Wednesday, December 11th, 2019

ലണ്ടന്‍ ഭീകരാക്രമണ കേസ്; കശ്മീരിനെ ലക്ഷ്യമിട്ടിരുന്നതായി ബ്രിട്ടീഷ് കോടതി

യു.കെ.യില്‍ ജനിച്ച ഉസ്മാന്‍ഖാന്‍ കൗമാരകാലം അമ്മയോടൊപ്പം പാകിസ്ഥാനിലായിരുന്നു.

Published On:Dec 2, 2019 | 9:34 am

ലണ്ടന്‍: ബ്രിട്ടനിലെ ലണ്ടന്‍ബ്രിഡ്ജിനുമുകളില്‍ കഴിഞ്ഞദിവസം രണ്ടുപേരെ കുത്തിക്കൊന്ന ഉസ്മാന്‍ ഖാന്‍ കശ്മീരില്‍ ഭീകരാക്രമണത്തിന് ലക്ഷ്യമിട്ടിരുന്നതായി സ്ഥിരീകരണം. ഇയാള്‍ പ്രതിയായ 1990ലെ ലണ്ടന്‍ സ്റ്റോക്ക് എക്‌സ്‌ചേഞ്ച് ഭീകരാക്രമണക്കേസിന്റെ വിധിപ്രസ്താവനയിലാണ് ബ്രിട്ടീഷ് ജഡ്ജി അലന്‍ വില്‍കി ഇതുസംബന്ധിച്ച മുന്നറിയിപ്പുനല്‍കിയത്.
പാക് അധീന കശ്മീരില്‍ മദ്രസപരിശീലനവും പ്രവര്‍ത്തനപരിചയവുമുള്ള ഉസ്മാന്‍ഖാനും കൂട്ടാളി നസാന്‍ ഹുസൈനും കശ്മീരില്‍ ഭീകരാക്രമണം നടത്താന്‍ ലക്ഷ്യമിട്ടിരുന്നെന്നും ഇവര്‍ യു.കെ.യില്‍ തിരിച്ചെത്തി ആക്രമണം നടത്താനിടയുണ്ടെന്നുമാണ് 2012ലെ വിധിയില്‍ ജഡ്ജി ചൂണ്ടിക്കാട്ടിയത്. ‘ആപത്കാരിയായ ജിഹാദി’ എന്നാണ് ഇയാളെ കോടതി വിശേഷിപ്പിച്ചത്.
പാക് അധീന കശ്മീരില്‍ മദ്രസകളുടെ മറവില്‍ ഭീകരവാദക്യാമ്പുകളുണ്ടാക്കാനും അതിലേക്ക് പണമെത്തിക്കാനും ഉസ്മാന്‍ഖാന്‍ പ്രവര്‍ത്തിച്ചിരുന്നുവെന്നാണ് റിപ്പോര്‍ട്ടുകള്‍. യു.കെ.യില്‍ ജനിച്ച ഉസ്മാന്‍ഖാന്‍ കൗമാരകാലം അമ്മയോടൊപ്പം പാകിസ്ഥാനിലായിരുന്നു.
അവിടെ ഭീകരസംഘടനകളുമായി ബന്ധപ്പെട്ട് പ്രവര്‍ത്തനം തുടങ്ങി. തുടര്‍ന്ന് ലണ്ടനില്‍ തിരിച്ചെത്തി. ഇന്റര്‍നെറ്റ് വഴിയായിരുന്നു ഭീകരവാദം വളര്‍ത്താന്‍ ശ്രമിച്ചത്. ലണ്ടന്‍ സ്റ്റോക്ക് എക്‌സ്‌ചേഞ്ച് കേസില്‍ 16 വര്‍ഷം തടവിനുശിക്ഷിക്കപ്പെട്ട ഇയാള്‍, 2018ലാണ് പരോളില്‍ പുറത്തിറങ്ങിയത്. 2010ല്‍ ലണ്ടനില്‍ ആക്രമണം നടത്താന്‍ ഗൂഢാലോചന നടത്തിയകേസിലും ഒമ്പതുപേര്‍ക്കൊപ്പം പ്രതിയായി.
ലണ്ടന്‍ ബ്രിഡ്ജില്‍ കഴിഞ്ഞദിവസം ഭീകരാക്രമണം നടത്തിയ ഉസ്മാന്‍ഖാന് ഇസ്‌ലാമിക് സ്റ്റേറ്റുമായി ബന്ധമുള്ളതായി സംഘടന വെളിപ്പെടുത്തി. തങ്ങളുടെ വാര്‍ത്താ ഏജന്‍സിയായ ‘അമാഖി’ലാണ് ഐ.എസ്. ഭീകരാക്രമണത്തിന്റെ ഉത്തരവാദിത്വമേറ്റെടുത്ത് പ്രസ്താവനയിറക്കിയത്.

 

LIVE NEWS - ONLINE

  • 1
    13 hours ago

    പൗരത്വ ഭേദഗതി ബില്‍ ഇന്ത്യന്‍ ഭരണഘടനയെ കടന്നാക്രമിക്കുന്നു: രാഹുല്‍ ഗാന്ധി

  • 2
    15 hours ago

    രഹന ഫാത്തിമയുടെ ഹര്‍ജി സുപ്രീം കോടതി വെള്ളിയാഴ്ച പരിഗണിക്കും

  • 3
    16 hours ago

    വിദ്യാര്‍ത്ഥിനിയെ ക്ലാസ് മുറിയില്‍ പൂട്ടിയിട്ടു

  • 4
    17 hours ago

    ലൈംഗിക അതിക്രമ പരാതികളില്‍ ജാഗ്രത പാലിക്കണമെന്ന് ഹൈക്കോടതി

  • 5
    18 hours ago

    ആള്‍മാറാട്ടത്തിലൂടെ തട്ടിപ്പ് പതിവാക്കിയ വിരുതന്‍ പിടിയില്‍

  • 6
    18 hours ago

    തലയില്‍ ഫാന്‍ പൊട്ടിവീണ് വിദ്യാര്‍ഥിക്ക് പരിക്ക്

  • 7
    19 hours ago

    പ്രശസ്ത വയലിനിസ്റ്റ് ബാലഭാസ്‌കറിന്റെ അപകടമരണം സിബിഐ അന്വേഷിക്കും.

  • 8
    19 hours ago

    ബാലഭാസ്‌കറിന്റെ അപകടമരണം സിബിഐ അന്വേഷിക്കും

  • 9
    19 hours ago

    സി.ആര്‍.പി.എഫ് ജവാന്‍ നടത്തിയ വെടിവെപ്പില്‍ രണ്ട് മേലുദ്യോഗസ്ഥര്‍ കൊല്ലപ്പെട്ടു