Tuesday, February 18th, 2020

ആസൂത്രണമില്ലായ്മ സൃഷ്ടിച്ച മഹാദുരന്തം; വിഡി സതീശന്‍

മൃതശരീരങ്ങള്‍ ബസില്‍ കൊണ്ടുപോകേണ്ട അവസ്ഥ ഉണ്ടായി

Published On:Aug 30, 2018 | 11:40 am

തിരു: പ്രളയം ഭരണാധികാരികളുടെ ആസൂത്രണമില്ലായ്മ സൃഷ്ടിച്ച മഹാദുരന്തമാണെന്ന് ചരിത്രം വിധിയെഴുതുമെന്ന് കോണ്‍ഗ്രസ് നേതാവ് വി.ഡി സതീശന്‍. പ്രളയത്തെ കുറിച്ച് ചര്‍ച്ചചെയ്യാന്‍ ചേര്‍ന്ന പ്രത്യേക നിയമസഭാ സമ്മേളനത്തില്‍ സംസാരിക്കുകയായിരുന്നു അദ്ദേഹം.
ഈ മഹാദുരന്തം ഇനി ആവര്‍ത്തിക്കപ്പെടരുത്. ഈ പ്രളയം മനുഷ്യ നിര്‍മിതമായ ദുരന്തമാണ്. മഴ തകര്‍ത്ത് പെയ്യുമ്പോള്‍ നദികള്‍ നിറയാന്‍ കാത്തുനിന്ന് എല്ലാ ഡാമുകളും ഒന്നിച്ച് തുറന്ന് ഈ മഹാ പ്രളയം സൃഷ്ടിച്ചത് ആരാണ്.
ഡാം മാനേജ്‌മെന്റിന്റെ എ.ബി.സി.ഡി അറിയാത്തവരെ അതിന് ഏല്‍പ്പിച്ചത് ആരാണ്. വേലിയിറക്കമുള്ള സമയത്ത് വെള്ളം തുറന്നുവിടണമെന്ന പ്രഥമിക ധാരണ പോലും പലര്‍ക്കുമില്ലായിരുന്നു. ജൂണിലും ജൂലൈയിലും കനത്ത മഴയായിരുന്നു. ഡാമില്‍ നിന്ന് കുറഞ്ഞ അളവില്‍ വെള്ളം തുറന്നുവിടാനുള്ള സമയമുണ്ടായിട്ടും അത് ചെയ്തില്ല.
വൈദ്യുതി വകുപ്പ് മന്ത്രിയും ജലവിഭവ വകുപ്പ് മന്ത്രിയും ഡാം തുറക്കുന്നതിനെ കുറിച്ച് പരസ്പര വിരുദ്ധമായ കാര്യങ്ങളാണ് പറഞ്ഞത്. മുഖ്യമന്ത്രിയുടെ പ്രസംഗത്തില്‍ കാലാവസ്ഥ പ്രവചനത്തെ കുറിച്ച് തെറ്റായ കാര്യങ്ങളാണ് പറഞ്ഞത്.
വെള്ളം ഇറങ്ങിയതിന് ശേഷമാണ് രക്ഷാപ്രവര്‍ത്തനം നടത്തേണ്ടി വന്നത്. ആംബുലന്‍സ് പോലും ലഭിക്കാതെ മൃതശരീരങ്ങള്‍ ബസ്സില്‍ കൊണ്ടുപോകേണ്ട അവസ്ഥ വരെ ഉണ്ടായി. മത്സ്യത്തൊഴിലാളികള്‍ നടത്തിയ രക്ഷാപ്രവര്‍ത്തനത്തില്‍ മറ്റുള്ളവര്‍ അഭിമാനം കൊള്ളേണ്ട ആവശ്യമില്ല.
മഴ പെയ്തതുകൊണ്ടാണ് പ്രളയമുണ്ടായതെന്ന മുഖ്യമന്ത്രിയുടെ നിലപാട് മുല്ലപ്പെരിയാര്‍ കേസില്‍ കേരളത്തിന്റെ നടുവൊടിക്കുന്നതാണെന്നും സതീഷന്‍ ആരോപിച്ചു. സതീശന്റെ പ്രസംഗം പലപ്പോഴും ബഹളത്തെ തുടര്‍ന്ന് തടസ്സപ്പെട്ടു. മന്ത്രി എം.എം മണി പ്രസംഗത്തിനിടെ തന്നോട് പരിഹസിക്കുന്ന ചേഷ്ട കാട്ടിയതായും സതീശന്‍ ആരോപിച്ചു.

 

LIVE NEWS - ONLINE

  • 1
    16 mins ago

    സിഎജി റിപ്പോര്‍ട്ട് പരിശോധിക്കാന്‍ മുഖ്യമന്ത്രിയുടെ നിര്‍ദ്ദേശം

  • 2
    49 mins ago

    നാല്‍പ്പത്തിമൂന്ന് ലക്ഷം രൂപയുടെ നിരോധിച്ച നോട്ടുകളുമായി ഒരാള്‍ അറസ്റ്റില്‍

  • 3
    60 mins ago

    കുഞ്ഞിന്റെ മൃതദേഹം കണ്ടെടുത്ത സംഭവം; മാതാപിതാക്കള്‍ പോലീസ് കസ്റ്റഡിയില്‍

  • 4
    2 hours ago

    അമ്മയും സഹോദരനും ചേര്‍ന്ന് യുവാവിനെ കൊന്ന് ചാക്കില്‍കെട്ടി വഴിയില്‍ തള്ളി

  • 5
    2 hours ago

    പരീക്ഷയെഴുതുന്നതിനായി അലന്‍ ഷുഹൈബിനെ ഇന്ന് കണ്ണൂരിലെത്തിക്കും

  • 6
    2 hours ago

    തദ്ദേശ സ്വയംഭരണ തെരഞ്ഞെടുപ്പ് വോട്ടര്‍ പട്ടിക; ലീഗ് തടസ ഹരജി നല്‍കി

  • 7
    2 hours ago

    തദ്ദേശ തെരഞ്ഞെടുപ്പ് വോട്ടര്‍ പട്ടിക; ലീഗ് തടസ ഹരജി നല്‍കി

  • 8
    3 hours ago

    ആറ് ജില്ലകളില്‍ ചൂട് വര്‍ധിക്കും

  • 9
    3 hours ago

    മലപ്പുറം സ്വദേശി ദുബായിയില്‍ കെട്ടിടത്തിന്റെ മുകളില്‍നിന്ന് വീണ് മരിച്ചു