Tuesday, October 15th, 2019

ലാവ്‌ലിന്‍ കേസ്; സുപ്രീംകോടതി രണ്ടാഴ്ചത്തേക്ക് മാറ്റിവെച്ചു

ദീപാവലി അവധിക്ക് ശേഷം കേസ് പരിഗണിച്ചേക്കും.

Published On:Oct 1, 2019 | 4:42 pm

ന്യൂഡല്‍ഹി: ലാവ്‌ലിന്‍ കേസ് പരിഗണിക്കുന്നത് സുപ്രീംകോടതി രണ്ടാഴ്ചത്തേക്ക് മാറ്റിവെച്ചു. ജസ്റ്റിസ് എന്‍.വി.രമണ അധ്യക്ഷനായ ബെഞ്ചാണ് ലാവ്‌ലിന്‍ കേസുമായി ബന്ധപ്പെട്ടുള്ള ഹരജികള്‍ പരിഗണിക്കുന്നത് മാറ്റിവെച്ചത്.
സി.ബി.ഐ.യുടെ ഹരജിയില്‍ രേഖകള്‍ നല്‍കാനും സത്യവാങ്മൂലം സമര്‍പ്പിക്കാനും കൂടുതല്‍ സമയം അനുവദിക്കണമെന്ന് മുന്‍ ഊര്‍ജസെക്രട്ടറി മോഹനചന്ദ്രന്‍ ആവശ്യപ്പെട്ടിരുന്നു. ഇത് ചൂണ്ടിക്കാട്ടിയാണ് കേസ് പരിഗണിക്കുന്നത് സുപ്രീംകോടതി മാറ്റിവെച്ചത്.
ലാവ്‌ലിന്‍ കേസില്‍ പിണറായി വിജയനെ കുറ്റവിമുക്തനാക്കിയ ഹൈക്കോടതി വിധിക്കെതിരെയാണ് സി.ബി.ഐ. സുപ്രീംകോടതിയെ സമീപിച്ചത്. കേസില്‍ വാദത്തിന് തയ്യാറാണെന്ന് സി.ബി.ഐ.ക്ക് വേണ്ടി ഹാജരായ സോളിസിറ്റര്‍ ജനറല്‍ തുഷാര്‍ മേത്ത കോടതിയെ അറിയിച്ചിരുന്നു.
കേസില്‍ കക്ഷിചേരാനുള്ള ക്രൈം നന്ദകുമാറിന്റെ ആവശ്യം ഹൈക്കോടതി നേരത്തെ തള്ളിയതാണെന്ന് മുഖ്യമന്ത്രിയുടെ അഭിഭാഷകന്‍ വി.ഗിരി സുപ്രീംകോടതിയെ അറിയിച്ചു. അതേസമയം, കേസ് രണ്ടാഴ്ചത്തേക്ക് മാറ്റിവെച്ചെങ്കിലും കൃത്യമായ തീയതി സുപ്രീംകോടതി വ്യക്തമാക്കിയിട്ടില്ല. നിലവിലെ സൂചനയനുസരിച്ച് ദീപാവലി അവധിക്ക് ശേഷം കേസ് പരിഗണിച്ചേക്കുമെന്നാണ് വിവരം.

 

LIVE NEWS - ONLINE

  • 1
    5 hours ago

    പാലാരിവട്ടം പാലം; പ്രധാന രേഖകള്‍ കാണാതായി

  • 2
    9 hours ago

    മഞ്ചേശ്വരത്ത് 2006 ആവര്‍ത്തിക്കും: കോടിയേരി

  • 3
    9 hours ago

    കാസര്‍കോട് നഗരസഭയില്‍ പൊട്ടിത്തെറി

  • 4
    9 hours ago

    പമ്പ് ഉടമയെ കൊല്ലപ്പെട്ട നിലയില്‍ കണ്ടെത്തി

  • 5
    9 hours ago

    സ്വത്ത് തട്ടിയെടുക്കാനായി ജോളി തയാറാക്കിയത് രണ്ടു വില്‍പ്പത്രങ്ങള്‍

  • 6
    9 hours ago

    മാര്‍ക്ക് ദാനം; പ്രതിഷേധിച്ച കെഎസ്‌യു പ്രവര്‍ത്തകര്‍ അറസ്റ്റില്‍

  • 7
    10 hours ago

    കാട്ടാനയുടെ ചവിട്ടേറ്റ് സി പി എം നേതാവ് മരിച്ചു

  • 8
    11 hours ago

    ഊബര്‍ ടാക്‌സി ഡ്രൈവറെ ആക്രമിച്ച് കാര്‍ തട്ടിയെടുത്തു

  • 9
    11 hours ago

    പീഡനക്കേസ്; ബിനോയ് കോടിയേരിയുടെ ഹരജി രണ്ടുവര്‍ഷത്തേക്ക് നീട്ടിവെച്ചു