Tuesday, February 18th, 2020

റിപ്പര്‍ ജയാനന്ദന്‍ വീണ്ടും ജയില്‍ ചാടി

തിരു: കുപ്രസിദ്ധ കുറ്റവാളി റിപ്പര്‍ ജയാനന്ദന്‍ വീണ്ടും ജയില്‍ ചാടി. വധശിക്ഷക്ക്‌ വിധിക്കപ്പെട്ട്‌ പൂജപ്പുര സെന്‍ട്രല്‍ ജയിലില്‍ കഴിയുകയായിരുന്നു ജയാനന്ദന്‍. ഇയാള്‍ക്കൊപ്പം പ്രകാശ്‌ എന്നൊരു തടവുകാരന്‍ കൂടി തടവുചാടിയിട്ടുണ്ട്‌. ഇന്നു രാവിലെ 6.45ന്‌ വാര്‍ഡന്‍മാര്‍ സെല്ലില്‍ പരിശോധനക്കെത്തിയപ്പോഴാണ്‌ തടവുകാര്‍ ജയില്‍ ചാടിയ സംഭവമറിയുന്നത്‌. അര്‍ദ്ധരാത്രിയായിരിക്കാം പ്രതികള്‍ രക്ഷപ്പെട്ടതെന്ന്‌ സംശയിക്കുന്നു. പോലീസ്‌ ഇവര്‍ക്കായി തെരച്ചില്‍ തുടങ്ങി. ഉന്നത പോലീസ്‌ ഉദ്യോഗസ്ഥര്‍ ജയിലിലെത്തി അന്വേഷണം ആരംഭിച്ചു. സി സി ടിവി ദൃശ്യങ്ങളും പരിശോധിക്കും. വിചാരണ തടവുകാര്‍ക്കൊപ്പം പാര്‍പ്പിച്ചിരുന്ന ഇവര്‍ സെല്ലിന്റെ … Continue reading "റിപ്പര്‍ ജയാനന്ദന്‍ വീണ്ടും ജയില്‍ ചാടി"

Published On:Jun 10, 2013 | 11:43 am

തിരു: കുപ്രസിദ്ധ കുറ്റവാളി റിപ്പര്‍ ജയാനന്ദന്‍ വീണ്ടും ജയില്‍ ചാടി. വധശിക്ഷക്ക്‌ വിധിക്കപ്പെട്ട്‌ പൂജപ്പുര സെന്‍ട്രല്‍ ജയിലില്‍ കഴിയുകയായിരുന്നു ജയാനന്ദന്‍. ഇയാള്‍ക്കൊപ്പം പ്രകാശ്‌ എന്നൊരു തടവുകാരന്‍ കൂടി തടവുചാടിയിട്ടുണ്ട്‌. ഇന്നു രാവിലെ 6.45ന്‌ വാര്‍ഡന്‍മാര്‍ സെല്ലില്‍ പരിശോധനക്കെത്തിയപ്പോഴാണ്‌ തടവുകാര്‍ ജയില്‍ ചാടിയ സംഭവമറിയുന്നത്‌. അര്‍ദ്ധരാത്രിയായിരിക്കാം പ്രതികള്‍ രക്ഷപ്പെട്ടതെന്ന്‌ സംശയിക്കുന്നു. പോലീസ്‌ ഇവര്‍ക്കായി തെരച്ചില്‍ തുടങ്ങി. ഉന്നത പോലീസ്‌ ഉദ്യോഗസ്ഥര്‍ ജയിലിലെത്തി അന്വേഷണം ആരംഭിച്ചു. സി സി ടിവി ദൃശ്യങ്ങളും പരിശോധിക്കും.
വിചാരണ തടവുകാര്‍ക്കൊപ്പം പാര്‍പ്പിച്ചിരുന്ന ഇവര്‍ സെല്ലിന്റെ പൂട്ടു തകര്‍ത്താണ്‌ പുറത്തുകടന്നത്‌. സംശയം തോന്നാതിരിക്കാന്‍ തലയിണയും കിടക്കയും ഉപയോഗിച്ച്‌ സെല്ലില്‍ ഡമ്മി ഉണ്ടാക്കിവെച്ച ശേഷമായിരുന്നു രക്ഷപ്പെട്ടത്‌. ആശുപത്രി ബ്ലോക്കിന്റെ മതില്‍ ചാടിക്കടന്നാണ്‌ ഇവര്‍ രക്ഷപ്പെട്ടതെന്ന്‌ അന്വേഷണത്തില്‍ ബോധ്യമായി.
2006 ഒക്‌ടോബറില്‍ പുത്തന്‍വേലിക്കര നെടുമ്പിള്ളി രാമകൃഷ്‌ണന്റെ ഭാര്യ ബേബിയെ (ദേവകി 51) കൊലപ്പെടുത്തിയ കേസിലാണ്‌ മാള പള്ളിപ്പുറം ചെന്തുരുത്തി കുറുപ്പുംപറമ്പില്‍ ജയാനന്ദന്‍ (റിപ്പര്‍ ജയന്‍) വധശിക്ഷയ്‌ക്ക്‌ ശിക്ഷിക്കപ്പെട്ടത്‌. മാള ഇരട്ടക്കൊലക്കേസ്‌ ഉള്‍പ്പെടെ ആറു കൊലപാതക്കേസുകള്‍ ഇയാള്‍ക്കെതിരെയുണ്ട്‌. മറ്റൊരു കേസില്‍ 20 വര്‍ഷം പരോളില്ലാത്ത കഠിന തടവ്‌ ഉറപ്പാക്കുന്ന ജീവപര്യന്തം ശിക്ഷ കൂടി അനുഭവിച്ചു വരികയായിരുന്നു.
പലതവണ ജയില്‍ ചാടിയിട്ടുള്ളയാളാണ്‌ ജയാനന്ദന്‍. 2010 ജൂണില്‍ കണ്ണൂര്‍ സെന്‍ട്രല്‍ ജയിലില്‍ നിന്ന്‌ തടവുചാടിയിരുന്നു. തുടര്‍ന്ന്‌ ഊട്ടിയില്‍ നിന്നാണ്‌ ഇയാളെ പിടികൂടിയത്‌. അതിനു മുന്‍പ്‌ 2007ല്‍ വിയ്യൂര്‍ സെന്‍ട്രല്‍ ജയിലില്‍ നിന്നും തടവുചാടാന്‍ ശ്രമിച്ചിരുന്നു. സെല്ലില്‍നിന്നു പുറത്തേക്കു തുരങ്കമുണ്ടാക്കാന്‍ ശ്രമിച്ചതു കണ്ടെത്തിയതിനാല്‍ ഇയാളെ പാര്‍പ്പിക്കുന്ന സെല്ലിന്‌ അതീവ സുരക്ഷ ഏര്‍പ്പെടുത്തണമെന്ന്‌ നിര്‍ദേശം നല്‍കിയിരുന്നു.
സ്‌ത്രീകളെ തലക്കടിച്ച്‌ ആക്രമിച്ച്‌ സ്വര്‍ണവും പണവും തട്ടിയെടുക്കുക, ഇരകളെ മാനഭംഗപ്പെടുത്തുക എന്നീ കുറ്റകൃത്യങ്ങള്‍ ചെയ്‌തിരുന്ന ഇയാള്‍ തടവ്‌ ചാടിയത്‌ സമൂഹത്തെ ഭീതിപ്പെടുത്തുകയാണ്‌. ജയാനന്ദനോടൊപ്പം തടവ്‌ ചാടിയ പ്രകാശ്‌ നിരവധി അബ്‌കാരി കേസുകളില്‍ പ്രതിയാണ്‌. കൊല്ലം സ്വദേശിയാണ്‌ പ്രകാശ്‌.

