Monday, December 9th, 2019

ക്രിക്കറ്റില്‍ പുതിയ മാറ്റങ്ങള്‍

സബ്സ്റ്റിറ്റിയൂട്ടിന് ഇനി ബോളും ബാറ്റും ചെയ്യാം

Published On:Jul 18, 2019 | 4:08 pm

ലണ്ടന്‍: മത്സരത്തിനിടെ പരിക്കേറ്റ കളിക്കാരന് ഗ്രൗണ്ട് വിടേണ്ട സാഹചര്യത്തില്‍ പുതിയ കളിക്കാരനെ ടീമിലെടുക്കാന്‍ അവസരം നല്‍കുന്ന ‘കണ്‍കഷന്‍ സബ്സ്റ്റിറ്റിയൂട്ട്’സംവിധാനം ആഷസ് പരമ്പരയില്‍ നടപ്പിലാക്കാനൊരുങ്ങി ഐ.സി.സി. ലണ്ടനില്‍ നടക്കുന്ന ഐ.സി.സിയുടെ വാര്‍ഷിക യോഗത്തില്‍ ഇക്കാര്യത്തില്‍ അന്തിമതീരുമാനമെടുക്കും. തലയിലേല്‍ക്കുന്ന പരിക്കുകള്‍ക്ക് മാത്രമാണ് ഇത് ബാധകം.
പരിക്കേറ്റ ഒരു കളിക്കാരന് പിന്നീട് ആ മത്സരത്തില്‍ കളിക്കാന്‍ സാധിക്കാതെ വരുന്ന സാഹചര്യങ്ങളില്‍, ബൗള്‍ ചെയ്യാനും, ബാറ്റ് ചെയ്യാനും സാധിക്കുന്ന വിധം പകരം കളിക്കാരനെ ടീമിലുള്‍പ്പെടുത്താന്‍ സാധിക്കുന്നതാണ് കണ്‍കഷന്‍ സബ്സ്റ്റിറ്റിയൂട്ട്.നിലവില്‍ ഫീല്‍ഡിങ്ങില്‍ മാത്രമാണ് വ്യവസ്ഥകള്‍ക്കു വിധേയമായി സബ്സ്റ്റിറ്റിയൂഷന്‍ അനുവദിച്ചിട്ടുള്ളത്. ഐ.സി.സിയുടെ തീരുമാനം വന്നാല്‍ ഓഗസ്റ്റ് ഒന്നു മുതല്‍ തുടങ്ങുന്ന ആഷസ് പരമ്പര മുതില്‍ ഇത് നടപ്പിലാകും.
2014ല്‍ ആഭ്യന്തര മത്സരത്തിനിടെ ബൗണ്‍സര്‍ തലയില്‍ക്കൊണ്ട് ഓസീസ് താരം ഫില്‍ ഹ്യൂസ് മരണമടഞ്ഞതിനെത്തുടര്‍ന്ന് കണ്‍കഷന്‍ സബ്സ്റ്റിറ്റിയൂട്ട് എന്ന സംവിധാനത്തെക്കുറിച്ച് ക്രിക്കറ്റ് ഓസ്‌ട്രേലിയ ആലോചിച്ചു തുടങ്ങിയിരുന്നു. 2016-17 സീസണ്‍ മുതല്‍ ആഭ്യന്തര ക്രിക്കറ്റിലും ബിഗ് ബാഷ് ലീഗിലും ഓസ്‌ട്രേലിയ ഈ പരിഷ്‌കാരം നടപ്പിലാക്കുകയും ചെയ്തു. എന്നാല്‍ ഐ.സി.സി അംഗീകരിക്കാതിരുന്നതിനാല്‍ ഷെഫീല്‍ഡ് ഷീല്‍ഡില്‍ ഈ പരിഷ്‌കാരം വരുത്തിയിരുന്നില്ല.
പരിക്കേല്‍ക്കുന്ന കളിക്കാരന്റെ സമാന ശേഷിയുള്ള കളിക്കാരനെ പകരക്കാരനായി ഇറക്കാന്‍ കഴിയുന്ന വിധത്തിലുള്ളതായിരിക്കും പുതിയ നിയമം. ബാറ്റ്‌സ്മാന് പരിക്കേല്‍ക്കുകയാണെങ്കില്‍ ബാറ്റ്‌സ്മാനെയും ബൗളര്‍ക്ക് പരിക്കേല്‍ക്കുകയാണെങ്കില്‍ ബൗളറെയും ഇനി മുതല്‍ കളിപ്പിക്കാന്‍ കഴിയും.

LIVE NEWS - ONLINE

  • 1
    5 hours ago

    മതത്തിന്റെ അടിസ്ഥാനത്തില്‍ കോണ്‍ഗ്രസ് രാജ്യത്തെ വിഭജിച്ചു: അമിത് ഷാ

  • 2
    7 hours ago

    നിര്‍ഭയ കേസിലെ പ്രതികളുടെ വധശിക്ഷ അടുത്ത ആഴ്ച നടപ്പാക്കിയേക്കും

  • 3
    9 hours ago

    വിദേശ വിമാനങ്ങള്‍; നടപടികള്‍ ത്വരിതപ്പെടുത്തും: മുഖ്യമന്ത്രി

  • 4
    9 hours ago

    വിദേശ വിമാനങ്ങള്‍; നടപടികള്‍ ത്വരിതപ്പെടുത്തും: മുഖ്യമന്ത്രി

  • 5
    9 hours ago

    എല്ലാ സമയത്തും ക്ഷമിക്കാനാകില്ല: ഷെയ്ന്‍ നിഗം

  • 6
    9 hours ago

    കണ്ണൂരിലെത്തിയ മുഖ്യമന്ത്രി കര്‍ഷകരെ ആശ്വസിപ്പിക്കാനെത്തിയില്ല: ബിഷപ്പ് ഞറളക്കാട്ട്

  • 7
    9 hours ago

    കര്‍ണാടകയില്‍ ബിജെപി തന്നെ

  • 8
    10 hours ago

    ബാഡ്മിന്റണ്‍ ടൂര്‍ണമെന്റിന് ഒന്നാം സമ്മാനം രണ്ടര കിലോ ഉള്ളി

  • 9
    10 hours ago

    കര്‍ണാടകയില്‍ ഭരണമുറപ്പിച്ച് ബിജെപി