Sunday, February 23rd, 2020

പ്രവാസി വ്യവസായി സാജന്റെ കണ്‍വന്‍ഷന്‍ സെന്ററിന് പ്രവര്‍ത്തനാനുമതി നല്‍കാന്‍ തീരുമാനം

ചട്ടലംഘനങ്ങള്‍ പരിഹരിച്ചുവെന്ന് ഉറപ്പ് വരുത്തിയശേഷം അനുമതി നല്‍കാം.

Published On:Jul 6, 2019 | 11:39 am

തിരു: അധികൃതരുടെ അനാസ്ഥയില്‍ ജീവന്‍ ഹോമിക്കേണ്ടി വന്ന പ്രവാസി വ്യവസായി സാജന്‍ പാറയിലിന്റെ കണ്ണൂര്‍ ആന്തൂരിലെ കണ്‍വന്‍ഷന്‍ സെന്ററിന് പ്രവര്‍ത്തനാനുമതി നല്‍കാന്‍ ഒടുവില്‍ തീരുമാനം. ചട്ടലംഘനം പരിഹരിച്ചെന്ന് ഉറപ്പുവരുത്തിക്കഴിഞ്ഞാല്‍ പ്രവര്‍ത്തനാനുമതി നല്‍കാവുന്നതാണെന്ന് തദ്ദേശ ഭരണവകുപ്പ് അഡീഷണല്‍ ചീഫ് സെക്രട്ടറി പുറത്തിറക്കിയ ഉത്തരവില്‍ പറയുന്നു.
നഗരസഭാ സെക്രട്ടറി കണ്‍വന്‍ഷന്‍ സെന്ററില്‍ പരിശോധന നടത്തണം. ചട്ടലംഘനങ്ങള്‍ പരിഹരിച്ചുവെന്ന് ഉറപ്പ് വരുത്തിയശേഷം അനുമതി നല്‍കാമെന്നും ഉത്തരവില്‍ പറയുന്നു.
കണ്‍വന്‍ഷന്‍ സെന്ററിന് പ്രവര്‍ത്തനാനുമതി നിഷേധിച്ചതില്‍ മനംനൊന്ത് സാജന്‍ പാറയില്‍ ആത്മഹത്യ ചെയ്തതോടെ തദ്ദേശഭരണവകുപ്പും നഗരസഭ ഉദ്യോഗസ്ഥരും ഭരണസമിതിയും പ്രതിരോധത്തിലായിരുന്നു. വിഷയം സി.പി.എമ്മിനെതിരായ ആയുധമായി പ്രതിപക്ഷ കക്ഷികള്‍ ഉപയോഗിച്ചതോടെ സര്‍ക്കാര്‍ തലത്തില്‍ പ്രശ്‌ന പരിഹാരത്തിന് ഇടപെടല്‍ നടന്നിരുന്നു. തദേശ ഭരണവകുപ്പ് മന്ത്രി എ.സി മൊയ്തീന്‍ അഡീഷണല്‍ ചീഫ് സെക്രട്ടറിയോട് പരിശോധന നടത്താന്‍ നിര്‍ദേശിച്ചിക്കുകയിരുന്നു. ഫയലുകള്‍ വരുത്തി പരിശോധിച്ച ശേഷമാണ് സെക്രട്ടറിയുടെ നിര്‍ദേശം.
ചീഫ് ടൗണ്‍ പ്ലാനിംഗ് ഓഫീസറും നഗരസഭാ എഞ്ചിനീയറും കണ്‍വന്‍ഷന്‍ സെന്റര്‍ പരിശോധിച്ച് തയ്യാറാക്കിയ റിപ്പോര്‍ട്ടില്‍ കണ്‍വന്‍ഷന്‍ സെന്ററിന്റെ പ്ലാനും നിര്‍മ്മാണവും തമ്മില്‍ ചില വ്യത്യാസങ്ങള്‍ കണ്ടെത്തിയിരുന്നു. ഇത് പരിഹരിക്കാന്‍ നിര്‍ദേശം നല്‍കിയിരുന്നു. ഗുരുതരമായ ചട്ടലംഘനമോ കെട്ടിടത്തിന് ബലക്ഷയമോ ഇല്ലെന്നും കണ്ടെത്തിയിരുന്നു. ഈ റിപ്പോര്‍ട്ടുകള്‍ പരിശോധിച്ച ശേഷമാണ് പിഴവുകള്‍ പരിഹരിച്ചുകഴിഞ്ഞാല്‍ അനുമതി നല്‍കാമെന്ന്് അഡീഷണല്‍ ചീഫ് സെക്രട്ടറി നിര്‍ദേശം നല്‍കിയത്.

 

LIVE NEWS - ONLINE

  • 1
    7 hours ago

    ‘നീയൊക്കെ എവിടുന്നു വരുന്നു എന്ന് എനിക്കറിയണം, എടുക്കെടാ നിന്‍റെ ഐഡി കാർഡ്’; പൊതുജന മധ്യത്തിൽ ഇതര സംസ്ഥാന തൊഴിലാളിക്കെതിരെ ഓട്ടോ ഡ്രൈവറുടെ അതിക്രമം- വീഡിയോ

  • 2
    10 hours ago

    സെക്രട്ടേറിയേറ്റ് ജീവനക്കാരുടെ പി.എസ്.സി പരിശീലന കേന്ദ്രങ്ങള്‍ക്കെതിരെ വിജിലന്‍സ് അന്വേഷണം

  • 3
    12 hours ago

    ഭീം ആര്‍മിയുടെ ഭാരത് ബന്ദ് കേരളത്തില്‍ ഭാഗികം;പിന്തുണയുമായി സി.പി.ഐയും ആര്‍.ജെ.ഡിയും

  • 4
    12 hours ago

    കുളത്തൂപ്പുഴയില്‍ വെടിയുണ്ട കണ്ടെത്തിയ സംഭവം; കേന്ദ്ര ഏജന്‍സികള്‍ അന്വേഷിക്കും

  • 5
    12 hours ago

    ‘ പ്രതിഫലം തിരികെ തരണം,’ തൃഷയ്‌ക്കെതിരെ നിര്‍മാതാവ്

  • 6
    1 day ago

    കൊല്ലത്ത് വെടിയുണ്ടകള്‍ ഉപേക്ഷിച്ച നിലയില്‍

  • 7
    1 day ago

    അങ്കമാലിയില്‍ വീട് കുത്തിത്തുറന്ന് 40 പവന്‍ സ്വര്‍ണം കവര്‍ന്നു

  • 8
    1 day ago

    ലിംഗനീതി ഉറപ്പാക്കാതെ ഒരു രാജ്യത്തിനും വികസിക്കാനാവില്ല: മോദി

  • 9
    1 day ago

    കണ്ണൂരില്‍ വീടിനുള്ളില്‍ ദമ്പതികള്‍ മരിച്ച നിലയില്‍