Friday, September 21st, 2018

കൃഷി നാശം വയനാട്ടില്‍ ആത്മഹത്യ പെരുകുന്നു

വയനാടന്‍ കുരുമുളക് കൃഷിയുടെ ഈറ്റില്ലമായ പുല്‍പള്ളിയില്‍ വിളനാശം പാരമ്യത്തിലാണ്.

Published On:Sep 11, 2018 | 9:23 am

കല്‍പറ്റ: ഉരുള്‍പൊട്ടലും പ്രളയവും തീര്‍ത്ത കനത്ത ദുരിതത്തില്‍ ക്ഷതമേറ്റ വയനാടന്‍ കാര്‍ഷിക മേഖലയില്‍ ആശങ്കയുയര്‍ത്തി കര്‍ഷക ആത്മഹത്യകള്‍ വീണ്ടും. ബാങ്കു വായ്പയെടുത്തും പലിശക്ക് പണം വാങ്ങിയുമൊക്കെ കൃഷിയിറക്കിയവര്‍ക്ക് തീരാദുരിതമായി വിളനാശം സംഭവിച്ചതോടെ കര്‍ഷക ആത്മഹത്യകള്‍ തിരിച്ചുവരുകയാണ്. ഒരുമാസത്തിനിടെ മൂന്നു പേരാണ് വിളനാശത്തെ തുടര്‍ന്നുള്ള സാമ്പത്തിക പ്രയാസങ്ങള്‍ കാരണം ജീവനൊടുക്കിയത്. പ്രളയക്കെടുതികളുടെ മധ്യേയാണ് ഈ മൂന്നു ആത്മഹത്യകളും. നെല്ല്, കുരുമുളക്, കാപ്പി, വാഴ, ഇഞ്ചി തുടങ്ങിയ സകല വിളകള്‍ക്കും മഴക്കെടുതികള്‍ വരുത്തിയത് വന്‍നാശമാണ്.
മുന്‍വര്‍ഷങ്ങളില്‍ കൃഷിനാശം സംഭവിച്ചതിനെ തുടര്‍ന്ന് ഒട്ടേറെ കര്‍ഷകര്‍ വായ്പകള്‍ തിരിച്ചടക്കാത്തതിനാല്‍ ബാങ്ക് നടപടി നേരിടുകയാണ്. ഇതിനിടയിലാണ് പ്രളയം നാശം വിതച്ചത്. ഇതോടെ വായ്പ തിരിച്ചടവ് കൂടുതല്‍ പ്രതിസന്ധിയിലായി. ഈ ആധിയാണ്, കര്‍ഷക ആത്മഹത്യകള്‍ വീണ്ടും തിരിച്ചുവരുന്നതിന് വഴിയൊരുക്കുന്നത്. കഴിഞ്ഞ വര്‍ഷങ്ങളില്‍ സര്‍ക്കാറില്‍നിന്ന് ലഭിക്കേണ്ട നഷ്ടപരിഹാരം ഇനിയും ലഭിക്കാത്തതും നാമമാത്ര നഷ്ടപരിഹാരത്തിനുതന്നെ അന്യായ മാനദണ്ഡങ്ങളുടെ കടമ്പകളും കര്‍ഷകരെ കുഴക്കുന്നു.
വയനാടന്‍ കുരുമുളക് കൃഷിയുടെ ഈറ്റില്ലമായ പുല്‍പള്ളിയില്‍ വിളനാശം പാരമ്യത്തിലാണ്. കനത്ത മഴയെ തുടര്‍ന്ന് ജില്ലയില്‍ കാപ്പികൃഷിക്ക് 25 ശതമാനത്തോളം വിളനാശം സംഭവിച്ചു. തോട്ടങ്ങളില്‍ വെള്ളം കെട്ടിക്കിടന്ന് മഞ്ഞളിപ്പും ദ്രുതവാട്ടവും വേരുചീയലുമടക്കമുള്ള രോഗങ്ങള്‍ ബാധിച്ച് കുരുമുളക് വള്ളികള്‍ ഉണങ്ങുകയാണ്. 75 ശതമാനവും നശിച്ച കവുങ്ങ് കൃഷിയില്‍ ശേഷിച്ചവ കൂടി ഈ പ്രളയത്തില്‍ ഇല്ലാതാകുന്ന അവസ്ഥയാണ്. നേന്ത്രപ്പഴത്തിന് ഏറ്റവുമധികം വില കിട്ടേണ്ട ഓണം സീസണിലാണ് വിളവും വിലയുമെല്ലാം വെള്ളത്തില്‍ മുങ്ങിയത്.

 

LIVE NEWS - ONLINE

  • 1
    5 hours ago

    ബിഷപ്പിന്റെ അറസ്റ്റ് രേഖപ്പെടുത്തി

  • 2
    6 hours ago

    നരേന്ദ്രമോദിയേയും അമിത് ഷായേയും രൂക്ഷമായി വിമര്‍ശിച്ച് ശത്രുഘ്നന്‍ സിന്‍ഹ

  • 3
    8 hours ago

    ബിഷപ്പിനെ വൈദ്യപരിശോധനക്ക് തൃപ്പൂണിത്തുറ താലൂക്ക് ആശുപത്രിയില്‍ എത്തിച്ചു

  • 4
    9 hours ago

    ടാന്‍സാനിയയില്‍ കടത്തുബോട്ട് മറിഞ്ഞുണ്ടായ അപകടത്തില്‍ 100 പേര്‍ മരിച്ചു

  • 5
    11 hours ago

    ബിഷപ്പ് ഫ്രാങ്കോ മുളയ്ക്കല്‍ അറസ്റ്റില്‍

  • 6
    12 hours ago

    കന്യാസ്ത്രീസമരത്തെ സര്‍ക്കാര്‍ വിരുദ്ധ സമരമായി മാറ്റാന്‍ നീക്കം: കോടിയേരി

  • 7
    16 hours ago

    യുവാവ് ദുരൂഹ സാഹചര്യത്തില്‍ മരിച്ച നിലയില്‍

  • 8
    16 hours ago

    അശ്ലീല വാട്‌സാപ്പ് വീഡിയോ; മൂന്നുപേര്‍ കസ്റ്റഡിയില്‍

  • 9
    17 hours ago

    കശ്മീരില്‍ മൂന്ന് പോലീസുദ്യോഗസ്ഥരെ തീവ്രവാദികള്‍ തട്ടിക്കൊണ്ടുപോയി