സിനിമയിലും ജീവിതത്തിലും മലയാളികളുടെ പ്രിയജോടികളായ ഫഹദ് ഫാസിലിന്റെയും നസ്രിയ നസീമിന്റെയും വീട്ടിലേക്ക് പുതിയൊരതിഥി എത്തിയിരിക്കുന്നു. സൂപ്പർ കാറായ പോർഷെയുടെ 911 കരേര എസ് എന്ന സ്‌റ്റൈലിഷ് വാഹനമാണ് ഫഹദ് സ്വന്തമാക്കിയത്. ഈ ഇനത്തിലുള്ള പൈതൺ ഗ്രീൻ എന്ന കളറിലുള്ള വാഹനമാണിത്. പോർഷെയുടെ ഈ നിറത്തിലുള്ള ഇന്ത്യയിലെ ഏക വാഹനവും ഇതാണ്. ഇരുവരും ചേർന്ന് വാഹനത്തിന്റെ താക്കോൽ ഏറ്റുവാങ്ങുന്ന ചിത്രവും കാറിന്റെ ചിത്രങ്ങളും സോഷ്യൽ മീഡിയയിൽ വൈറലായിക്കഴിഞ്ഞു.
ഏകദേശം 1.90 കോടി രൂപയാണ് വാഹനത്തിന്റെ എക്‌സ്‌ഷോറൂം വില. പൂജ്യത്തിൽ നിന്ന് 100 കിലോമീറ്ററിലെത്താൻ വെറും 3.7 സെക്കന്റ് മാത്രമാണ് ഈ സൂപ്പർ കാറിന് വേണ്ടിവരുന്നത്. പരമാവധി വേഗം 308 കിലോമീറ്ററാണ്. 2981 സിസി എൻജിൻ വഹിക്കുന്ന കാറിന് 450 പി എസ് കരുത്തുണ്ട്.