Sunday, April 21st, 2019

യമഹ MT-15 മാര്‍ച്ചില്‍ വിപണിയില്‍ എത്തും?

5,000 രൂപ മുന്‍കൂര്‍ പണമടച്ച് ബൈക്ക് ബുക്ക് ചെയ്യുന്നവര്‍ക്ക് ഏപ്രില്‍ ആദ്യവാരം മോഡല്‍ ലഭിച്ചു തുടങ്ങും

Published On:Feb 5, 2019 | 12:27 pm

യമഹ MT-15 മാര്‍ച്ച് 15 -ന് വിപണിയില്‍ വില്‍പ്പനയ്ക്ക്് വരുമെന്നാണ് റിപ്പോര്‍ട്ട്. ഔദ്യോഗിക വരവ് മുന്‍നിര്‍ത്തി തിരഞ്ഞെടുത്ത ഡീലര്‍ഷിപ്പുകള്‍ MT-15 ബൈക്കിന്റെ പ്രീബുക്കിംഗ് സ്വീകരിക്കുന്നുണ്ട്. 5,000 രൂപ മുന്‍കൂര്‍ പണമടച്ച് ബൈക്ക് ബുക്ക് ചെയ്യുന്നവര്‍ക്ക് ഏപ്രില്‍ ആദ്യവാരം മോഡല്‍ ലഭിച്ചു തുടങ്ങും. യമഹ YZF-R15 V3.0 മോഡലിന്റെ നെയ്ക്കഡ് പതിപ്പാണ് വരാനിരിക്കുന്ന MT-15. ഉയര്‍ന്ന ഹാന്‍ഡില്‍ബാറും പിറകിലേക്ക് ചാഞ്ഞ ഫൂട്ട് പെഗുകളും MT-15 മോഡലിന്റെ വിശേഷങ്ങളില്‍പ്പെടും. പൂര്‍ണ്ണ എല്‍ഇഡി ഹെഡ്ലാമ്പ്, വിഭജിച്ച സീറ്റുകള്‍, ഡിജിറ്റല്‍ ഇന്‍സ്ട്രമെന്റ് കണ്‍സോള്‍, സ്ലിപ്പര്‍ ക്ലച്ച്, ഇരട്ട ചാനല്‍ എബിഎസ് എന്നിവയെല്ലാം MT-15 -ന് ലഭിക്കുന്നുണ്ട്. എന്നാല്‍ വില നിയന്ത്രിച്ചു നിര്‍ത്തുന്നതിനായി അപ്സൈഡ് ഡൗണ്‍ ഫോര്‍ക്കുകള്‍ ബൈക്കിലുണ്ടായിരിക്കില്ല. ടെലിസ്‌കോപിക് ഫോര്‍ക്കുകള്‍ തല്‍സ്ഥാനത്ത് ഇടംപിടിക്കും.
പിറകിലെ മോണോഷോക്ക് യൂണിറ്റിലും സമാന നടപടികള്‍ പ്രതീക്ഷിക്കാം. യമഹ R15 ഉപയോഗിക്കുന്ന അണ്ടര്‍ബോണ്‍ ഷാസി പുതിയ MT-15 ഉം പങ്കിടും. 155 സിസി ഒറ്റ സിലിണ്ടര്‍ എഞ്ചിനാണ് യമഹ MT-15 ന്. ലിക്വിഡ് കൂളിംഗ്, ഫ്യൂവല്‍ ഇഞ്ചക്ഷന്‍ സംവിധാനങ്ങളുടെ പിന്തുണ എഞ്ചിനുണ്ട്. 10,000 rpm -ല്‍ 19.3 bhp കരുത്തും 8,500 rpm -ല്‍ 15 Nm torque ഉം എഞ്ചിന്‍ പരമാവധി കുറിക്കും. ആറു സ്പീഡ് ഗിയര്‍ബോക്സാണ് ബൈക്കില്‍. 1,335 mm വീല്‍ബേസുള്ള MT-15, 135 കിലോ ഭാരം കുറിക്കും. പ്രധാനമായും പ്രതിദിന കമ്മ്യൂട്ടര്‍ റൈഡുകള്‍ക്ക് ഉചിതമായ വിധമാണ് MT-15 -ന്റെ രൂപകല്‍പ്പന. വിപണിയില്‍ 1.20 ലക്ഷം മുതല്‍ 1.40 ലക്ഷം രൂപ വരെ മോഡലിന് വില പ്രതീക്ഷിക്കാം. ബജാജ് പള്‍സര്‍ NS200, ടിവിഎസ് അപാച്ചെ RTR 200 4V, പുതിയ കെടിഎം 125 ഡ്യൂക്ക് മോഡലുകളുമായാകും യമഹ MT-15 -ന്റെ എതിരാളികള്‍

LIVE NEWS - ONLINE

  • 1
    9 hours ago

    വോട്ടെടുപ്പ് ദിനം വടകരയില്‍ നിരോധനാജ്ഞ പ്രഖ്യാപിച്ചു

  • 2
    17 hours ago

    ശ്രീലങ്കയില്‍ ക്രിസ്ത്യന്‍ പള്ളികളിലടക്കം അഞ്ചിടങ്ങളില്‍ സ്ഫോടനം

  • 3
    18 hours ago

    ഏപ്രില്‍ 29വരെ നാല് പാസഞ്ചര്‍ തീവണ്ടികള്‍ റദ്ദാക്കി

  • 4
    20 hours ago

    തെരഞ്ഞെടുപ്പ് പരസ്യപ്രചാരണം ഇന്ന് അവസാനിക്കും

  • 5
    21 hours ago

    അമ്മയും മകനും തീവണ്ടി ഇടിച്ച് മരിച്ചു

  • 6
    1 day ago

    സുരേന്ദ്രന്‍ അയ്യപ്പഭക്തരുടെ സ്ഥാനാര്‍ത്ഥിയെന്ന് അമിത് ഷാ

  • 7
    1 day ago

    തിങ്കളാഴ്ച വിദ്യാഭ്യാസ സ്ഥാപനങ്ങള്‍ക്ക് അവധി

  • 8
    1 day ago

    കോഴിക്കോട് ഒരാള്‍ കുത്തേറ്റ് മരിച്ചു

  • 9
    1 day ago

    കര്‍ഷകരെയും ആദിവാസികളെയും മോദി സര്‍ക്കാര്‍ വഞ്ചിച്ചു: പ്രിയങ്ക