LIVE NEWS - ONLINE

  • 1
    6 mins ago

    വേനൽചൂട് കനക്കുമ്പോൾ നേത്ര രോഗങ്ങൾക്കും സാധ്യത ; വേനലിൽ കണ്ണുകളെ സൂക്ഷിക്കണം

  • 2
    13 mins ago

    വേനൽ കനത്തു ; ശരീരത്തിലെ നിര്ജ്ജലീകരണം തടയാൻ ഈ കാര്യങ്ങൾ ശ്രദ്ധിക്കുക

  • 3
    22 mins ago

    കുതിരയെ ഓടിക്കാനുള്ള മടി കാരണം ബിജു മേനോൻ ഉപേക്ഷിച്ചത് മലയാളത്തിലെ ഏറ്റവും വലിയ ചരിത്ര സിനിമ;ബിജുച്ചേട്ടന്‍ മടിയനാണെന്ന് പൃഥ്വിരാജ്

  • 4
    42 mins ago

    സിഎജി റിപ്പോര്‍ട്ട് പരിശോധിക്കാന്‍ മുഖ്യമന്ത്രിയുടെ നിര്‍ദ്ദേശം

  • 5
    1 hour ago

    നാല്‍പ്പത്തിമൂന്ന് ലക്ഷം രൂപയുടെ നിരോധിച്ച നോട്ടുകളുമായി ഒരാള്‍ അറസ്റ്റില്‍

  • 6
    1 hour ago

    കുഞ്ഞിന്റെ മൃതദേഹം കണ്ടെടുത്ത സംഭവം; മാതാപിതാക്കള്‍ പോലീസ് കസ്റ്റഡിയില്‍

  • 7
    2 hours ago

    അമ്മയും സഹോദരനും ചേര്‍ന്ന് യുവാവിനെ കൊന്ന് ചാക്കില്‍കെട്ടി വഴിയില്‍ തള്ളി

  • 8
    2 hours ago

    പരീക്ഷയെഴുതുന്നതിനായി അലന്‍ ഷുഹൈബിനെ ഇന്ന് കണ്ണൂരിലെത്തിക്കും

  • 9
    3 hours ago

    തദ്ദേശ സ്വയംഭരണ തെരഞ്ഞെടുപ്പ് വോട്ടര്‍ പട്ടിക; ലീഗ് തടസ ഹരജി നല്‍കി