Wednesday, December 11th, 2019

ടെലഗ്രാം നിയന്ത്രിക്കണമെന്ന് പൊലീസ് ഹൈക്കോടതിയില്‍

കുട്ടികളുടെ നഗ്‌ന ചിത്രങ്ങള്‍ പ്രചരിപ്പിക്കുന്നതടക്കം ഒട്ടേറെ നിയമവിരുദ്ധ പ്രവര്‍ത്തനങ്ങളാണ് ആപ്പിലൂടെ നടക്കുന്നത്

Published On:Nov 25, 2019 | 7:36 pm

കൊച്ചി: സുരക്ഷാ കാരണങ്ങളാല്‍ ടെലഗ്രാം മൊബൈല്‍ ആപ്പിന്റെ പ്രവര്‍ത്തനങ്ങള്‍ നിയന്ത്രിക്കാന്‍ ഇടപെടലുകള്‍ നടത്തണമെന്ന് പോലീസ് ഹൈക്കോടതിയില്‍. നിയമവിരുദ്ധ പ്രവര്‍ത്തനങ്ങള്‍ നടക്കുന്ന രീതിയില്‍ അപ്ലിക്കേഷന്‍ മാറിയെന്നും ആരാണ് ഇത് ഉപയോഗിക്കുന്നതെന്നുപോലും തിരിച്ചറിയാനാകാത്ത അവസ്ഥായാണെന്നും പൊലീസ് അറിയിച്ചു. ടെലഗ്രാം ആപ്പ് നിരോധിക്കണമെന്നാവശ്യപ്പെട്ടുളള സ്വകാര്യ ഹര്‍ജിയിലാണ് സംസ്ഥാന പൊലീസിന്റെ മറുപടി. കുട്ടികളുടെ നഗ്‌ന ചിത്രങ്ങള്‍ പ്രചരിപ്പിക്കുന്നതടക്കം ഒട്ടേറെ നിയമവിരുദ്ധ പ്രവര്‍ത്തനങ്ങളാണ് ആപ്പിലൂടെ നടക്കുന്നത്. ഇതിന്റെ പ്രവര്‍ത്തനത്തില്‍ ഇടപെടുന്നതിന് പൊലീസിന് പരിമിതിയുണ്ട്. ആപ്പ് ഉപയോഗിക്കുന്നവരുടെ വിവരങ്ങള്‍ പോലും സ്ഥാപനം നല്‍കുന്നില്ല.
രാജ്യത്തെ നിയമങ്ങള്‍ ബാധകമല്ലെന്ന നിലയിലാണ് ആപ്പിന് പിന്നിലുള്ളവര്‍ പ്രവര്‍ത്തിക്കുന്നത്. രഹസ്യാത്മകത ഏറെയുളള ആപ്പില്‍ നിന്ന് വിവരങ്ങള്‍ ശേഖരിക്കാന്‍ അന്വേഷണ ഏജന്‍സികള്‍ക്കും പരിമിതിയുണ്ട്. അതിനാലാണ് കുറ്റവാളികള്‍ ടെലഗ്രാമിനെ ആശ്രയിക്കുന്നത്. തീവ്രസ്വഭാവമുള്ള സംഘടനകളും കൂട്ടായ്മകളും വിവരങ്ങള്‍ പങ്കുവെക്കാന്‍ ടെലഗ്രാം വ്യാപകമായി ഉപയോഗിക്കുന്നുണ്ട്. അന്വേഷണം നടത്തിയെങ്കിലും ഇവരുടെ പേരുവിവരങ്ങള്‍ കൈമാറാന്‍ സര്‍വീസ് പ്രൊവൈഡര്‍മാര്‍ തയ്യാറാകുന്നില്ല. സംസ്ഥാന പോലീസ് ഡിപ്പാര്‍ട്ടുമെന്റല്ല ആപ്പിന് അനുമതി നല്‍കിയതെന്നും പോലീസ് കോടതിയില്‍ വ്യക്തമാക്കി. രാജ്യത്തെ നിയമങ്ങള്‍ പാലിച്ച് അതിനുള്ളില്‍ നിന്ന് പ്രവര്‍ത്തിക്കേണ്ടത് ടെലഗ്രാമിന് ബാധകമാണ്. ഇക്കാര്യത്തില്‍ കോടതിയുടെ ഭാഗത്ത് നിന്നും ശക്തമായ ഇടപെടലുകള്‍ ആവശ്യമാണെന്നും കോഴിക്കോട് സ്വദേശിയുടെ പൊതു താല്‍പര്യ ഹര്‍ജിയില്‍ ലഭിച്ച നോട്ടീസിന് നല്‍കിയ മറുപടി സത്യവാങ്മൂലത്തില്‍ പോലീസ് വ്യക്തമാക്കി.

LIVE NEWS - ONLINE

  • 1
    14 hours ago

    പൗരത്വ ഭേദഗതി ബില്‍ ഇന്ത്യന്‍ ഭരണഘടനയെ കടന്നാക്രമിക്കുന്നു: രാഹുല്‍ ഗാന്ധി

  • 2
    16 hours ago

    രഹന ഫാത്തിമയുടെ ഹര്‍ജി സുപ്രീം കോടതി വെള്ളിയാഴ്ച പരിഗണിക്കും

  • 3
    17 hours ago

    വിദ്യാര്‍ത്ഥിനിയെ ക്ലാസ് മുറിയില്‍ പൂട്ടിയിട്ടു

  • 4
    17 hours ago

    ലൈംഗിക അതിക്രമ പരാതികളില്‍ ജാഗ്രത പാലിക്കണമെന്ന് ഹൈക്കോടതി

  • 5
    19 hours ago

    ആള്‍മാറാട്ടത്തിലൂടെ തട്ടിപ്പ് പതിവാക്കിയ വിരുതന്‍ പിടിയില്‍

  • 6
    19 hours ago

    തലയില്‍ ഫാന്‍ പൊട്ടിവീണ് വിദ്യാര്‍ഥിക്ക് പരിക്ക്

  • 7
    19 hours ago

    പ്രശസ്ത വയലിനിസ്റ്റ് ബാലഭാസ്‌കറിന്റെ അപകടമരണം സിബിഐ അന്വേഷിക്കും.

  • 8
    19 hours ago

    ബാലഭാസ്‌കറിന്റെ അപകടമരണം സിബിഐ അന്വേഷിക്കും

  • 9
    20 hours ago

    സി.ആര്‍.പി.എഫ് ജവാന്‍ നടത്തിയ വെടിവെപ്പില്‍ രണ്ട് മേലുദ്യോഗസ്ഥര്‍ കൊല്ലപ്പെട്ടു