി ആരോപണം

  • 6
    15 hours ago

    വൈറസ് ബാധ സ്ഥിരീകരിച്ച 1541 പേര്‍ക്ക് ഒരു തരത്തിലുള്ള ലക്ഷണവുമില്ലായിരുന്നു; ആശങ്ക പടര്‍ത്തുന്ന പുതിയ റിപ്പോര്‍ട്ട് പുറത്തുവിട്ട് ചൈന

  • 7
    15 hours ago

    ജോര്‍ദാനില്‍ കിടക്കുന്ന രാജുമോന്‍ വരെ ഫോണ്‍ എടുത്തു”; ആസിഫ് അലിയോട് ചാക്കോച്ചന്‍

  • 8
    16 hours ago

    എന്‍ഡോസള്‍ഫാന്‍ ദുരിതബാധിതര്‍ക്ക് സൗജന്യ അരി വീടുകളിലെത്തിക്കാന്‍ നടപടി സ്വീകരിച്ച്‌ സര്‍ക്കാര്‍

  • 9
    17 hours ago

    രാജ്‌മോഹൻ ഉണ്ണിത്താന്റെ ഹർജി സുപ്രിംകോടതി നാളെ പരിഗണിക്കും