Sunday, February 23rd, 2020

സി.ഒ.ടി നസീര്‍ വധശ്രമം; ഷംസീര്‍ എം.എല്‍.എയുടെ മൊഴിയെടുക്കും

ചോനാടം കിന്‍ഫ്ര പാര്‍ക്കിന് മുന്നില്‍ വെച്ചായിരുന്നു ആദ്യ ഗൂഢാലോചന നടന്നത്.

Published On:Jul 2, 2019 | 10:12 am

കോഴിക്കോട്: വടകര ലോകസഭ മണ്ഡലത്തിലെ സ്വതന്ത്ര സ്ഥാനാര്‍ഥി സി.ഒ.ടി നസീറിനെ വെട്ടികൊലപ്പെടുത്താന്‍ ശ്രമിച്ച കേസില്‍ തലശ്ശേരി എം.എല്‍.എ എ.എന്‍. ഷംസീറിന്റെ മൊഴിയെടുക്കും. ആക്രമണത്തിനുള്ള ഗൂഢാലോചന നടന്നത് ഷംസീറിന്റെ സഹോദരന്‍ എ.എന്‍. ഷാഹിറിന്റെ KL07 CD6887 നമ്പര്‍ ഇന്നോവയിലാണെന്ന മുഖ്യപ്രതി പൊട്ടി സന്തോഷിന്റെ മൊഴിയുടെ അടിസ്ഥാനത്തിലാണ് ഷംസീറിന്റെ മൊഴിയെടുക്കുക. ഷംസീര്‍ ഈ വാഹനമാണ് ഉപയോഗിക്കുന്നത്. അറസ്റ്റിലായ സി.പി.എം ബ്രാഞ്ച് സെക്രട്ടറി എന്‍.കെ. രാഗേഷ് സന്തോഷുമായി ഗൂഢാലോചന നടത്തിയതായും സംഭവ ദിവസവും തൊട്ടടുത്ത ദിവസവും ഷംസീര്‍ ഇവരെ നിരവധി തവണ ഫോണ്‍ ചെയ്തതായും പോലീസ് കണ്ടെത്തിയിട്ടുണ്ട്.
ചോനാടം കിന്‍ഫ്ര പാര്‍ക്കിന് മുന്നില്‍ വെച്ചായിരുന്നു ആദ്യ ഗൂഢാലോചന നടന്നത്. ഇതേ കാറില്‍ വെച്ചു തന്നെ കുണ്ടുചിറയില്‍ വെച്ച് രണ്ടാമത്തെ ഗൂഢാലോചനയും നടന്നതായും സന്തോഷ് മൊഴി നല്‍കിയിരുന്നു. തുടര്‍ന്ന് വാഹനത്തെ കുറിച്ച് കൂടുതല്‍ അന്വേഷണം നടത്തിയതില്‍ നിന്നാണ് കാര്‍ ഷംസീറിന്റെ സഹോദരന്റെ ഉടമസ്ഥതയിലുള്ളതാണെന്ന് പോലീസ് കണ്ടെത്തിയത്. ഈ വാഹനം പലപ്പോഴും ഓടിച്ചിരുന്നത് അറസ്റ്റിലായ സി.പി.എം ബ്രാഞ്ച് സെക്രട്ടറി എന്‍.കെ. രാഗേഷായിരുന്നു. ഔദ്യോഗിക ആവശ്യങ്ങള്‍ക്ക് പോലും ഷംസീര്‍ ഉപയോഗിക്കുന്ന വാഹനമാണിതെന്നും പോലീസ് കണ്ടെത്തി.
തന്നെ ആക്രമിച്ചതിന് പിന്നില്‍ ഷംസീറാണെന്ന് സി.ഒ.ടി നസീര്‍ ആരോപിച്ചിരുന്നു. രണ്ടാം തവണ മൊഴിയെടുത്തപ്പോള്‍ ഇക്കാര്യം പോലീസിനോട് പറഞ്ഞതായും നസീര്‍ വ്യക്തമാക്കിയിരുന്നു. എന്നാല്‍ സംഭവത്തില്‍ എ.എന്‍. ഷംസീറിന്റെ പങ്ക് സംശയിക്കത്തക്ക വിധം തെളിവുകളൊന്നും ലഭിച്ചിട്ടില്ലെന്ന നിലപാടിലായിരുന്നു പോലീസ്. ആക്രമണം ആസൂത്രണം ചെയ്ത് നടപ്പിലാക്കിയത് പൊട്ടി സന്തോഷാണെന്നായിരുന്നു പോലീസിന്റെ കണ്ടെത്തല്‍. സന്തോഷിനെ കസ്റ്റഡിയിലെടുത്ത് ചോദ്യം ചെയ്തപ്പോഴാണ് ഗൂഢാലോചന സംബന്ധിച്ച വിവരങ്ങള്‍ പുറത്തുവരുന്നത്.

 

LIVE NEWS - ONLINE

  • 1
    9 hours ago

    ‘നീയൊക്കെ എവിടുന്നു വരുന്നു എന്ന് എനിക്കറിയണം, എടുക്കെടാ നിന്‍റെ ഐഡി കാർഡ്’; പൊതുജന മധ്യത്തിൽ ഇതര സംസ്ഥാന തൊഴിലാളിക്കെതിരെ ഓട്ടോ ഡ്രൈവറുടെ അതിക്രമം- വീഡിയോ

  • 2
    11 hours ago

    സെക്രട്ടേറിയേറ്റ് ജീവനക്കാരുടെ പി.എസ്.സി പരിശീലന കേന്ദ്രങ്ങള്‍ക്കെതിരെ വിജിലന്‍സ് അന്വേഷണം

  • 3
    13 hours ago

    ഭീം ആര്‍മിയുടെ ഭാരത് ബന്ദ് കേരളത്തില്‍ ഭാഗികം;പിന്തുണയുമായി സി.പി.ഐയും ആര്‍.ജെ.ഡിയും

  • 4
    13 hours ago

    കുളത്തൂപ്പുഴയില്‍ വെടിയുണ്ട കണ്ടെത്തിയ സംഭവം; കേന്ദ്ര ഏജന്‍സികള്‍ അന്വേഷിക്കും

  • 5
    14 hours ago

    ‘ പ്രതിഫലം തിരികെ തരണം,’ തൃഷയ്‌ക്കെതിരെ നിര്‍മാതാവ്

  • 6
    1 day ago

    കൊല്ലത്ത് വെടിയുണ്ടകള്‍ ഉപേക്ഷിച്ച നിലയില്‍

  • 7
    1 day ago

    അങ്കമാലിയില്‍ വീട് കുത്തിത്തുറന്ന് 40 പവന്‍ സ്വര്‍ണം കവര്‍ന്നു

  • 8
    1 day ago

    ലിംഗനീതി ഉറപ്പാക്കാതെ ഒരു രാജ്യത്തിനും വികസിക്കാനാവില്ല: മോദി

  • 9
    1 day ago

    കണ്ണൂരില്‍ വീടിനുള്ളില്‍ ദമ്പതികള്‍ മരിച്ച നിലയില്‍