Wednesday, September 19th, 2018

ചന്ദ്രബാബു നായിഡുവിനെതിരേ ജാമ്യമില്ലാ അറസ്റ്റ് വാറണ്ട്

എട്ട് വര്‍ഷം മുമ്പുള്ള കേസിലാണ് അറസ്റ്റ് വാറണ്ട്

Published On:Sep 14, 2018 | 7:38 pm

ഹൈദരാബാദ്: ആന്ധ്രപ്രദേശ് മുഖ്യമന്ത്രി എന്‍.ചന്ദ്രബാബു നായിഡുവിനെതിരേ മഹാരാഷ്ട്ര കോടതി ജാമ്യമില്ലാ വകുപ്പ് പ്രകാരം അറസ്റ്റ് വാറണ്ട് പുറപ്പെടുവിച്ചു. എട്ട് വര്‍ഷം മുമ്പുള്ള കേസിലാണ് അറസ്റ്റ് വാറണ്ട്. ഈ മാസം 21ന് മുമ്പ് ചന്ദ്രബാബു നായിഡു അടക്കം 15 പേരെ അറസ്റ്റ് ചെയ്ത് കോടതിക്ക് മുമ്പില്‍ ഹാജരാക്കണമെന്നാണ് ഉത്തരവ്.
ഗോദാവരി നദിയില്‍ മഹാരാഷ്ട്ര സര്‍ക്കാര്‍ ബാബ്ലി ബാരേജ് പദ്ധതിയുടെ ഭാഗമായി അനധികൃത നിര്‍മ്മാണ പ്രവര്‍ത്തനങ്ങള്‍ നടത്തുന്നതിനെതിരേ നിരോധനാജ്ഞ ലംഘിച്ച് പ്രതിഷേധം നടത്തിയതിനാണ് ചന്ദ്രബാബു നായിഡുവിനെ അറസ്റ്റ് ചെയ്യാന്‍ കോടതി ഉത്തരവിട്ടത്.ധര്‍മ്മാബാദ് ജുഡീഷ്യല്‍ ഫസ്റ്റ് ക്ലാസ് മജിസ്ട്രേറ്റ് കോടതിയുടേതാണ് ഉത്തരവ്.
ഗോദാവരി നദിയെ വഴിതിരിച്ചുവിടാനേ നിര്‍മ്മാണപ്രവര്‍ത്തനങ്ങള്‍ ഉപകരിക്കൂ എന്ന് ആരോപിച്ചാണ് തെലുങ്കുദേശം പാര്‍ട്ടി പ്രക്ഷോഭം സംഘടിപ്പിച്ചത്. അന്ന് അവിഭക്ത ആന്ധ്രാപ്രദേശിലെ പ്രതിപക്ഷ നേതാവായിരുന്നു ചന്ദ്രബാബു നായിഡു. അറസ്റ്റ് ചെയ്യാനുള്ള ഉത്തരവിനെതിരേ ടിഡിപി ശക്തമായ പ്രതിഷേധവുമായി രംഗത്തെത്തി. പ്രധാനമന്ത്രി നരേന്ദ്രമോദിയുടെ കുബുദ്ധിയാണ് ഇപ്പോഴത്തെ നീക്കങ്ങള്‍ക്ക് പിന്നിലെന്ന് പാര്‍ട്ടിവൃത്തങ്ങള്‍ ആരോപിക്കുന്നു.

LIVE NEWS - ONLINE

  • 1
    2 mins ago

    കാട്ടു പന്നിയുടെ കുത്തേറ്റ് കര്‍ക്ഷകന്‍ മരിച്ചു

  • 2
    26 mins ago

    പ്രളയ ദുരിതാശ്വാസ പട്ടികയില്‍ അനര്‍ഹരെന്ന് ചെന്നിത്തല

  • 3
    35 mins ago

    അന്താരാഷ്ട്ര ചലച്ചിത്ര മേള റദ്ദാക്കരുത്: വിഖ്യാത സംവിധായകന്‍ കിം കി ഡുക്ക്

  • 4
    40 mins ago

    പുനലൂര്‍ നിയോജക മണ്ഡലത്തില്‍ ഇന്ന് സിപിഐ ഹര്‍ത്താല്‍

  • 5
    43 mins ago

    റഷ്യയില്‍ ബസുകള്‍ തമ്മില്‍ കൂട്ടിയിടിച്ച് അഞ്ച് പേര്‍ മരിച്ചു

  • 6
    45 mins ago

    ഗള്‍ഫില്‍ വീണ്ടുമൊരു ഇന്ത്യ-പാക് ക്രിക്കറ്റ് യുദ്ധം

  • 7
    2 hours ago

    ബിഷപ് ഫ്രാങ്കോയെ ഇന്ന് തൃപ്പൂണിത്തുറയില്‍ വെച്ച് ചോദ്യം ചെയ്യും

  • 8
    12 hours ago

    മുസ്ലിം വിഭാഗക്കാര്‍ അടക്കം എല്ലാവരെയും ഉള്‍ക്കൊള്ളുന്നതാണ് ഹിന്ദുത്വമെന്ന് മോഹന്‍ ഭാഗവത്

  • 9
    14 hours ago

    എ.എം.എം.എയ്ക്ക് വീണ്ടും കത്തു നല്‍കി നടിമാര്‍