Saturday, December 14th, 2019

ക്വിഡ് ഫെയ്സ്ലിഫ്റ്റിനെ അവതരിപ്പിക്കാനൊരുങ്ങി റെനോ

ഒക്ടോബര്‍ 1 ന് വിപണിയില്‍ അവതരിപ്പിക്കും

Published On:Sep 30, 2019 | 12:35 pm

ഫെയ്സ്ലിഫ്റ്റ് ക്വിഡിനെ വിപണിയില്‍ ഒക്ടോബര്‍ 1 ന് അവതരിപ്പിക്കുമെന്ന് റെനോ. ചൈനയില്‍ പുറത്തിറക്കിയ റെനോ ക്വിഡ് ഇലക്ട്രിക്ക് കാറില്‍ നിന്നും കടമെടുത്ത K-ZE ഡിസൈന്‍ ശൈലിയാണ് ഫെയ്സ്ലിഫ്റ്റ് ക്വിഡിനും നല്‍കിയിരിക്കുന്നത്. നാലു വകഭേദങ്ങളും മോഡലില്‍ ഒരുങ്ങും. അടുത്തിടെ വാഹനത്തിന്റെ ആദ്യ ടീസറും കമ്പനി പുറത്തുവിട്ടിരുന്നു. പുതിയ ബമ്പര്‍, സ്പ്ലിറ്റ് ഹെഡ്ലാമ്പ്, എല്‍ഇഡി ഡേ ടൈം റണ്ണിങ് ലാമ്പുകള്‍ തുടങ്ങിയ സവിശേഷതകളാണ്. കൂടുതല്‍ സ്പോര്‍ടി ഭാവം നല്‍കുന്നതിനായി മുന്നിലും, വശങ്ങളിലെ ഗ്ലാസുകളിലും ഓറഞ്ച് നിറവും നല്‍കിയിരിക്കുന്നു. ആന്‍ഡ്രോയിഡ് ഓട്ടോ, ആപ്പിള്‍ കാര്‍പ്ലേ എന്നിവയോട് കൂടിയ 8.0 ഇഞ്ച് ടച്ച് സ്‌ക്രീന്‍ ഇന്‍ഫോടൈന്‍മെന്റ് സിസ്റ്റം അകത്തളത്തെ സവിശേഷത. ഡിജിറ്റല്‍ ഇന്‍സ്ട്രുമെന്റ് ക്ലസ്റ്റര്‍ എന്നിവയും സവിശേഷതകളാണ്.
ആദ്യ മോഡലിലെ 800 സിസി, 1.0 ലിറ്റര്‍ എന്‍ജിനുകളുടെ ബിഎസ് VI പതിപ്പായിരിക്കും പുതിയ ക്വിഡില്‍. മാനുവല്‍ എഎംടി ഗിയര്‍ബോക്സുകള്‍ വാഹനത്തില്‍ പ്രതീക്ഷിക്കാം. മുഴുവന്‍ ക്വിഡ് വകഭേദങ്ങളിലും ABS അടിസ്ഥാന സുരക്ഷാ ഫീച്ചറായി ഒരുങ്ങും. പുതിയ ക്വിഡ് ഫെയ്സ്ലിഫ്റ്റ് വിപണിയില്‍ എത്തുന്നതിനൊപ്പം തന്നെ ക്വിഡ് ക്ലൈബറിന്റെയും ഫെയ്സ്ലിഫ്റ്റ് പതിപ്പിനെ വിപണയില്‍ അവതരിപ്പിക്കാന്‍ ഒരുങ്ങുകയാണ് കമ്പനി. രണ്ട് എന്‍ജിന്‍ ഓപ്ഷനുകളിലാണ് ക്വിഡ് വിപണിയില്‍ ഉള്ളത്. 800 സിസി മൂന്ന് സിലിണ്ടര്‍ പെട്രോള്‍ എഞ്ചിന്‍, 1.0 ലിറ്റര്‍ മുന്ന് സിലിണ്ടര്‍ പെട്രോള്‍ എഞ്ചിന്‍ ഓപ്ഷനുകളാണ് വാഹനത്തിന്റെ കരുത്ത്. ഇരു എഞ്ചിനുകളും ബിഎസ് VI നിലവാരത്തിലേക്ക് മാറ്റിയേക്കും. 800 സിസി മൂന്ന് സിലിണ്ടര്‍ പെട്രോള്‍ എഞ്ചിന്‍ 57 bhp കരുത്താണ്. 1.0 ലിറ്റര്‍ പെട്രോള്‍ എഞ്ചിന് പരമാവധി 67 bhp കരുത്തും 91 Nm torque ഉം ഉത്പാദിപ്പിക്കും. രണ്ട് എഞ്ചിന്‍ പതിപ്പുകളിലും അഞ്ച് സ്പീഡ് മാനുവല്‍ ഗിയര്‍ബോക്‌സാണ് നല്‍കിയിരിക്കുന്നത്. വില സംബന്ധിച്ച് ഒന്നും തന്നെ കമ്പനി വെളിപ്പെടുത്തിയിട്ടില്ല.

LIVE NEWS - ONLINE

  • 1
    4 mins ago

    മാപ്പ് പറയില്ലെന്ന് ആവര്‍ത്തിച്ച് രാഹുല്‍ ഗാന്ധി

  • 2
    1 hour ago

    പൗരത്വ നിയമ ഭേദഗതിക്കെതിരായ ഹര്‍ജി സുപ്രീംകോടതി ബുധനാഴ്ച പരിഗണിക്കും

  • 3
    1 hour ago

    സീറ്റുകള്‍ വിട്ടുകൊടുക്കില്ല: ജോസ് കെ. മാണി

  • 4
    1 hour ago

    പോക്‌സോ കേസില്‍ മുങ്ങിയ പ്രതി മൂന്നുവര്‍ഷത്തിന് ശേഷം കീഴടങ്ങി

  • 5
    1 hour ago

    നാളെ മുതല്‍ ടോള്‍പ്ലാസകളില്‍ ഫാസ്ടാഗ് നിര്‍ബന്ധം

  • 6
    2 hours ago

    യുഎഇയിലുണ്ടായ വാഹനാപകടത്തില്‍ മലയാളി മരിച്ചു

  • 7
    2 hours ago

    ഹൈക്കോടതി പരാമര്‍ശത്തിനെതിരെ മന്ത്രി ജി. സുധാരന്‍…

  • 8
    2 hours ago

    കേസ് കെട്ടിക്കിടക്കുന്നത് ജഡ്ജിമാരുടെ കുറ്റമാണോ: മന്ത്രി സുധാകരന്‍

  • 9
    2 hours ago

    ആരിലും വിശ്വാസമില്ലെങ്കില്‍ ജീവിച്ചിരുന്നിട്ടു കാര്യമില്ലെന്നും മന്ത്രി