Saturday, December 14th, 2019

കരുത്തനായി കോലി

ഏകദിനത്തില്‍ 75-80 സെഞ്ചുറികള്‍ വരെ നേടാന്‍ കെല്‍പ്പുള്ള താരം

Published On:Aug 13, 2019 | 10:18 am

ന്യൂഡല്‍ഹി: ഏതാനും ഇന്നിങ്‌സുകള്‍ക്കു ശേഷം വീണ്ടും സെഞ്ചുറിയുമായി തിളങ്ങുകയാണ് ഇന്ത്യന്‍ ക്യാപ്റ്റന്‍ വിരാട് കോലി. വെസ്റ്റിന്‍ഡീസിനെതിരായ രണ്ടാം ഏകദിനത്തില്‍ കോലിയുടെ സെഞ്ചുറി മികവില്‍ 59 റണ്‍സിനായിരുന്നു ഇന്ത്യന്‍ വിജയം.
ഏകദിന കരിയറിലെ 42ാം സെഞ്ചുറിയാണ് കോലി വിന്‍ഡീസിനെതിരേ കുറിച്ചത്. 125 പന്തില്‍ ഒരു സിക്‌സും 14 ബൗണ്ടറിയുമടക്കം കോലി 120 റണ്‍സെടുത്തു. സെഞ്ചുറികളുടെ എണ്ണത്തില്‍ സച്ചിന്‍ തെണ്ടുല്‍ക്കര്‍ (49) മാത്രമാണ് ഇനി കോലിക്ക് മുന്നിലുള്ളത്. ലോകകപ്പില്‍ ഒരു സെഞ്ചുറി പോലും നേടാനാകാതിരുന്ന കോലി 11 ഇന്നിങ്‌സുകള്‍ക്ക് ശേഷമാണ് ഏകദിനത്തില്‍ സെഞ്ചുറി നേടുന്നത്.
ഇപ്പോഴിതാ ഇങ്ങനെ പോവുകയാണെങ്കില്‍ കോലി ഇന്ത്യയ്ക്കായി ഏകദിനത്തില്‍ 7580 സെഞ്ചുറികള്‍ വരെ നേടുമെന്ന് പ്രവചിച്ചിരിക്കുകയാണ് മുന്‍ ഇന്ത്യന്‍ താരം വസീം ജാഫര്‍. വിന്‍ഡീസിനെതിരായ ഇന്നിങ്‌സിനു ശേഷം കോലിയെ അഭിനന്ദിച്ചുകൊണ്ടുള്ള ട്വീറ്റിലാണ് ജാഫര്‍ ഇക്കാര്യം പ്രവചിച്ചിരിക്കുന്നത്.
ഇന്ത്യക്കായി 31 ടെസ്റ്റ് കളിച്ച താരമാണ് ജാഫര്‍. രണ്ട് ഇരട്ട സെഞ്ചുറികളും അഞ്ച് സെഞ്ചുറികളും 11 അര്‍ധ സെഞ്ചുറികളും ഉള്‍പ്പെടെ 1944 റണ്‍സാണ് സമ്പാദ്യം.
42ാം ഏകദിന സെഞ്ചുറി കുറിച്ച മത്സരത്തില്‍ കോലി രണ്ട് റെക്കോഡുകള്‍ മറികടക്കുകയും ചെയ്തു. ഏകദിനത്തിലെ റണ്‍ നേട്ടത്തില്‍ മുന്‍ ഇന്ത്യന്‍ ക്യാപ്റ്റന്‍ സൗരവ് ഗാംഗുലിയെ മറികടന്ന കോലി ഇന്ത്യയ്ക്കായി ഏകദിനത്തില്‍ ഏറ്റവും കൂടുതല്‍ റണ്‍സ് നേടുന്ന രണ്ടാമത്തെ താരമായി. 311 ഏകദിനങ്ങളില്‍ നിന്ന് 11,363 റണ്‍സെടുത്ത ഗാംഗുലിയുടെ നേട്ടമാണ് കോലി മറികടന്നത്.
ഗാംഗുലി 311 ഏകദിനങ്ങളില്‍ നിന്ന് സ്വന്തമാക്കിയ നേട്ടം മറികടക്കാന്‍ വെറും 238 മത്സരങ്ങളേ കോലിക്ക് വേണ്ടിവന്നുള്ളൂ. വ്യക്തിഗത സ്‌കോര്‍ 78ല്‍ എത്തിയതോടെയാണ് കോലി ഗാംഗുലിയെ മറികടന്നത്. വിന്‍ഡീസിനെതിരേ സെഞ്ചുറി നേടിയതോടെ കോലിയുടെ റണ്‍നേട്ടം 11,406 ആയി. 18426 റണ്‍സുമായി സച്ചിനാണ് ഒന്നാം സ്ഥാനത്ത്.

 

LIVE NEWS - ONLINE

  • 1
    29 mins ago

    പൗരത്വ നിയമ ഭേദഗതിക്കെതിരായ ഹര്‍ജി സുപ്രീംകോടതി ബുധനാഴ്ച പരിഗണിക്കും

  • 2
    34 mins ago

    സീറ്റുകള്‍ വിട്ടുകൊടുക്കില്ല: ജോസ് കെ. മാണി

  • 3
    38 mins ago

    പോക്‌സോ കേസില്‍ മുങ്ങിയ പ്രതി മൂന്നുവര്‍ഷത്തിന് ശേഷം കീഴടങ്ങി

  • 4
    41 mins ago

    നാളെ മുതല്‍ ടോള്‍പ്ലാസകളില്‍ ഫാസ്ടാഗ് നിര്‍ബന്ധം

  • 5
    1 hour ago

    യുഎഇയിലുണ്ടായ വാഹനാപകടത്തില്‍ മലയാളി മരിച്ചു

  • 6
    1 hour ago

    ഹൈക്കോടതി പരാമര്‍ശത്തിനെതിരെ മന്ത്രി ജി. സുധാരന്‍…

  • 7
    1 hour ago

    കേസ് കെട്ടിക്കിടക്കുന്നത് ജഡ്ജിമാരുടെ കുറ്റമാണോ: മന്ത്രി സുധാകരന്‍

  • 8
    1 hour ago

    ആരിലും വിശ്വാസമില്ലെങ്കില്‍ ജീവിച്ചിരുന്നിട്ടു കാര്യമില്ലെന്നും മന്ത്രി

  • 9
    1 hour ago

    മുബാറക് വധം: എട്ടാം പ്രതി അറസ്റ്റില്‍