Saturday, May 30th, 2020

ശ്രീറാം വെങ്കിട്ടരാമന്‍ കള്ളം വീണ്ടും ആവര്‍ത്തിക്കുന്നുവെന്ന് വഫ ഫിറോസ്

എനിക്ക് പവറില്ല, നാളെ എന്തും സംഭവിക്കാം

Published On:Oct 10, 2019 | 9:56 am

കണ്ണൂര്‍: മാധ്യമ പ്രവര്‍ത്തകന്‍ കെ.എം.ബഷീറിനെ വാഹനമിടിച്ചു കൊന്ന കേസിലെ പ്രതിയായ ഐഎഎസ് ഉദ്യോഗസ്ഥന്‍ ശ്രീറാം വെങ്കിട്ടരാമനെ തള്ളി വഫാ ഫിറോസ്. ശ്രീറാം വെങ്കിട്ടരാമന്‍ കള്ളം വീണ്ടും ആവര്‍ത്തിക്കുകയാണ്.അപകടം ഉണ്ടായതിന്റെ മൂന്നാം ദിവസം തന്നെ താന്‍ എല്ലാം പറഞ്ഞിരുന്നു. ഞാന്‍ എന്താണോ പറഞ്ഞത് അതില്‍ മാറ്റമില്ലെന്നും വഫ ഫിറോസ് ടിക് ടോക് വീഡിയോയിലൂടെ പറഞ്ഞു.
ഇനി എന്താണ് തനിക്ക് നാളെ സംഭവിക്കുന്നതെന്ന് അറിയില്ലെന്ന ഭീതിയും വഫ വീഡിയോയില്‍ പങ്കുവെച്ചു. ശ്രീറാമിന് പവര്‍ ഉപയോഗിച്ച് എന്ത് വേണമെങ്കിലും ചെയ്യാം. ഞാനൊരു സാധാരണക്കാരിയാണ്. ആറോ ഏഴോ ദൃക്‌സാക്ഷികളുണ്ടായിരുന്നു. പിന്നെ ഫോറന്‍സിക് റിപ്പോര്‍ട്ട്.. ഇതെല്ലാം എവിടെ. എന്ത് കാരണത്തലാണ് കള്ളം ആവര്‍ത്തിക്കുന്നതെന്ന് അറിയില്ല..’ വഫ വീഡിയോയില്‍ പറയുന്നു.
വാഹനമോടിക്കുമ്പോള്‍ മദ്യപിച്ചിരുന്നില്ലെന്ന നിലപാട് സര്‍ക്കാരിനു നല്‍കിയ വിശദീകരണക്കുറിപ്പിലും ശ്രീറാം ആവര്‍ത്തിച്ചതിനു പിന്നാലെയാണ് തുറന്നടിച്ച് വഫ ഫിറോസ് രംഗത്തെത്തിയത്. നടന്നതു സാധാരണ അപകടമാണെന്നും മെഡിക്കല്‍ റിപ്പോര്‍ട്ട് തനിക്ക് അനുകൂലമാണെന്നും ശ്രീറാം വാദിക്കുന്നു. മദ്യപിച്ച് വാഹനമോടിച്ചെന്നതു കെട്ടുകഥയാണ്. ചീഫ് സെക്രട്ടറിക്കു മുന്നില്‍ നേരിട്ടു ഹാജരായി വിശദീകരണം നല്‍കാന്‍ അവസരം നല്‍കണം. മദ്യപിച്ചിരുന്നില്ലെന്നു മെഡിക്കല്‍ റിപ്പോര്‍ട്ടില്‍ വ്യക്തമായ സാഹചര്യത്തില്‍ സസ്‌പെന്‍ഷന്‍ റദ്ദാക്കണമെന്നും ശ്രീറാം അഭ്യര്‍ഥിച്ചിട്ടുണ്ട്.
സര്‍വേ ഡയറക്ടറായി നിയമിക്കപ്പെട്ട് ഒരാഴ്ച കഴിഞ്ഞപ്പോഴാണു ശ്രീറാം കഴിഞ്ഞ ഓഗസ്റ്റ് അഞ്ചിനു സസ്‌പെന്‍ഷനിലായത്. സര്‍വേ ഡയറക്ടര്‍ സ്ഥാനത്തുനിന്നു ചീഫ് സെക്രട്ടറി അദ്ദേഹത്തെ നീക്കുകയും ചെയ്തിരുന്നു. ശ്രീറാമിനെതിരേ ്രൈക്രൈംബ്രാഞ്ച് അന്വേഷണവും വകുപ്പുതല അന്വേഷണവും നടക്കുന്നതിനിടെയാണു ചീഫ് സെക്രട്ടറിയുടെ അധ്യക്ഷതയില്‍ ചേര്‍ന്ന ഉന്നതതലയോഗം സസ്‌പെന്‍ഷന്‍ നീട്ടിയിരിക്കുന്നത്.

 

LIVE NEWS - ONLINE

  • 1
    2 hours ago

    സംസ്ഥാനത്ത് ഇന്ന് 58 പേർക്ക് കോവിഡ്

  • 2
    7 hours ago

    സേലത്ത് വാഹനാപകടത്തിൽ രണ്ട് മലയാളികൾ മരിച്ചു

  • 3
    9 hours ago

    രാ​ജ്യ​ത്ത് കോ​വി​ഡ് രോ​ഗി​ക​ളു​ടെ എ​ണ്ണം 1,73,763 ആ​യി

  • 4
    11 hours ago

    കോവിഡ് ബാധിച്ച് ഗള്‍ഫില്‍ മൂന്ന് മലയാളികള്‍കൂടി മരിച്ചു

  • 5
    11 hours ago

    WHO യുമായുള്ള ബന്ധം അമേരിക്ക അവസാനിപ്പിച്ചെന്ന് ട്രംപ്‌

  • 6
    11 hours ago

    സംസ്ഥാനത്ത് അടുത്ത ദിവസങ്ങളിൽ ശക്തമായ മഴയ്ക്ക് സാധ്യത

  • 7
    5 days ago

    സംസ്ഥാനത്ത് ഇന്ന് 49 പേര്‍ക്ക് കോവിഡ്

  • 8
    5 days ago

    വിമാനങ്ങളിൽ നടുവിലെ സീറ്റ് നിർബന്ധമായും ഒഴിച്ചിടണമെന്നു സുപ്രിംകോടതി

  • 9
    5 days ago

    പ്രതിസന്ധിഘട്ടങ്ങളിലും വികസന രംഗത്ത് കേരളം തകര്‍ന്നില്ല; മുഖ്യമന്ത്രി