Friday, January 22nd, 2021

നാല്‍പതിനായിരം ഗാനങ്ങള്‍; റെക്കോര്‍ഡുകളുടെ രാജാവ്; അത്ഭുതഗായകന് വിട

എസ് പി ബി എന്ന ഇന്ത്യന്‍ സംഗീത ലോകത്തെ പകരംവെക്കാനില്ലാത്ത ആ പ്രതിഭാധനന്റെ ഓര്‍മകള്‍ക്കൊപ്പം ലോകം മുഴുവന്‍ അലയടിക്കുകയാണ് അദ്ദേഹം പാടി മുഴുമിപ്പിച്ചു പോയ നാല്‍പതിനായിരത്തോളം അമൂല്യ ഗാനങ്ങളും. കൊവിഡ് ബാധിച്ച ശേഷം ഗുരുതരാവസ്ഥയിലായിരുന്ന എസ് പി ബി പിന്നീട് കൊവിഡ് വൈറസ് മുക്തമായെന്ന വാര്‍ത്ത ലോകമെങ്ങുമുള്ള സംഗീതപ്രേമികളില്‍ ചെറുതല്ലാത്ത ആശ്വാസമാണ് പകര്‍ന്നു നല്‍കിയത്. എന്നാല്‍ പ്രതീക്ഷകള്‍ വിഫലമാക്കിക്കൊണ്ട് ആ ഗാനമാന്ത്രികന്‍ എന്നന്നേക്കുമായി പറന്നകലുമ്പോള്‍ അദ്ദേഹം പാടിയതും അഭിനയിച്ചതുമായ നിരവധി ഹിറ്റ് ഗാനങ്ങള്‍ സോഷ്യല്‍ മീഡിയയിലൂടെ ഷെയര്‍ … Continue reading "നാല്‍പതിനായിരം ഗാനങ്ങള്‍; റെക്കോര്‍ഡുകളുടെ രാജാവ്; അത്ഭുതഗായകന് വിട"

Published On:Sep 25, 2020 | 3:42 pm

എസ് പി ബി എന്ന ഇന്ത്യന്‍ സംഗീത ലോകത്തെ പകരംവെക്കാനില്ലാത്ത ആ പ്രതിഭാധനന്റെ ഓര്‍മകള്‍ക്കൊപ്പം ലോകം മുഴുവന്‍ അലയടിക്കുകയാണ് അദ്ദേഹം പാടി മുഴുമിപ്പിച്ചു പോയ നാല്‍പതിനായിരത്തോളം അമൂല്യ ഗാനങ്ങളും. കൊവിഡ് ബാധിച്ച ശേഷം ഗുരുതരാവസ്ഥയിലായിരുന്ന എസ് പി ബി പിന്നീട് കൊവിഡ് വൈറസ് മുക്തമായെന്ന വാര്‍ത്ത ലോകമെങ്ങുമുള്ള സംഗീതപ്രേമികളില്‍ ചെറുതല്ലാത്ത ആശ്വാസമാണ് പകര്‍ന്നു നല്‍കിയത്. എന്നാല്‍ പ്രതീക്ഷകള്‍ വിഫലമാക്കിക്കൊണ്ട് ആ ഗാനമാന്ത്രികന്‍ എന്നന്നേക്കുമായി പറന്നകലുമ്പോള്‍ അദ്ദേഹം പാടിയതും അഭിനയിച്ചതുമായ നിരവധി ഹിറ്റ് ഗാനങ്ങള്‍ സോഷ്യല്‍ മീഡിയയിലൂടെ ഷെയര്‍ ചെയ്തുകൊണ്ട് തങ്ങളുടെ സ്‌നേഹം പ്രകടിപ്പിക്കുകയാണ് ആരാധകര്‍. 1966 ല്‍ ആദ്യ സിനിമയില്‍ പാടിയപ്പോള്‍ മുതല്‍ തന്റെ അനിതരസാധാരണമായ ശബ്ദത്തിലൂടെ കേള്‍വിക്കാരില്‍ പ്രണയവും ഭക്തിയും കുസൃതിയും ദേഷ്യവും വിരഹവുമെല്ലാം അങ്ങേയറ്റം തീവ്രമായി അനുഭവിപ്പിക്കാന്‍ എസ് പി ബിക്ക് കഴിഞ്ഞു. എസ്പിബിയെ ഭാഗ്യചിഹ്നമായാണ് സിനിമാ ലോകം കണ്ടിരുന്നത്. മിക്ക ചിത്രങ്ങളുടേയും തുടക്കത്തില്‍ എസ്പിബിയുടെ ഒരു പാട്ട് ഉള്‍പ്പെടുത്തിയിരുന്നതും അതുകൊണ്ട് തന്നെയാണ്. ഏറ്റവും കൂടുതല്‍ ഗാനങ്ങള്‍ ആലപിച്ചതിന് എസ്പി ബാലസുഭ്രഹ്‌മണ്യത്തിന് ഗിന്നസ് റെക്കോര്‍ഡ് ലഭിച്ചിട്ടുണ്ട്. നാല്‍പ്പതിനായിരത്തോളം ഗാനങ്ങളാണ് എസ്പിബി ആലപിച്ചിരിക്കുന്നത്. 16 ഭാഷകളിലായാണ് എസ്പിബിനാല്‍പ്പതിായിരത്തിലേറെ ഗാനങ്ങള്‍ ആലപിച്ചത്. ഇതിന് പുറമെ ഒരു ദിവസം ഏറ്റവും കൂടുതല്‍ ഗാനങ്ങള്‍ ആലപിച്ചതിനും എസ്പിബിക്ക് റെക്കോര്‍ഡുണ്ട്. 12 മണിക്കൂറിനുള്ളില്‍ 21 ഗാനങ്ങള്‍ ആലപിച്ചതിനാണ് റെക്കോര്‍ഡ്. ഉപേന്ദ്ര കുമാര്‍ എന്ന കമ്പോസറിന് വേണ്ടിയായിരുന്നു എസ്പിബി ഇത്രയധികം ഗാനങ്ങള്‍ ഒരു ദിവസം ആലപിച്ചത്. ഇതിന് പുറമെ തമിഴില്‍ ഒരു ദിവസം 19 ഗാനങ്ങളും ഹിന്ദിയില്‍ ഒറ്റ ദിവസത്തില്‍ 19 ഗാനങ്ങളും പാടിയിട്ടുണ്ട്. ഇതിന് പുറമെ മികച്ച ഗായകനുള്ള ആറ് ദേശിയ പുരസ്‌കാരങ്ങള്‍, ഫിലിം ഫെയര്‍ പുരസ്‌കാരങ്ങള്‍, എന്‍ടിആര്‍ പുരസ്‌കാരം, ഇന്ത്യന്‍ ഫിലിം പേഴ്സണാലിറ്റി ഓഫ് ദി ഇയര്‍ പുരസ്‌കാരം, പത്മശ്രീ, പത്മഭൂഷന്‍, എന്നിവയും അദ്ദേഹത്തെ തേടിയെത്തിയിട്ടുണ്ട്.

