Friday, September 25th, 2020

വിധി നടപ്പാക്കുന്നില്ലെങ്കില്‍ കോടതികള്‍ അടച്ചുപൂട്ടുന്നതാണ് നല്ലത്: ജസ്റ്റിസ് അരുണ്‍ മിശ്ര

ഏതു തരത്തിലുള്ള അഴിമതിയും അവസാനിപ്പിക്കേണ്ടതാണ്.

Published On:Feb 14, 2020 | 2:55 pm

ന്യൂഡല്‍ഹി: ‘നിയമത്തിന് ഈ രാജ്യത്ത് ഒരു വിലയുമില്ലേ, ഇവിടെ എന്താണ് നടക്കുന്നത്. ഇങ്ങനെയെങ്കില്‍ സുപ്രീംകോടതി അടച്ചുപൂട്ടാമല്ലോ’ ജസ്റ്റിസ് അരുണ്‍ മിശ്രയുടേതാണ് ചോദ്യം. 1.47 ലക്ഷം കോടിയുടെ വാര്‍ഷിക ലൈസന്‍സ് ഫീസ് അടയ്ക്കുന്നതിന് കൂടുതല്‍ സമയം തേടി ടെലികോം കമ്പനികള്‍ നല്‍കിയ ഹര്‍ജിയിലാണ് കോടതിയുടെ നിരീക്ഷണം. ലൈസന്‍സ് ഫീസ് അടക്കാനുള്ള ഉത്തരവ് പാലിക്കാതിരുന്ന ടെലികോം കമ്പനികളേയും ഫീസ് ഈടാക്കുന്നതില്‍ വീഴ്ച വരുത്തിയ സര്‍ക്കാര്‍ ഉദ്യോഗസ്ഥരേയും കോടതി രൂക്ഷമായി വിമര്‍ശിച്ചു.
കമ്പനികള്‍ ഒരു പൈസ പോലും അടച്ചിട്ടില്ല എന്നത് അത്ഭുതപ്പെടുത്തുന്ന കാര്യമാണെന്ന് കോടതി നിരീക്ഷിച്ചു. ഫീസ് അടക്കുന്നതിന് സമയം അനുവദിച്ച് ഉത്തരവിറക്കിയ ടെലികോം വകുപ്പിലെ ഓഫീസറെ കോടതിയിലേയ്ക്ക് വിളിച്ചുവരത്തുമെന്ന് ജസ്റ്റിസ് അരുണ്‍ മിശ്ര പറഞ്ഞു.
കോടതി ഉത്തരവ് സ്റ്റേ ചെയ്യാന്‍ ഒരു സര്‍ക്കാര്‍ ഉദ്യോഗസ്ഥന് എങ്ങനെ കഴിയുമെന്ന് കോടതി ചോദിച്ചു. ഇങ്ങനെയെങ്കില്‍ സുപ്രീംകോടതി അടച്ചു പൂട്ടാമല്ലോയെന്ന് പരിഹസിക്കുകയും ചെയ്തു. ഏതു തരത്തിലുള്ള അഴിമതിയും അവസാനിപ്പിക്കേണ്ടതാണ്. ഇത് അവസാന അവസരവും മുന്നറിയിപ്പുമാണെന്നും ജസ്റ്റിസ് അരുണ്‍ മിശ്ര ഓര്‍മിപ്പിച്ചു.
ഫീസ് അടക്കുന്നതിന് സമയം തേടി കമ്പനികള്‍ ഹരജി നല്‍കിയതില്‍ കോടതി അതൃപ്തി പ്രകടിപ്പിച്ചു. എയര്‍ടെല്‍, വോഡഫോണ്‍, ടാറ്റ തുടങ്ങിയ ടെലികോം കമ്പനികളാണ് ഫീസ് അടയ്ക്കുന്നതിന് സമയം തേടി കോടതിയില്‍ എത്തിയത്.

 

LIVE NEWS - ONLINE

  • 1
    1 hour ago

    എസ് പി ബാലസുബ്രഹ്മണ്യം വിടവാങ്ങി

  • 2
    2 hours ago

    കേരളത്തിലേക്ക് കൂടുതല്‍ ട്രെയിനുകള്‍

  • 3
    3 hours ago

    സ്വപ്ന സുരേഷിനെ റിമാന്‍ഡ് ചെയ്തു

  • 4
    3 hours ago

    സ്വര്‍ണവില പവന് 200 രൂപ കൂടി

  • 5
    3 hours ago

    യുപിയില്‍ ഇനി സ്ത്രീകളെ ആക്രമിക്കുന്നവരുടെ പേരു വിവരങ്ങള്‍ വെളിപ്പെടുത്തും

  • 6
    3 hours ago

    ഇന്ത്യയില്‍ കോവിഡ് ബാധിതര്‍ 58 ലക്ഷം കവിഞ്ഞു

  • 7
    5 hours ago

    കുവൈത്ത് വിമാനത്താവളത്തിലെ റസ്റ്ററന്റുകളും കഫേകളും പ്രവര്‍ത്തനമാരംഭിച്ചു

  • 8
    5 hours ago

    ശബരിമല മണ്ഡലകാല പൂജയ്ക്കുള്ള ഒരുക്കങ്ങള്‍ ആരംഭിച്ചു

  • 9
    5 hours ago

    സ്വപ്ന സുരേഷിനെ എന്‍ഐഎ കോടതിയില്‍ ഹാജരാക്കും