Monday, December 18th, 2017

വെല്ലിംഗ്ടണ്‍ ദിപില്‍ കരീബിയന്‍ പട തകര്‍ന്നടിഞ്ഞു

ടോസ് നഷ്ടപ്പെട്ട് ആദ്യം ബാറ്റിംഗിനിറങ്ങിയ വിന്‍ഡീസിന് മികച്ച തുടക്കം ലഭിച്ചതിന് ശേഷവും തകര്‍ന്നടിയുകയായിരുന്നു.

Published On:Dec 1, 2017 | 11:51 am

വെല്ലിംഗ്ടണ്‍: ന്യൂസിലന്‍ഡിനെതിരായ ഒന്നാം ക്രിക്കറ്റ് ടെസ്റ്റിന്റെ ഒന്നാം ഇന്നിംഗ്‌സില്‍ വെസ്റ്റ് ഇന്‍ഡീസ് തകര്‍ന്നടിഞ്ഞു. ആദ്യം ബാറ്റ് ചെയ്ത വിന്‍ഡീസ് 134 റണ്‍സിന് പുറത്തായി. മറുപടി ബാറ്റിംഗ് തുടങ്ങിയ ന്യൂസിലന്‍ഡ് ഒന്നാം ദിവസം കളിനിര്‍ത്തുന്‌പോള്‍ 85/2 എന്ന ഭേദപ്പെട്ട നിലയിലാണ്.
ടോസ് നഷ്ടപ്പെട്ട് ആദ്യം ബാറ്റിംഗിനിറങ്ങിയ വിന്‍ഡീസിന് മികച്ച തുടക്കം ലഭിച്ചതിന് ശേഷവും തകര്‍ന്നടിയുകയായിരുന്നു. ഒന്നാം വിക്കറ്റില്‍ ബ്രാത്‌വൈറ്റ് കിരോണ്‍ പവല്‍ സഖ്യം 59 റണ്‍സ് കൂട്ടിച്ചേര്‍ത്തു. എന്നാല്‍ പവല്‍ (42), ബ്രാത്‌വൈറ്റ് (24) എന്നിവര്‍ വീണതോടെ വിന്‍ഡീസിന്റെ തകര്‍ച്ച തുടങ്ങി. 59 റണ്‍സ് കൂട്ടിച്ചേര്‍ക്കുന്നതിനിടെയാണ് വിന്‍ഡീസിന്റെ അവസാന എട്ട് വിക്കറ്റുകള്‍ വീണത്.
ഏഴ് വിക്കറ്റ് വീഴ്ത്തിയ നീല്‍ വാഗ്‌നറാണ് വിന്‍ഡീസിനെ തകര്‍ത്തത്. 39 റണ്‍സ് മാത്രം വഴങ്ങിയായിരുന്നു വാഗ്‌നറുടെ വിക്കറ്റ് വേട്ട. ട്രെന്റ് ബോള്‍ട്ട് രണ്ടു വിക്കറ്റ് നേടി.
ഓപ്പണര്‍ ടോം ലാതം (37), ക്യാപ്റ്റന്‍ കെയ്ന്‍ വില്യംസണ്‍ (1) എന്നിവരുടെ വിക്കറ്റുകളാണ് കിവീസിന് നഷ്ടമായത്. 29 റണ്‍സോടെ ജീറ്റ് റാവലും 12 റണ്‍സുമായി റോസ് ടെയ്‌ലറും ഒന്നാം ദിനം അവസാനിക്കുമ്പോള്‍ ക്രീസിലുണ്ട്. എട്ട് വിക്കറ്റ് ശേഷിക്കേ വിന്‍ഡീസ് സ്‌കോര്‍ മറികടക്കാന്‍ കിവീസിന് 49 റണ്‍സ് മാത്രം മതി.

 

 

 

LIVE NEWS - ONLINE

  • 1
    5 mins ago

    പ്രവാസികളുടെ സ്വപ്‌നം യാഥാര്‍തഥ്യമാവുന്നു

  • 2
    1 hour ago

    ഹിമാചല്‍ തിയോഗില്‍ സിപിഎമ്മിന് ജയം

  • 3
    2 hours ago

    ഹിമാചലില്‍ ബി.ജെ.പി മുഖ്യമന്ത്രി സ്ഥാനാര്‍ത്ഥി തോറ്റു

  • 4
    2 hours ago

    വിധിയില്‍ പതറാതെ..കൈപത്തികളില്ലെങ്കിലും ഇന്നവള്‍ ഡോക്ടറേറ്റ് നേടിയിരിക്കുന്നു..

  • 5
    3 hours ago

    മുംബൈയില്‍ കെട്ടിടത്തിന് തീ പിടിച്ച് 12 പേര്‍ വെന്തുമരിച്ചു

  • 6
    3 hours ago

    ഹിമാചല്‍ ബിജെപി തിരിച്ചു പിടിച്ചു

  • 7
    4 hours ago

    സിഐഎ സഹായം; ട്രംപിന് നന്ദി അറിയിച്ച് റഷ്യ

  • 8
    4 hours ago

    വൃത്തിയുള്ള, വെളുത്ത പല്ലുകള്‍..നിങ്ങള്‍ക്കും സ്വന്തമാക്കാം

  • 9
    4 hours ago

    കവര്‍ച്ചാ കേസുകളിലെ പ്രതി ഉള്ളാളില്‍ പിടിയില്‍