Monday, June 24th, 2019

യൂത്ത് കോണ്‍ഗ്രസ് മാര്‍ച്ചില്‍ നേരിയ സംഘര്‍ഷം

ആലപ്പുഴ: അഴിമതി ആരോപിച്ച് യൂത്ത്‌കോണ്‍ഗ്രസ് പാര്‍ലമെന്റ് മണ്ഡലം കമ്മിറ്റി സംഘടിപ്പിച്ച മാര്‍ച്ചിനെ തുടര്‍ന്ന് നേരിയ തോതില്‍ സംഘര്‍ഷം. ഉദ്ഘാടന പരിപാടികള്‍ കഴിഞ്ഞ് ഒരു വിഭാഗം പ്രവര്‍ത്തകര്‍ നഗരസഭക്കുള്ളിലേക്ക് തള്ളിക്കയറാന്‍ ശ്രമിച്ചതാണ് പ്രശ്‌നങ്ങള്‍ക്ക് കാരണമായത്. തുടര്‍ന്ന് ഉന്തും തള്ളുമുണ്ടായി. ആലപ്പുഴ നഗരസഭയില്‍ നടക്കുന്നത് ഭരണമല്ലെന്നും കുംഭകോണങ്ങളുടെ കുംഭമേളയാണെന്നും യൂത്ത് കോണ്‍ഗ്രസ് ദേശീയ ജനറല്‍ സെക്രട്ടറി എം. ലിജു ഉദ്ഘാടന പ്രസംഗത്തില്‍ ആരോപിച്ചു. തദ്ദേശീയ സ്ഥാപനങ്ങളുടെ പ്രാഥമിക ഉത്തരവാദിത്തം മറന്ന് നഗരത്തിന്റെ യശസായി മാറേണ്ട മാലിന്യനിര്‍മാര്‍ജനവും തെരുവുവിളക്കുകളും നഗരസഭാ സ്‌റ്റേഡിയവും … Continue reading "യൂത്ത് കോണ്‍ഗ്രസ് മാര്‍ച്ചില്‍ നേരിയ സംഘര്‍ഷം"

Published On:Aug 14, 2013 | 4:42 pm

ആലപ്പുഴ: അഴിമതി ആരോപിച്ച് യൂത്ത്‌കോണ്‍ഗ്രസ് പാര്‍ലമെന്റ് മണ്ഡലം കമ്മിറ്റി സംഘടിപ്പിച്ച മാര്‍ച്ചിനെ തുടര്‍ന്ന് നേരിയ തോതില്‍ സംഘര്‍ഷം. ഉദ്ഘാടന പരിപാടികള്‍ കഴിഞ്ഞ് ഒരു വിഭാഗം പ്രവര്‍ത്തകര്‍ നഗരസഭക്കുള്ളിലേക്ക് തള്ളിക്കയറാന്‍ ശ്രമിച്ചതാണ് പ്രശ്‌നങ്ങള്‍ക്ക് കാരണമായത്. തുടര്‍ന്ന് ഉന്തും തള്ളുമുണ്ടായി. ആലപ്പുഴ നഗരസഭയില്‍ നടക്കുന്നത് ഭരണമല്ലെന്നും കുംഭകോണങ്ങളുടെ കുംഭമേളയാണെന്നും യൂത്ത് കോണ്‍ഗ്രസ് ദേശീയ ജനറല്‍ സെക്രട്ടറി എം. ലിജു ഉദ്ഘാടന പ്രസംഗത്തില്‍ ആരോപിച്ചു. തദ്ദേശീയ സ്ഥാപനങ്ങളുടെ പ്രാഥമിക ഉത്തരവാദിത്തം മറന്ന് നഗരത്തിന്റെ യശസായി മാറേണ്ട മാലിന്യനിര്‍മാര്‍ജനവും തെരുവുവിളക്കുകളും നഗരസഭാ സ്‌റ്റേഡിയവും അറവുശാലയുമെല്ലാം നഗരഭരണാധികാരികള്‍ക്ക് കട്ടുമുടിക്കാനുള്ള മൂലധനമായി മാറിയ കാഴ്ചയാണ് ആലപ്പുഴയില്‍ കാണാന്‍ കഴിയുന്നത്. വിജിലന്‍സ് അന്വേഷണം നേരിടുന്ന ഇടതുഭരണ നേതൃത്വം ഓഡിറ്റ് റിപ്പോര്‍ട്ടടക്കം അഴിമതിയുമായി ബന്ധപ്പെട്ട സുപ്രധാനരേഖ പൂഴ്ത്തിവെക്കുന്നത് ജനാധിപത്യത്തോടുള്ള വെല്ലുവിളിയാണെന്നും അദ്ദേഹം പറഞ്ഞു. പാര്‍ലമെന്റ് മണ്ഡലം പ്രസിഡന്റ് എസ്. ദീപു അധ്യക്ഷത വഹിച്ചു. എ.എ. ഷുക്കൂര്‍, സി.ആര്‍ മഹേശ്, ഗീതാ അശോകന്‍, അവിനാഷ് ഗംഗന്‍, ഡി. ദീപക്, ധനേഷ്‌കുമാര്‍, അഡ്വ. റീഗോ രാജു എന്നിവര്‍ പ്രസംഗിച്ചു.

 

LIVE NEWS - ONLINE

  • 1
    2 hours ago

    കേസ് ഒത്തുതീര്‍പ്പാക്കാന്‍ ശ്രമിച്ചിട്ടില്ലെന്ന് കോടിയേരി ബാലകൃഷ്ണന്‍

  • 2
    3 hours ago

    ചര്‍ച്ച പരാജയം: അന്തര്‍ സംസ്ഥാന ബസുകളുടെ സമരം തുടരും

  • 3
    5 hours ago

    ദമ്പതികള്‍ കഴുത്തറുത്ത് കൊല്ലപ്പെട്ട നിലയില്‍ കണ്ടെത്തി

  • 4
    6 hours ago

    കാസര്‍കോട്ട് പശുക്കടത്ത് ആരോപിച്ച് മര്‍ദനം

  • 5
    8 hours ago

    അബ്ഹ വിമാനത്താവള ആക്രമണത്തില്‍ മലയാളിക്ക് പരിക്ക്

  • 6
    9 hours ago

    സി.ഒ.ടി. നസീര്‍ വധശ്രമക്കേസ്: രണ്ടുപ്രതികള്‍ കീഴടങ്ങി

  • 7
    10 hours ago

    അബ്ദുള്ളക്കുട്ടി മോദിയുമായി കൂടിക്കാഴ്ച നടത്തി

  • 8
    10 hours ago

    മഞ്ചേശ്വരം തെരഞ്ഞെടുപ്പ്; എതിര്‍പ്പുണ്ടെങ്കില്‍ അറിയിക്കണം: ഹൈക്കോടതി

  • 9
    10 hours ago

    കോടിയേരി സ്ഥാനം ഒഴിയണമെന്ന് ചെന്നിത്തല