Wednesday, July 24th, 2019

യുവമോര്‍ച്ച മാര്‍ച്ചിനിടയില്‍ സംഘര്‍ഷം; നാലുപേര്‍ക്ക് പരിക്ക്

പോപ്പുലര്‍ഫ്രണ്ടിനെ നിരോധിക്കുക, ശ്യാമപ്രസാദ് വധക്കേസിലെ പ്രതികളെ അറസ്റ്റ് ചെയ്യുക ടങ്ങിയാവശ്യങ്ങളുന്നയിച്ചായിരുന്ന സമരത്തിന്റെ ഭാഗമായാണ് യുവമോര്‍ച്ച മാര്‍ച്ച് നടത്തിയത്.

Published On:Jul 26, 2018 | 2:35 pm

കണ്ണൂര്‍: പോപ്പുലര്‍ഫ്രണ്ട് ഭീകരതക്കെതിരെ എഴുതാനല്ല പൊരുതാനാണ് തീരുമാനമെന്ന മുദ്രാവാക്യമുയര്‍ത്തി യുവമോര്‍ച്ച പ്രവര്‍ത്തകര്‍ ഇന്ന് ഉച്ചയോടെ കണ്ണൂര്‍ ഐ ജി ഓഫീസിലേക്ക് മാര്‍ച്ച് നടത്തി. പോപ്പുലര്‍ഫ്രണ്ടിനെ നിരോധിക്കുക, ശ്യാമപ്രസാദ് വധക്കേസിലെ മുഴുവന്‍ പ്രതികളെയും അറസ്റ്റ് ചെയ്യുക തുടങ്ങിയാവശ്യങ്ങളുന്നയിച്ച് സമരം ശക്തമാക്കുന്നതിന്റെ ഭാഗമായാണ് യുവമോര്‍ച്ച മാര്‍ച്ച് നടത്തിയത്. പഴയ ബസ് സ്റ്റന്റ് പരിസരത്ത് നിന്നാരംഭിച്ച പ്രകടനം ഐ ജി ഓഫീസിലേക്ക് നീങ്ങവെ പോലീസ് ക്ലബിനടുത്ത് നിന്നും പോലീസ് തടഞ്ഞു.
സംസ്ഥാന വൈസ്പ്രസിഡന്റ് ബിജു ഏളക്കുഴി മാര്‍ച്ച് ഉദ്ഘാടനം ചെയ്തു. ജില്ലാപ്രസിഡന്റ് സി സി രവി അധ്യക്ഷത വഹിച്ചു. കെ പി അരുണ്‍കുമാര്‍, അജേഷ് നടുവനാട് തുടങ്ങിയവര്‍ സംസാരിച്ചു. പ്രവര്‍ത്തകരെ കസ്റ്റഡിയിലെടുക്കവെ നേരിയ തോതില്‍ ഉന്തുംതള്ളുമുണ്ടായി. പരിക്കേറ്റ രതീഷ് എടയന്നൂര്‍, ദീപു, അജേഷ് എന്നിവരെ ആശുപത്രിയില്‍ പ്രവേശിപ്പിച്ചു.പോലീസ് കസ്റ്റഡിയിലെടുക്കവെ മര്‍ദിച്ചുവെന്നാണ് പരാതി. 20ഓളം പ്രവര്‍ത്തകരെ പോലീസ് കസ്റ്റഡിയിലെടുത്തിട്ടുണ്ട്. സ്ഥലത്ത് സംഘര്‍ഷാവസ്ഥയാണുള്ളത്. ഡി വൈ എസ് പി പി പി സദാനന്ദന്‍ സി ഐ ടി കെ രത്‌നകുമാര്‍, ടൗണ്‍ എസ് ഐ ശ്രീജിത്ത് കൊടേരി തുടങ്ങിയവരുടെ നേത്വത്തില്‍ പ്ലാസ്റ്റിക് രക്ഷാകവചമണിഞ്ഞ് വന്‍ പോലീസ് സന്നാഹം സ്ഥലത്ത് നിലയുറപ്പിച്ചിരുന്നു. വിവരമറിഞ്ഞ് ബിജെപി ജില്ലാപ്രസിഡന്റ് പി സത്യപ്രകാശ്, ബി ജെ പി സംസ്ഥാന കോ ഓര്‍ഡിനേഷന്‍ കമ്മറ്റി അംഗം കെ രഞ്ചിത്ത് തുടങ്ങിയവര്‍ സ്ഥലത്തെത്തിയിട്ടുണ്ട്.

LIVE NEWS - ONLINE

  • 1
    1 hour ago

    തെരുവുനായ 6 വയസുകാരന്റെ തല കടിച്ചുപറിച്ചു

  • 2
    1 hour ago

    എലിയെ പേടിച്ച് ഇല്ലം ചുടരുത്: മുഖ്യമന്ത്രി

  • 3
    2 hours ago

    പോലീസ് നേരായ വഴിക്കല്ല: എല്‍ദോ എബ്രഹാം എം.എല്‍.എ

  • 4
    2 hours ago

    സ്‌കൂള്‍ ബസ് നിയന്ത്രണംവിട്ടു മറിഞ്ഞു കുട്ടികള്‍ക്കു പരിക്ക്

  • 5
    2 hours ago

    എല്ലാം വിലക്ക് വാങ്ങാന്‍ സാധിക്കില്ലെന്ന് ബി.ജെ.പി തിരിച്ചറിയും: പ്രിയങ്ക

  • 6
    3 hours ago

    സ്‌കൂളുകള്‍ക്ക് അവധിയെന്ന് വ്യാജ സന്ദേശം; കേസെടുക്കാന്‍ കലക്ടറുടെ നിര്‍ദേശം

  • 7
    4 hours ago

    ചെറുതല്ല എന്നാല്‍ വലുതും

  • 8
    4 hours ago

    കായിക ലോകം ഇനി ടോക്യോയിലേക്ക്

  • 9
    4 hours ago

    ആട്ടും തുപ്പും സഹിച്ച് സി.പി.ഐ എത്രകാലം മുന്നോട്ടു പോകും: ചെന്നിത്തല