Thursday, December 12th, 2019

അഫ്ഗാനിസ്ഥാനില്‍ അപ്രതീക്ഷിത സന്ദര്‍ശനം നടത്തി ട്രംപ്

ട്രംപ് ഇതാദ്യമായിട്ടാണ് അഫ്ഗാന്റെ മണ്ണില്‍ കാലുകുത്തിയത്.

Published On:Nov 29, 2019 | 9:43 am

കാബൂള്‍: അഫ്ഗാനിസ്ഥാനില്‍ അപ്രതീക്ഷിത സന്ദര്‍ശനം നടത്തി യുഎസ് പ്രസിഡന്റ് ഡൊണള്‍ഡ് ട്രംപ്. താങ്ക്‌സ്ഗിവിംഗ് ദിനത്തോട് അനുബന്ധിച്ച് താലിബാനെതിരെ പോരാടുന്ന യുഎസ് സൈനികരോടു നന്ദി പറയുന്നതിനാണ് ട്രംപ് മിന്നല്‍ സന്ദര്‍ശനം നടത്തിയത്. യുഎസ് സേനാംഗങ്ങളുമായി ബാഗ്രാം വ്യോമതാവളത്തില്‍ ട്രംപ് സമയം ചെലവിട്ടു. അഫ്ഗാന്‍ പ്രസിഡന്റ് അഷ്‌റഫ് ഗനിയുമായും അദ്ദേഹം ആശയവിനിമയം നടത്തി.
ട്രംപ് ഇതാദ്യമായിട്ടാണ് അഫ്ഗാന്റെ മണ്ണില്‍ കാലുകുത്തിയത്. കരുത്തരും ബുദ്ധിമാന്മാരുമാണ് അഫ്ഗാനിലുള്ള യുഎസ് സൈനികരെന്ന് ട്രംപ് പ്രശംസിച്ചു. താലിബാന്‍ ഒരു കരാര്‍ ഉണ്ടാക്കാന്‍ ആഗ്രഹിക്കുന്നുവെന്നും അഫ്ഗാനില്‍ സേവനമനുഷ്ഠിക്കുന്ന സൈനികരോട് യുഎസ് പ്രസിഡന്റ്് പറഞ്ഞു. ഏതാനും മണിക്കൂറുകള്‍ മാത്രമാണ് സന്ദര്‍ശനം നീണ്ടത്. സൈനികര്‍ക്കിടയില്‍ ട്രംപ് ടര്‍ക്കികളെയും വിതരണം ചെയ്തു.
സമാധാന ചര്‍ച്ചകള്‍ക്ക് വഴിയൊരുക്കുമെന്ന പ്രതീക്ഷയില്‍ ബാഗ്രാം ജയിലിലുള്ള മൂന്നു തടവുകാരെ താലിബാനു കൈമാറാന്‍ തീരുമാനിച്ചിരുന്നു. കാബൂളില്‍ നിന്ന് മൂന്നു വര്‍ഷം മുമ്പ ് തട്ടിക്കൊണ്ടുപോയ രണ്ടു വിദേശികളെ താലിബാന്‍ വിട്ടയച്ചതിന് പകരമായിട്ടായിരുന്നു നടപടി. ഇതിനു പിന്നാലെയാണ് ട്രംപ് അഫ്ഗാനിസ്ഥാനില്‍ സന്ദര്‍ശനം നടത്തുന്നത്. അതീവരഹസ്യമായി പദ്ധതിയിട്ട യാത്രക്കു ശേഷമാണ് ട്രംപ് എത്തിയത്.

 

LIVE NEWS - ONLINE

  • 1
    2 hours ago

    അയോധ്യ കേസ്: പുനഃപരിശോധനാ ഹര്‍ജികള്‍ തള്ളി

  • 2
    3 hours ago

    ചെന്നൈയില്‍ വാഹനാപകടത്തില്‍ മലയാളി വിദ്യാര്‍ത്ഥി മരിച്ചു

  • 3
    3 hours ago

    ഷെയ്ന്‍ നിഗം വിവാദത്തില്‍ പ്രതികരണവുമായി ഫെഫ്ക

  • 4
    4 hours ago

    മൂന്നേകാല്‍ കിലോ സ്വര്‍ണവുമായി നെടുമ്പാശ്ശേരിയില്‍ മലപ്പുറം സ്വദേശി പിടിയില്‍

  • 5
    6 hours ago

    ഷഹല ഷെറിന്‍ പാമ്പുകടിയേറ്റ് മരിച്ച സംഭവം: ഹൈക്കോടതി സ്വമേധയാ കേസെടുത്തു

  • 6
    6 hours ago

    ചന്ദന മോഷ്ടാവിനെ റിമാന്റ് ചെയ്തു

  • 7
    6 hours ago

    വീട് കുത്തിത്തുറന്ന് സ്വര്‍ണ്ണവും പണവും മോഷ്ടിച്ചു

  • 8
    6 hours ago

    സഡന്‍ ബ്രേക്കിട്ട് ഉള്ളി വില; 40 രൂപ കുറഞ്ഞു

  • 9
    6 hours ago

    രാജ്യത്തെ രണ്ട് ദിനോസറുകളുള്ള ജുറാസിക് റിപ്പബ്ലിക്ക് ആക്കരുത്: കപില്‍ സിബല്‍