Sunday, October 25th, 2020

ബാഴ്‌സലോണ കളിക്കാര്‍ 70% പ്രതിഫലം കുറച്ചത് ആരുടേയും സമ്മര്‍ദ്ദം കൊണ്ടല്ലെന്ന് മെസി

കൊറോണ വൈറസ് പടര്‍ന്നുപിടിച്ചതോടെ ലാ ലിഗ അടക്കമുള്ള ഫുട്‌ബോള്‍ലീഗുകള്‍ നീട്ടിയിരുന്നു

Published On:Mar 31, 2020 | 11:00 am

ബാഴ്‌സലോണ കളിക്കാരുടെ പ്രതിഫലം 70% കൊറോണ പ്രതിരോധത്തിന്റെ ഭാഗമായി നല്‍കാന്‍ കളിക്കാര്‍ തീരുമാനിച്ച വിവരം സ്ഥിരീകരിച്ച് ലയണല്‍ മെസി. കൊറോണയെ തുടര്‍ന്ന് ബാഴ്‌സലോണ നേരിടുന്ന സാമ്പത്തിക പ്രതിസന്ധി മറികടക്കുകയെന്ന ലക്ഷ്യത്തിലാണ് കളിക്കാര്‍ക്ക് ശമ്പളം വെട്ടിക്കുറച്ചത്. ഈ പ്രതിസന്ധി ഉള്‍ക്കൊണ്ട് കളിക്കാര്‍ സ്വമനസാലെ പ്രതിഫലം കുറക്കാന്‍ തയ്യാറായതാണെന്നും അരുടേയും പ്രത്യേകം സമ്മര്‍ദത്തിന്റെ ഫലമല്ലെന്നും ലയണല്‍ മെസി തുറന്നടിച്ചു.

കൊറോണ വൈറസ് പടര്‍ന്നുപിടിച്ചതോടെ ലാ ലിഗ അടക്കമുള്ള ഫുട്‌ബോള്‍ലീഗുകള്‍ നീട്ടിയിരുന്നു. തുടര്‍ന്നാണ് ബാഴ്‌സലോണ ക്ലബ് പ്രസിഡന്റ് ബര്‍ത്തോമുവും മുതിര്‍ന്ന കളിക്കാരും തമ്മില്‍ പ്രതിഫലം കുറക്കുന്നതിനെ കുറിച്ച് ചര്‍ച്ചകളുണ്ടായെന്ന റിപ്പോര്‍ട്ടുകള്‍ പുറത്തുവരുന്നത്. കളിക്കാരില്‍ ഒരുവിഭാഗം പ്രതിഫലം കുറക്കുന്നതിനെ എതിര്‍ത്തുവെന്ന് സ്പാനിഷ് മാധ്യമങ്ങള്‍ അടക്കം റിപ്പോര്‍ട്ടു ചെയ്യുകയും ചെയ്തിരുന്നു. ഇത് പാടെ നിഷേധിച്ചാണ് ലയണല്‍ മെസി തന്നെ ഇപ്പോള്‍ രംഗത്തുവന്നിരിക്കുന്നത്.

സോഷ്യല്‍മീഡിയയില്‍ പോസ്റ്റു ചെയ്ത സന്ദേശത്തിലാണ് കളിക്കാര്‍ പ്രതിഫലം കുറക്കാന്‍ വിസമ്മതിച്ചിട്ടില്ലെന്ന് മെസി വ്യക്തമാക്കുന്നത്. മെസിയുടെ പോസ്റ്റ് ബാഴ്‌സലോണ താരങ്ങളടക്കം പങ്കുവെക്കുകയും ചെയ്തിട്ടുണ്ട്. കാര്യങ്ങള്‍ കൂടുതല്‍ വഷളാവുകയാണെങ്കില്‍ 70 ശതമാനമല്ല കളിക്കാരുടെ ശമ്പളം പൂര്‍ണ്ണമായി തന്നെ ക്ലബിന് വെട്ടിക്കുറക്കാമെന്ന് മെസി വ്യക്തമാക്കുന്നു. ഇത്തരം സാഹചര്യത്തില്‍ പ്രതിഫലം കുറക്കുന്നതിനെ ഒരിക്കല്‍ പോലും ബാഴ്‌സ താരങ്ങള്‍ എതിര്‍ത്തിട്ടില്ലെന്നും പ്രതിസന്ധികളില്‍ എക്കാലത്തും ക്ലബിനൊപ്പമാണ് കളിക്കാരെന്നും മെസി കൂട്ടിച്ചേര്‍ക്കുന്നുണ്ട്.

LIVE NEWS - ONLINE

  • 1
    13 hours ago

    വടക്കന്‍ കേരളത്തിലും മധ്യകേരളത്തിലും അടുത്ത അഞ്ച് ദിവസം കൂടി മഴ തുടരും

  • 2
    17 hours ago

    ചങ്ങനാശ്ശേരിയില്‍ ബൈക്കും സ്‌കൂട്ടറും കൂട്ടിയിടിച്ച് അപകടം; മൂന്ന് പേര്‍ മരിച്ചു

  • 3
    17 hours ago

    ആഷിഖ് അബുവും ടോവിനോയും വീണ്ടും ഒന്നിക്കുന്നു

  • 4
    18 hours ago

    കാക്കനാടുള്ള ഇന്‍ഫോപാര്‍ക്കിന് സമീപം വഴിയരികില്‍ അജ്ഞാത മൃതദേഹം കണ്ടെത്തി

  • 5
    18 hours ago

    പിരിഞ്ഞുതാമസിക്കുകയായിരുന്ന ഭര്‍ത്താവിന് മാസം തോറും ഭാര്യ പണം നല്‍കണമെന്ന് കോടതി

  • 6
    18 hours ago

    രാജ്യത്ത് 50,129 പേര്‍ക്കു കൂടി കോവിഡ്

  • 7
    1 day ago

    സംസ്ഥാനത്ത് ഇന്ന് 8253 പേര്‍ക്ക് കോവിഡ്-19 സ്ഥിരീകരിച്ചു

  • 8
    2 days ago

    ദേവേന്ദ്ര ഫഡ്നാവിസിന് കോവിഡ് സ്ഥിരീകരിച്ചു

  • 9
    2 days ago

    കൊവിഡ് ബാധിച്ച് മരിക്കുന്നവരുടെ മുഖം ബന്ധുക്കളെ കാണിക്കാന്‍ തീരുമാനം