Tuesday, February 18th, 2020

സിസ്റ്റര്‍ ലൂസിക്കെതിരെ അപവാദ പ്രചരണം; പരാതി നല്‍കും

മാനന്തവാടി: ബിഷപ്പ് ഫ്രാങ്കോ മുളക്കലിനെതിരായ ലൈംഗിക പീഡനക്കേസില്‍ ഇരക്കൊപ്പം സമരം ചെയ്ത സിസ്റ്റര്‍ ലൂസി കളപ്പുരക്കെതിരെ അപവാദ പ്രചരണമെന്ന് പരാതി. മാധ്യമപ്രവര്‍ത്തകര്‍ മഠത്തിലെത്തി സിസ്റ്റര്‍ ലൂസിയെ സന്ദര്‍ശിച്ചതിന്റെ സി.സി.ടി.വി ദൃശ്യങ്ങള്‍ തെറ്റായ രീതിയില്‍ നവമാധ്യമങ്ങളിലൂടെ പ്രചരിപ്പിക്കുകയായിരുന്നു. മാനന്തവാടി രൂപത പി.ആര്‍.ഒ ചുമതലയുള്ള നോബിള്‍ തോമസ് പാറക്കലാണ് വിഡിയോ വഴി സിസ്റ്റര്‍ക്കെതിരെ അപവാദ പ്രചരണം നടത്തിയത്. പിന്‍വാതില്‍ വഴി സിസ്റ്റര്‍ ലൂസി പുരുഷന്‍മാരെ മഠത്തിനുള്ളില്‍ പ്രവേശിപ്പിച്ചെന്ന രീതിയിലുള്ള പ്രചരണമാണ് പി.ആര്‍.ഒ നടത്തിയിട്ടുള്ളതെന്നാണ് പരാതി. കഴിഞ്ഞ ദിവസം മഠത്തിന് സമീപത്തുള്ള … Continue reading "സിസ്റ്റര്‍ ലൂസിക്കെതിരെ അപവാദ പ്രചരണം; പരാതി നല്‍കും"

Published On:Aug 20, 2019 | 11:36 am

മാനന്തവാടി: ബിഷപ്പ് ഫ്രാങ്കോ മുളക്കലിനെതിരായ ലൈംഗിക പീഡനക്കേസില്‍ ഇരക്കൊപ്പം സമരം ചെയ്ത സിസ്റ്റര്‍ ലൂസി കളപ്പുരക്കെതിരെ അപവാദ പ്രചരണമെന്ന് പരാതി. മാധ്യമപ്രവര്‍ത്തകര്‍ മഠത്തിലെത്തി സിസ്റ്റര്‍ ലൂസിയെ സന്ദര്‍ശിച്ചതിന്റെ സി.സി.ടി.വി ദൃശ്യങ്ങള്‍ തെറ്റായ രീതിയില്‍ നവമാധ്യമങ്ങളിലൂടെ പ്രചരിപ്പിക്കുകയായിരുന്നു.
മാനന്തവാടി രൂപത പി.ആര്‍.ഒ ചുമതലയുള്ള നോബിള്‍ തോമസ് പാറക്കലാണ് വിഡിയോ വഴി സിസ്റ്റര്‍ക്കെതിരെ അപവാദ പ്രചരണം നടത്തിയത്. പിന്‍വാതില്‍ വഴി സിസ്റ്റര്‍ ലൂസി പുരുഷന്‍മാരെ മഠത്തിനുള്ളില്‍ പ്രവേശിപ്പിച്ചെന്ന രീതിയിലുള്ള പ്രചരണമാണ് പി.ആര്‍.ഒ നടത്തിയിട്ടുള്ളതെന്നാണ് പരാതി.
കഴിഞ്ഞ ദിവസം മഠത്തിന് സമീപത്തുള്ള പള്ളിയില്‍ സിസ്റ്റര്‍ ലൂസി പ്രാര്‍ഥനക്ക് പോകാതിരിക്കാനായി ഗേറ്റ് പൂട്ടിയിരുന്നു. ഇതെ തുടര്‍ന്ന് വെള്ളമുണ്ട പോലീസ് എത്തിയാണ് സിസ്റ്റര്‍ക്ക് ഗേറ്റ് തുറന്ന് നല്‍കിയത്. ഈ സംഭവത്തെ കുറിച്ചുള്ള വിശദാംശങ്ങള്‍ തേടാനെത്തിയ പ്രാദേശിക മാധ്യമപ്രവര്‍ത്തകരുടെ ദൃശ്യങ്ങളാണ് വൈദികന്‍ കൂടിയായ പി.ആര്‍.ഒ അപകീര്‍ത്തികരമായ രീതിയില്‍ പ്രചരിപ്പിച്ചത്.
അപവാദ പ്രചരണത്തിലൂടെ സ്ത്രീത്വത്തെ അപമാനിക്കുകയാണുണ്ടായത്. മഠത്തിലെ മദര്‍ സുപ്പീരിയര്‍ ഉള്‍പ്പെടെയുള്ളവര്‍ ചേര്‍ന്നാണ് സി.സി ടിവി ദൃശ്യങ്ങള്‍ നോബിള്‍ തോമസിന് നല്‍കിയത്. അപമാനിക്കുക എന്ന ലക്ഷ്യത്തോടെയാണ് ദൃശ്യങ്ങള്‍ കൂട്ടിചേറത്ത് നവമാധ്യമങ്ങളില്‍ പ്രചരിപ്പിച്ചതെന്നും ഇതിനെതിരെ പോലീസില്‍ പരാതി നല്‍കുമെന്നും സിസ്റ്റര്‍ ലൂസി കളപ്പുര പ്രതികരിച്ചു. അപവാദ പ്രചാരണം നടത്തിയവര്‍ക്കെതിരെ ജീവന്‍ പണയംവെച്ചിട്ടും പരാതിയുമായി മുന്നോട്ടുപോകുമെന്നും അവര്‍ പറഞ്ഞു.
കാരയ്ക്കാമലയിലെ മഠത്തില്‍ ഏറെ നാളായി മുന്‍വാതിലടച്ചിട്ടിരിക്കുകയാണ്. പിന്‍വാതിലിലൂടെയാണ് കന്യാസ്ത്രീകള്‍ ഉള്‍പ്പെടെയുള്ളവര്‍ പുറത്തുപോകുന്നത്. സിസ്റ്റര്‍ ലൂസി കളപ്പുരയെ കാണാനെത്തിയ രണ്ട് മാധ്യമപ്രവര്‍ത്തകരെ അവര്‍ മഠത്തിനകത്തേക്ക് കൂട്ടികൊണ്ടുപോകുന്നതും തിരിച്ച് പുറത്തുവരുന്നതുമായ ദൃശ്യമാണ് അപകീര്‍ത്തികരമായ രീതിയില്‍ പ്രചരിപ്പിച്ചത്.

