Thursday, September 20th, 2018

സര്‍ക്കാര്‍ അനുവദിച്ച ഭൂമിയില്‍ വന്യജീവി ശല്യം രൂക്ഷമെന്ന് പരാതി

ആറളം ഫാമിലെ പത്താം ബ്ലോക്കില്‍ സര്‍ക്കാര്‍ നല്‍കിയ ഭൂമിയിലാണ് ജനങ്ങള്‍ ദുരിതമനുഭവിക്കുന്നത്.

Published On:Mar 16, 2018 | 11:09 am

കണ്ണൂര്‍: സര്‍ക്കാര്‍ അനുവദിച്ച ഭൂമിയില്‍ താമസിക്കാനാവാതെ ആറളം ഫാമിലെ ആദിവാസികള്‍. ആറളം ഫാമിലെ പത്താം ബ്ലോക്കില്‍ സര്‍ക്കാര്‍ പതിച്ചുനല്‍കിയ ഭൂമിയില്‍ താമസിക്കാനാവാതെയാണ് ജനങ്ങള്‍ ദുരിതമനുഭവിക്കുന്നത്. ഇവിടെ മതിയായ സുരക്ഷയോ അടിസ്ഥാന സൗകര്യങ്ങളോ ഇല്ലെന്നാണ് ജനങ്ങളുടെ ആക്ഷേപം. രാത്രികാലങ്ങളില്‍ കാട്ടാനയുടെയും മറ്റ് മന്യജീവികളുടെയും ശല്യം കാരണം ജീവന്‍പോലും ഭീഷണിയിലാവുന്ന സ്ഥിതിയാണ്. മാന്‍, കാട്ടുപോത്ത്, കാട്ടുപന്നി തുടങ്ങിയവയെല്ലാം ഏറെ ഭീതി ഉണ്ടാക്കുന്നുണ്ടെന്ന് ജനങ്ങള്‍ പറയുന്നു. വന്യജീവികളുടെ ശല്യം കാരണം പ്രദേശത്ത് വീടുവെച്ച് താമസിക്കാനോ കൃഷി ചെയ്യാനോ കഴിയാത്ത അവസ്ഥയാണെന്നും അവര്‍ പറഞ്ഞു.
പ്രദേശത്ത് കുടിവെള്ളക്ഷാമം രൂക്ഷമാണ്. നാനൂറില്‍ അധികം കുടുംബങ്ങള്‍ക്കാണ് പത്താം ബ്ലോക്കില്‍ സര്‍ക്കാര്‍ സ്ഥലം അനുവദിച്ചത്. പ്രദേശത്ത് താമസിക്കാന്‍ കഴിയാത്തതിനാല്‍ പലരും ബന്ധുവീട്ടിലും മറ്റുമാണ് ഇപ്പോള്‍ താമസിക്കുന്നത്. സര്‍ക്കാര്‍ നല്‍കിയ ഒരു ഏക്കര്‍ സ്ഥലത്താണ് മതിയായ സുരക്ഷയും അടിസ്ഥാന സൗകര്യങ്ങളോ ഇല്ലാതെ ജനങ്ങള്‍ ദുരിതമനുഭവിക്കുന്നത്. പത്ത് വര്‍ഷം മുമ്പാണ് സര്‍ക്കാര്‍ ഇവര്‍ക്ക് സ്ഥലം പതിച്ച് നല്‍കിയത്. ഇവിടെ കുടിവെള്ളം ഇല്ലാത്തതിനാല്‍ ഒരിറ്റുവെള്ളത്തിനായി ഇവിടങ്ങളില്‍ താമസിക്കുന്ന കുടുംബങ്ങള്‍ കിലോമീറ്റര്‍ നടന്നുപോകേണ്ട അവസ്ഥയാണ്.
സര്‍ക്കാര്‍ അനുവദിച്ച ഭൂമിക്ക് പകരം താമസയോഗ്യമായ മറ്റൊരു ഭൂമി നല്‍കണമെന്നാവശ്യപ്പെട്ട് പ്രദേശവാസികള്‍ കലക്ടര്‍ക്ക് പരാതി നല്‍കിയിട്ടുണ്ട്. ആറളം ഫാമില്‍ തന്നെ താമസയോഗ്യമായ മറ്റ് ബ്ലോക്കുകളില്‍ നിരവധി വീടുകള്‍ ഒഴിഞ്ഞുകിടക്കുന്നുണ്ട്. അങ്ങോട്ട് തങ്ങളെ പുനരധിവസിപ്പിക്കണമെന്നാണ് പരാതിയില്‍ പറയുന്നത്.

 

LIVE NEWS - ONLINE

  • 1
    8 hours ago

    മുല്ലപ്പള്ളി രാമചന്ദ്രന്‍ കെ.പി.സി.സി അധ്യക്ഷന്‍

  • 2
    9 hours ago

    പ്രധാനമന്ത്രിയെ കാണാന്‍ അനുമതി നല്‍കാത്തതിന്റെ വിഷമത്തില്‍ യുവതി ബസിന് തീവച്ചു

  • 3
    11 hours ago

    ചോദ്യം ചെയ്യല്‍ നാളേയും തുടരും

  • 4
    13 hours ago

    കെ. കരുണാകരന്‍ മരിച്ചത് നീതികിട്ടാതെ: നമ്പി നാരായണന്‍

  • 5
    15 hours ago

    ഓണം ബംബര്‍ തൃശൂരില്‍

  • 6
    16 hours ago

    കുമാരനല്ലൂരില്‍ റെയില്‍വേ ട്രാക്കില്‍ വിള്ളല്‍

  • 7
    17 hours ago

    സര്‍ക്കാരിന് തിരിച്ചടിയായി നീതിപീഠത്തിന്റെ ഇടപെടല്‍

  • 8
    19 hours ago

    ഇന്ധനവില ജനങ്ങളെ ബുദ്ധിമുട്ടിക്കുന്നു: കേന്ദ്ര മന്ത്രി നിതിന്‍ ഗഡ്കരി

  • 9
    19 hours ago

    കിണറ്റില്‍ വീണ് ഗൃഹനാഥന്‍ മരിച്ചു