Monday, January 27th, 2020

എന്റെ റെക്കോഡ് മറികടക്കാനാവുക രണ്ട് ഇന്ത്യക്കാര്‍ക്ക്

പൃഥ്വി ഷായും രോഹിത് ശര്‍മ്മയുമാണ് ആ ഇന്ത്യക്കാര്‍.

Published On:Dec 10, 2019 | 9:30 am

ന്യൂഡല്‍ഹി: ടെസ്റ്റ് ക്രിക്കറ്റിലെ പ്രതിഭാധനരായ താരങ്ങളില്‍ മുന്‍നിരയില്‍ തന്നെയാണ് വിന്‍ഡീസ് താരം ബ്രയാന്‍ ലാറയുടെ സ്ഥാനം. ടെസ്റ്റിലെ ഏറ്റവും ഉയര്‍ന്ന വ്യക്തിഗത സ്‌കോര്‍ എന്ന റെക്കോഡ് ലാറയുടെ പേരിലാണ്. ടെസ്റ്റില്‍ 400 റണ്‍സെടുക്കുന്ന ആദ്യ താരമെന്ന നേട്ടം ഇന്നും ലാറയുടെ പക്കല്‍ ഭദ്രമായി തുടരുകയാണ്.
പാക്കിസ്ഥാനെതിരേ അടുത്തിടെ സമാപിച്ച ടെസ്റ്റ് പരമ്പരയില്‍ ഓസീസ് ഓപ്പണര്‍ ഡേവിഡ് വാര്‍ണര്‍ 335 റണ്‍സെടുത്ത് പുറത്താകാതെ നിന്നിരുന്നു. ഓസീസ് ക്യാപ്റ്റന്‍ ടിം പെയ്ന്‍ ഇന്നിങ്‌സ് ഡിക്ലയര്‍ ചെയ്തതിനാല്‍ വാര്‍ണര്‍ക്ക് റെക്കോഡിലേക്ക് ശ്രമിച്ചുനോക്കാനായില്ല.
ഇപ്പോഴിതാ തന്റെ 400 റണ്‍സെന്ന റെക്കോഡ് മറികടക്കാന്‍ സാധിക്കുക രണ്ട് ഇന്ത്യന്‍ താരങ്ങള്‍ക്കാണെന്ന് തുറന്നുപറഞ്ഞിരിക്കുകയാണ് ലാറ. ഓപ്പണര്‍ രോഹിത് ശര്‍മയും അരങ്ങേറ്റ ടെസ്റ്റില്‍ സെഞ്ചുറിയുമായി തിളങ്ങിയ ഇന്ത്യന്‍ യുവതാരം പൃഥ്വി ഷായുമാണ് തന്റെ റെക്കോട് മറികടക്കാന്‍ ശേഷിയുള്ള താരങ്ങളെന്ന് ലാറ പറയുന്നു.
തന്റേതായ ദിവസത്തില്‍ നല്ല പിച്ചില്‍ മികച്ച തുടക്കം ലഭിച്ചാല്‍ രോഹിത് ആ റെക്കോഡ് മറികടക്കുമെന്ന് ലാറ അഭിപ്രായപ്പെട്ടു. പ്രതിഭാശാലിയായ ബാറ്റ്‌സ്മാനാണ് രോഹിത് എന്നും ലാറ കൂട്ടിച്ചേര്‍ത്തു.
ഈ നേട്ടം മറികടക്കാന്‍ ആക്രമിച്ച് കളിക്കുന്ന ഒരു താരത്തിന് മാത്രമേ സാധിക്കൂ. പൃഥ്വി ഷാ അത്തരത്തില്‍ ഒരാളാണ്. 19 വയസ് പ്രായമേ അവനുള്ളൂ, വലിയൊരു കരിയര്‍ തന്നെ ഷായ്ക്ക് മുമ്പില്‍ തുറന്നുകിടപ്പുണ്ട്. വൈകാതെ പൃഥ്വിക്ക് ടീമില്‍ തിരിച്ചെത്താന്‍ സാധിക്കുമെന്നും തന്റെ റെക്കോഡ് തകര്‍ക്കാന്‍ കഴിയുമെന്നും ലാറ വ്യക്തമാക്കി.

LIVE NEWS - ONLINE

  • 1
    17 hours ago

    ബഹ്‌റൈനില്‍ വിഷവാതകം ശ്വസിച്ച് മലയാളി ഉള്‍പ്പെടെ രണ്ടുപേര്‍ മരിച്ച നിലയില്‍

  • 2
    18 hours ago

    ഗവര്‍ണറെ തിരിച്ചുവിളിക്കണമെന്ന പ്രമേയം ; തീരുമാനം വെള്ളിയാഴ്ച

  • 3
    19 hours ago

    കേരളത്തിലെ ആദ്യ ട്രാന്‍സ്‌ജെന്‍ഡര്‍ ജേണലിസ്റ്റ് ഹെയ്ദി സാദിയ വിവാഹിതയായി

  • 4
    19 hours ago

    തെയ്യം കലാകാരന്‍ ബൈക്ക് ഇടിച്ച് മരിച്ചു

  • 5
    19 hours ago

    സ്ട്രീറ്റ് ഡാന്‍സറിന്റെ പുതിയ വീഡിയോ പുറത്തുവിട്ടു

  • 6
    19 hours ago

    മഹീന്ദ്ര സ്‌കോര്‍പിയോ ബാരിക്കേഡില്‍ തട്ടി പറന്നുയര്‍ന്ന് ബൈക്ക് യാത്രികരുടെ മുകളിലേക്ക്; ഞെട്ടിപ്പിക്കുന്ന ദൃശ്യം

  • 7
    20 hours ago

    ‘താന്‍ മുസ്​ലിമും ഭാര്യ ഹിന്ദുവും മക്കള്‍ ഇന്ത്യക്കാരും ‘ ; ഷാരൂഖിന്റെ പ്രസ്താവനയെ പ്രശംസിച്ച് ആരാധകർ

  • 8
    20 hours ago

    യുവാവിനെ ജെസിബി കൊണ്ട് അടിച്ചു കൊന്ന കേസിലെ മുഖ്യപത്രികള്‍ പിടിയില്‍

  • 9
    20 hours ago

    കാട്ടാക്കടയില്‍ യുവാവിനെ ജെ.സി.ബി ഇടിച്ച് കൊലപ്പെടുത്തിയ കേസ്;മുഖ്യപ്രതികള്‍ പിടിയിൽ