തിരുവനന്തപുരം: സംസ്ഥാനത്ത് 7482 പേർക്കു കൂടി കോവിഡ് 19 സ്ഥിരീകരിച്ചതായി മുഖ്യമന്ത്രി പിണറായി വിജയൻ. കോവിഡ് അവലോകന യോഗത്തിനു ശേഷമാണ് അദ്ദേഹം ഇക്കാര്യം അറിയിച്ചത്. 23 മരണം ഇന്ന് സ്ഥിരീകരിച്ചിട്ടുണ്ട്. 93291 പേരാണ് നിലവിൽ ചികിത്സയിലുള്ളത്. 6448 പേർക്ക് സമ്പർക്കം മൂലമാണ് ഇന്ന് രോഗബാധയുണ്ടായത്. ഉറവിടമറിയാത്ത 844 രോഗികളുണ്ട്. 7593 പേർ ഇന്ന് രോഗമുക്തി നേടിയതായും മുഖ്യമന്ത്രി അറിയിച്ചു.