Thursday, April 2nd, 2020

കോഴിവില തകര്‍ന്നടിഞ്ഞു

കിലോഗ്രാമിന് 25 രൂപയിലും താഴേക്കാണ് തമിഴ്‌നാട്ടിലെ ഫാമുകളില്‍നിന്നുള്ള വില.

Published On:Mar 10, 2020 | 8:27 am

കൊച്ചി: കൊറോണ, പക്ഷിപ്പനി ഭീതിയില്‍ ഇറച്ചിക്കോഴി വില തകര്‍ന്നടിഞ്ഞു. കിലോഗ്രാമിന് 25 രൂപയിലും താഴേക്കാണ് തമിഴ്‌നാട്ടിലെ ഫാമുകളില്‍നിന്നുള്ള വില. 80 രൂപയ്ക്ക് മേല്‍ വിലകിട്ടിയിരുന്നു.
തമിഴ്‌നാട്ടില്‍ ഉത്പാദിപ്പിക്കുന്ന കോഴികളില്‍ 75 ശതമാനവും കയറ്റി അയയ്ക്കുന്നത് കേരളത്തിലേക്കാണ്. കിലോഗ്രാമിന് 75 രൂപയ്ക്കടുത്താണ് ഉത്പാദനച്ചെലവ് എന്നാണ് കര്‍ഷര്‍ പറയുന്നത്. കേരളത്തില്‍ ഇത് 80ലും അധികമാണ്. അതായത് 50 രൂപയ്ക്കും മേലെ നഷ്ടത്തിലാണ് കോഴിവില്‍പ്പന. എന്നാല്‍ ആ വിലയ്ക്കുപോലും വിറ്റുപോകുന്നില്ലെന്ന് കര്‍ഷകര്‍ പറയുന്നു.
നാമക്കല്‍, കോയമ്പത്തൂര്‍, തിരുപ്പൂര്‍, ജില്ലകളിലായാണ് പ്രധാനമായും വന്‍തോതില്‍ കോഴിഫാമുകള്‍ ഉള്ളത്. പ്രതിദിനം 500 കോടിയോളം രൂപയുടെ നഷ്ടമാണ് തമിഴ്‌നാട്ടിലെ കോഴി വ്യാപാരമേഖലയില്‍ ഇപ്പോള്‍ ഉണ്ടാവുന്നത്. രാജ്യത്ത് ഇത് പ്രതിദിനം 1500 കോടിമുതല്‍ മുതല്‍ 2000 കോടിവരെയാണെന്നാണ് കേന്ദ്രസര്‍ക്കാരിന്റെ വിലയിരുത്തല്‍. കൊറോണയുമായി പ്രത്യക്ഷത്തില്‍ ബന്ധമൊന്നും ഉണ്ടായില്ലെങ്കിലും കൊറോണ ഭീതിയും കോഴിവില്‍പ്പനയെ ബാധിച്ചിരുന്നു. അതിനിടെ കേരളത്തില്‍ കോഴിക്കോട് മേഖലയില്‍ പക്ഷിപ്പനി കണ്ടെത്തിയതോടെയാണ് കോഴിവില്‍പ്പന കൂപ്പുകുത്തിയത്.
ഉഷ്ണം, ക്രിസ്തുമത വിശ്വാസികളുടെ നോമ്പ് എന്നിവ കാരണം നേരത്തേ തന്നെ വില്‍പ്പന കുറഞ്ഞു തുടങ്ങിയിരുന്നു. മുട്ടവിലയും കുറഞ്ഞ് മൂന്നുരൂപ 18 പൈസയിലെത്തി. വിഷയത്തില്‍ സര്‍ക്കാര്‍ അടിയന്തരമായി ഇടപെടണം എന്നാണ് കര്‍ഷകരുടെയും വ്യാപാരികളുടെയും ആവശ്യം. തമിഴ്‌നാട്ടില്‍ നിന്നുള്ള കോഴികള്‍ സുരക്ഷിതമാണെന്നും ഒരു തരത്തിലുള്ള ആരോഗ്യ പ്രശ്‌നങ്ങളും ഉയര്‍ത്തുന്നില്ലെന്നും സര്‍ക്കാര്‍ സാക്ഷ്യപ്പെടുത്തണം എന്നാണ് ആവശ്യം.

LIVE NEWS - ONLINE

  • 1
    2 mins ago

    കൊറോണ: അമേരിക്കയില്‍ ആറ് ആഴ്ച പ്രായമുള്ള കുഞ്ഞ് മരണപ്പെട്ടു

  • 2
    36 mins ago

    ലോകത്ത് കൊറോണബാധിതർ 9 ലക്ഷം കടന്നു

  • 3
    20 hours ago

    ന്യൂ​യോ​ർ​ക്കി​ൽ ബ​ഹു​നി​ല കെ​ട്ടി​ട​ത്തി​ൽ തീ​പി​ടി​ത്തം

  • 4
    21 hours ago

    സാലറി ചലഞ്ചിന് അംഗീകാരം

  • 5
    21 hours ago

    പൃഥ്വിരാജ് അടക്കമുള്ളവർ ജോർദാനിൽ തന്നെ തുടരണം; കേന്ദ്രമന്ത്രി വി മുരളീധരൻ

  • 6
    21 hours ago

    സർക്കാർ പ്രഖ്യാപിച്ച സൗജന്യ റേഷന്‍ വിതരണം ആരംഭിച്ചു;കാർഡ് ഇല്ലാത്ത കുടുംബങ്ങൾക്കും സൗജന്യമായി ഭക്ഷ്യ ധാന്യം

  • 7
    22 hours ago

    പൃഥ്വിരാജും ബ്ലെസിയും ഉള്‍പ്പടെ 58 പേര്‍ ജോര്‍ദാനില്‍ കുടുങ്ങി

  • 8
    22 hours ago

    ഇടത് പ്രവർത്തകർ പ്രതിപക്ഷ നേതാക്കളെ സാമൂഹ‌്യ മാധ്യമങ്ങളിലൂടെ അപകീര്‍ത്തിപ്പെടുത്തുന്നു”: മുഖ്യമന്ത്രിക്ക് എം.കെ മുനീറിന്റെ കത്ത്

  • 9
    22 hours ago

    ‘അച്ഛന്‍ ഇതുവരെ ചെയ്ത കാര്യങ്ങള്‍ പലരും മനപൂര്‍വം അവഗണിക്കുകയും വിമര്‍ശിക്കുകയും ചെയ്യുന്നു’; സുരേഷ്‌ഗോപിയുടെ മകൻ ഗോകുൽ