Thursday, April 25th, 2019

യുവേഫ ചാമ്പ്യന്‍സ് ലീഗ്; മാഞ്ചസ്റ്ററിന് ജയം

രണ്ട് ഫ്രീകിക്കുകളായിരുന്നു ചുവന്ന ചെകുത്താന്‍മാരുടെ വിധി മാറ്റിക്കുറിച്ചത്.

Published On:Nov 8, 2018 | 10:26 am

ടൂറിന്‍: യുവേഫ ചാമ്പ്യന്‍സ് ലീഗ് ഫുട്‌ബോളില്‍ ഇറ്റാലിയന്‍ ചാമ്പ്യന്‍മാരായ യുവന്റസിനെ അവസാന അഞ്ചു മിനിറ്റിലെ രണ്ടു ഗോളുകള്‍ക്ക് മാഞ്ചസ്റ്റര്‍ യുണൈറ്റഡ് തകര്‍ത്തുവിട്ടു. കളിയുടെ 85-ാം മിനിറ്റുവരെ ഒരു ഗോളിനു പിന്നില്‍നിന്ന ശേഷമായിരുന്നു യുണൈറ്റഡിന്റെ തകര്‍പ്പന്‍ തിരിച്ചുവരവ്.
രണ്ട് ഫ്രീകിക്കുകളായിരുന്നു ചുവന്ന ചെകുത്താന്‍മാരുടെ വിധി മാറ്റിക്കുറിച്ചത്. ഗോള്‍ രഹിതമായ ആദ്യപകുതിക്കു ശേഷം സൂപ്പര്‍ താരം ക്രിസ്റ്റ്യാനോ റൊണാള്‍ഡോയിലൂടെയാണ് യുവന്റസ് ലീഡ് സമ്പാദിച്ചത്. 65-ാം മിനിറ്റില്‍ ക്രിസ്റ്റ്യാനോയുടെ കിടിലന്‍ വോളി യുണൈറ്റഡ് വലയില്‍ പതിക്കുകയായിരുന്നു. ഗോള്‍ നേടിയ ശേഷവും കളിയിലെ ആദിപത്യം യുവന്റസ് വിട്ടുകൊടുക്കാന്‍ തയാറല്ലായിരുന്നു. എന്നാല്‍ 85 ാം മിനിറ്റില്‍ പോഗ്ബയെ ഫൗള്‍ ചെയ്തതിനു ഡിക്കു തൊട്ടുവെളിയില്‍ ലഭിച്ച ഫ്രീകിക്ക് യുണൈറ്റഡിന്റെ തലവര മാറ്റിയെഴുതി. യുവാന്‍ മാട്ട എടുത്ത ഫ്രീകിക്ക് യുവന്റസ് വലയില്‍.
ഇതോടെ തിരിച്ചടിക്കാന്‍ കോപ്പുകൂട്ടിയ യുവന്റസിനു വീണ്ടും പ്രഹരം. ആഷ്‌ലി യുംഗ് എടുത്ത ഫ്രീ കിക്ക് നേരെ പോസ്റ്റിലേക്ക്. ഓടിയെത്തിയ പോഗ്ബയെ പ്രതിരോധിക്കാനെത്തിയ ലോബോ സില്‍വയുടെ തലയില്‍ തട്ടി പന്ത് വലയിലേക്ക്. അതുവരെ കളംഭരിച്ച യുവന്റസിന് അപ്രതീക്ഷിത പരാജയം. ജയത്തോടെ മൗറീഞ്ഞോയുടെ കുട്ടികള്‍ നോക്കൗട്ടിലേക്ക് കടക്കുകയും ചെയ്തു.

 

 

 

LIVE NEWS - ONLINE

  • 1
    20 mins ago

    വാരാണസിയില്‍ പ്രിയങ്ക ഗാന്ധി മത്സരിക്കില്ല

  • 2
    20 mins ago

    വാരാണസിയില്‍ പ്രിയങ്ക ഗാന്ധി മത്സരിക്കില്ല

  • 3
    41 mins ago

    സ്പീഡ് ഗവര്‍ണറുകള്‍ ഘടിപ്പിക്കാത്ത ബസുകള്‍ക്കെതിരെ നടപടി: മന്ത്രി ശശീന്ദ്രന്‍

  • 4
    42 mins ago

    സ്പീഡ് ഗവര്‍ണറുകള്‍ ഘടിപ്പിക്കാത്ത ബസുകള്‍ക്കെതിരെ നടപടി: മന്ത്രി ശശീന്ദ്രന്‍

  • 5
    49 mins ago

    കോടതിയെ റിമോട്ട് കണ്‍ട്രോളിലൂടെ നിയന്ത്രിക്കാന്‍ അനുവദിക്കില്ല: ജസ്റ്റിസ് അരുണ്‍ മിശ്ര

  • 6
    2 hours ago

    ദുല്‍ഖര്‍ സല്‍മാന്‍ നിര്‍മാണരംഗത്തേക്ക്

  • 7
    2 hours ago

    അറ്റകുറ്റപ്പണിക്കിടെ വിമാനത്തിന് തീ പിടിച്ചു

  • 8
    3 hours ago

    കോഴിക്കോട് മത്സ്യമാര്‍ക്കറ്റില്‍ പരിശോധന

  • 9
    3 hours ago

    ആര്‍എംപി പ്രവര്‍ത്തകന്റെ വീടിനു നേരെ ആക്രമണം