Wednesday, December 11th, 2019

വോട്ടര്‍മാര്‍ക്ക് നന്ദി പറയാന്‍ രാഹുല്‍ വയനാട്ടിലെത്തുന്നു

കാലാവസ്ഥ അനുകൂലമാണെങ്കില്‍ ഏഴു കേന്ദ്രങ്ങളിലും റോഡ് ഷോ നടത്താനാണ് യു.ഡി.എഫ് തീരുമാനം.

Published On:Jun 1, 2019 | 9:36 am

കല്‍പ്പറ്റ: ലോക്‌സഭാ തെരഞ്ഞെടുപ്പില്‍ റെക്കോഡ് ഭൂരിപക്ഷം നല്‍കി വിജയിപ്പിച്ച വയനാട് ലോക്‌സഭ മണ്ഡലത്തിലെ വോട്ടര്‍മാരോട് നന്ദി പറയാന്‍ രാഹുല്‍ എത്തുന്നു. ജൂണ്‍ ഏഴ്, എട്ട് തീയതികളില്‍ മണ്ഡലത്തിലെ ഏഴു നിയമസഭ മണ്ഡലങ്ങളിലും രാഹുല്‍ നേരിട്ടെത്തി വോട്ടര്‍മാരോട് നന്ദി പറയും.
കാലാവസ്ഥ അനുകൂലമാണെങ്കില്‍ ഏഴു കേന്ദ്രങ്ങളിലും റോഡ് ഷോ നടത്താനാണ് യു.ഡി.എഫ് തീരുമാനം. വയനാട് മണ്ഡലത്തിലെ വോട്ടര്‍മാര്‍ക്ക് വേണ്ടിയുള്ള രാഹുല്‍ ഗാന്ധിവയനാട് ട്വിറ്റര്‍ ഹാന്‍ഡിലിലൂടെയാണ് രാഹുല്‍ വയനാട് മണ്ഡലം സന്ദര്‍ശിക്കാനെത്തുന്ന വിവരം ആദ്യം വെളിപ്പെടുത്തിയത്.
പാര്‍ട്ടി അധ്യക്ഷ സ്ഥാനത്തുനിന്നു രാജിവെക്കാനുള്ള തീരുമാനത്തില്‍ ഉറച്ചുനില്‍ക്കുന്നതിനിടെയാണ് രാഹുലിന്റെ വയനാട്ടിലേക്കുള്ള വരവ്. രാഹുലിനൊപ്പം സഹോദരി പ്രിയങ്ക ഗാന്ധിയും ഉണ്ടാകുമെന്നാണ് വിവരം. ഏഴിന് രാവിലെ കോഴിക്കോട് വിമാനത്താവളത്തിലെത്തുന്ന രാഹുലും സംഘവും മുക്കത്ത് നടക്കുന്ന റോഡ് ഷോയില്‍ പങ്കെടുക്കും. പിന്നാലെ മലപ്പുറം ജില്ലയിലെ നിലമ്പൂര്‍, വണ്ടൂര്‍, ഏറനാട് എന്നിവിടങ്ങളിലും റോഡ് ഷോ നടത്തും.
വൈകീട്ട് വയനാട്ടിലേക്ക് തിരിക്കുന്ന രാഹുല്‍ രാത്രിയില്‍ വൈത്തിരിയില്‍ തങ്ങും. എട്ടിന് കല്‍പറ്റ, ബത്തേരി, മാനന്തവാടി എന്നിവിടങ്ങളില്‍ റോഡ് ഷോയില്‍ പങ്കെടുക്കും. വൈകീട്ട് കണ്ണൂര്‍ വിമാനത്താവളം വഴി മടങ്ങും. മുക്കത്തും കല്‍പറ്റയിലും എം.പി ഓഫിസ് തുറക്കാനും തീരുമാനമായിട്ടുണ്ട്.

LIVE NEWS - ONLINE

  • 1
    14 hours ago

    ഹൈദരാബാദ് ഏറ്റുമുട്ടല്‍; റിട്ട.ജഡ്ജി അന്വേഷിക്കണമെന്ന് സുപ്രീംകോടതി

  • 2
    15 hours ago

    ഗുജറാത്ത് കലാപം: മോദിക്ക് ക്ലീന്‍ചിറ്റ്

  • 3
    15 hours ago

    പദ്ധതി നിര്‍വഹണത്തിന്റെ ഗതിവേഗം വര്‍ധിപ്പിക്കണം: മന്ത്രി മൊയ്തീന്‍

  • 4
    16 hours ago

    കാര്‍ എറിഞ്ഞ് തകര്‍ത്ത സംഭവത്തില്‍ രണ്ട് പേര്‍ അറസ്റ്റില്‍

  • 5
    16 hours ago

    കവര്‍ച്ചാ സാധനങ്ങള്‍ വാങ്ങിയ കടയുടമ അറസ്റ്റില്‍

  • 6
    16 hours ago

    ഡിജിറ്റല്‍ തെളിവുകള്‍ ആവശ്യപ്പെട്ട് ദിലീപ് നല്‍കിയ ഹര്‍ജി കോടതി തള്ളി

  • 7
    16 hours ago

    ബൈക്ക് നിയന്ത്രണം വിട്ട് മറിഞ്ഞ് യുവാവിന് പരിക്ക്

  • 8
    16 hours ago

    ലഹരിമരുന്നുമയി പിടിയില്‍

  • 9
    17 hours ago

    ശബരിമല തീര്‍ത്ഥാടകന്‍ മുങ്ങി മരിച്ചു