 

LIVE NEWS - ONLINE

  • 1
    7 hours ago

    പോലീസ് കാവലിലെത്തി പരീക്ഷയെഴുതി അലന്‍ ഷുഹൈബ് ജയിലിലേക്ക് മടങ്ങി

  • 2
    9 hours ago

    ലൈംഗിക ബന്ധത്തിനു ശേഷം കൊലപ്പെടുത്തിയത് 20 യുവതികളെ; വിധി വന്ന 13 കേസുകളില്‍ പ്രതിയ്ക്ക് ജീവപര്യന്തവും, ആറ് കേസുകളില്‍ വധശിക്ഷയും ,ശാരീരിക ബന്ധത്തിനു ശേഷം സയനൈഡ് കൊടുത്ത് കൊന്ന ആരതി കേസിലും സയനൈഡ് മോഹന് വധശിക്ഷ

  • 3
    9 hours ago

    തിരൂരില്‍ ഒമ്പത് വര്‍ഷത്തിനിടെ ഒരു വീട്ടില്‍ മരിച്ചത് ആറ് കുട്ടികള്‍

  • 4
    9 hours ago

    കൂടത്തായി കൊലപാതകം; ജോളിയുടേയും മാത്യുവിന്റേയും ജാമ്യാപേക്ഷ കോടതി തള്ളി

  • 5
    10 hours ago

    നെടുങ്കണ്ടം കസ്റ്റഡി മരണം; ആറുപേര്‍ കൂടി അറസ്റ്റില്‍

  • 6
    11 hours ago

    ‘മൂത്രത്തിൽ കല്ല് ‘ അസുഖം അലട്ടുന്നവർ ഈ കാര്യങ്ങൾ ശ്രദ്ധിക്കൂ

  • 7
    11 hours ago

    ’32 വര്‍ഷങ്ങള്‍ക്ക് മുന്‍പ് ഈ ദിവസമാണ് രണ്ട് നല്ല കാര്യങ്ങള്‍ എന്റെ ജീവിതത്തിലേക്ക് എത്തിയത്’;ഓർമ്മകൾ പങ്കുവെച്ച് ജയറാം

  • 8
    11 hours ago

    വേനൽചൂട് കനക്കുമ്പോൾ നേത്ര രോഗങ്ങൾക്കും സാധ്യത ; വേനലിൽ കണ്ണുകളെ സൂക്ഷിക്കണം

  • 9
    11 hours ago

    വേനൽ കനത്തു ; ശരീരത്തിലെ നിര്ജ്ജലീകരണം തടയാൻ ഈ കാര്യങ്ങൾ ശ്രദ്ധിക്കുക