LIVE NEWS - ONLINE

  • 1
    3 hours ago

    ക​ട​യ്ക്കാ​വൂ​ർ പീ​ഡ​നം: അമ്മയ്ക്ക് ജാമ്യം അനുവദിച്ച് ഹൈക്കോടതി

  • 2
    3 hours ago

    രാ​ജ്യ​ത്ത് 24 മ​ണി​ക്കൂ​റി​നി​ടെ 14,545 കോ​വി​ഡ് രോ​ഗി​ക​ൾ

  • 3
    6 hours ago

    തൃ​ശൂ​രി​ൽ ദേ​ശീ​യ​പാ​ത​യി​ൽ ലോ​റി​ക​ൾ ത​മ്മി​ൽ കൂ​ട്ടി​യി​ടി​ച്ചു

  • 4
    6 hours ago

    സം​സ്ഥാ​ന​ത്ത് ഇ​ന്ധ​ന​വി​ല വീ​ണ്ടും വ​ർ​ധി​പ്പി​ച്ചു

  • 5
    24 hours ago

    സ്പീക്കര്‍ക്ക് എതിരായ പ്രമേയം നിയമസഭ തള്ളി

  • 6
    1 day ago

    എം ശിവശങ്കറിനെ അറസ്റ്റ് ചെയ്യാന്‍ കസ്റ്റംസിന് അനുമതി

  • 7
    1 day ago

    ത​നി​ക്കെ​തി​രെ​യു​ള്ള ആ​രോ​പ​ണ​ങ്ങ​ൾ ഭാ​വ​ന​മാ​ത്രം; പി. ​ശ്രീ​രാ​മ​കൃ​ഷ്ണ​ൻ

  • 8
    1 day ago

    ഉണ്ണികൃഷ്ണൻ നമ്പൂതിരിയുടെ സംസ്‌കാരം ഇന്ന്

  • 9
    1 day ago

    സ്പീ​ക്ക​ർ​ക്കെ​തി​രെ​യു​ള്ള പ്ര​മേ​യം നി​യ​മ​സ​ഭ ഇ​ന്ന് ച​ർ​ച്ച ചെ​യ്യും