Wednesday, May 22nd, 2019

ഒരു പരിഷ്‌കരണം കൂടിയേ തീരൂ

പതിനേഴാം ലോക്‌സഭ തെരഞ്ഞെടുപ്പ് അവസാന ഘട്ടത്തില്‍ എത്തിനില്‍ക്കെ വോട്ടെടുപ്പ് നടപടികളില്‍ പരിഷ്‌കരണങ്ങള്‍ വേണമെന്ന ആവശ്യത്തിന് ശക്തി കൂടി. ഏഴു ഘട്ടങ്ങളിലായി വോട്ടെടുപ്പ് നടത്താനാണ് തെരഞ്ഞെടുപ്പ് കമ്മീഷന്‍ പദ്ധതി തയ്യാറാക്കിയത്. ഇതില്‍ ആറെണ്ണവും കഴിഞ്ഞു. 19ന് അവസാനവട്ട വോട്ടെടുപ്പ് കൂടി കഴിയുന്നതോടെ ഫലപ്രഖ്യാപനത്തിനുള്ള കാത്തിരിപ്പായി. മെയ് 23ന് ശേഷം കേന്ദ്രത്തില്‍ ഒരു പുതിയ സര്‍ക്കാര്‍ നിലവില്‍ വരും. അപ്പോള്‍ തെരഞ്ഞെടുപ്പ് നടപടികളില്‍ കാതലായ മാറ്റങ്ങള്‍ വരണമെന്ന് വോട്ടര്‍മാര്‍ ആഗ്രഹിക്കുന്നു. മുന്‍വര്‍ഷങ്ങളെ അപേക്ഷിച്ച് നിരവധി ക്രമക്കേടുകള്‍ തെരഞ്ഞെടുപ്പ് വേളയില്‍ നടന്നതായി … Continue reading "ഒരു പരിഷ്‌കരണം കൂടിയേ തീരൂ"

Published On:May 14, 2019 | 5:21 pm

പതിനേഴാം ലോക്‌സഭ തെരഞ്ഞെടുപ്പ് അവസാന ഘട്ടത്തില്‍ എത്തിനില്‍ക്കെ വോട്ടെടുപ്പ് നടപടികളില്‍ പരിഷ്‌കരണങ്ങള്‍ വേണമെന്ന ആവശ്യത്തിന് ശക്തി കൂടി. ഏഴു ഘട്ടങ്ങളിലായി വോട്ടെടുപ്പ് നടത്താനാണ് തെരഞ്ഞെടുപ്പ് കമ്മീഷന്‍ പദ്ധതി തയ്യാറാക്കിയത്. ഇതില്‍ ആറെണ്ണവും കഴിഞ്ഞു. 19ന് അവസാനവട്ട വോട്ടെടുപ്പ് കൂടി കഴിയുന്നതോടെ ഫലപ്രഖ്യാപനത്തിനുള്ള കാത്തിരിപ്പായി. മെയ് 23ന് ശേഷം കേന്ദ്രത്തില്‍ ഒരു പുതിയ സര്‍ക്കാര്‍ നിലവില്‍ വരും. അപ്പോള്‍ തെരഞ്ഞെടുപ്പ് നടപടികളില്‍ കാതലായ മാറ്റങ്ങള്‍ വരണമെന്ന് വോട്ടര്‍മാര്‍ ആഗ്രഹിക്കുന്നു.
മുന്‍വര്‍ഷങ്ങളെ അപേക്ഷിച്ച് നിരവധി ക്രമക്കേടുകള്‍ തെരഞ്ഞെടുപ്പ് വേളയില്‍ നടന്നതായി പരാതികള്‍ ഉയര്‍ന്നിട്ടുണ്ട്. കള്ളവോട്ടുകള്‍, തപാല്‍ വോട്ടുകളിലെ ക്രമക്കേടുകള്‍ എന്നിവ തെരഞ്ഞെടുപ്പ് കമ്മീഷന് തന്നെ ബോധ്യപ്പെട്ടുകഴിഞ്ഞു. ഇതേ തുടര്‍ന്ന് ക്രമക്കേടുകള്‍ സംബന്ധിച്ച് അന്വേഷണം നടത്തി റിപ്പോര്‍ട്ട് നല്‍കാന്‍ ക്രൈംബ്രാഞ്ചിനെ ചുമതലപ്പെടുത്തിയിരിക്കുകയാണ്. അന്വേഷണം ആരംഭിച്ചുകഴിഞ്ഞു. ചില ബൂത്തുകളില്‍ റീപോളിംഗിന് പോലും സാധ്യത തള്ളിക്കളയാനാവില്ല. ഫലപ്രഖ്യാപനം കഴിഞ്ഞാല്‍ കൂടുതല്‍ ക്രമക്കേടുകളും കള്ളവോട്ടുകളും സംബന്ധിച്ച പരാതികളുമായി രംഗത്തെത്താന്‍ പ്രധാന രാഷ്ട്രീയ പാര്‍ട്ടികള്‍ ഒരുക്കം തുടങ്ങിക്കഴിഞ്ഞു. തെരഞ്ഞെടുപ്പിന്റെ തുടക്കം മുതല്‍ തന്നെ വോട്ടിംഗ് മെഷീനുകള്‍ പലയിടത്തും പണിമുടക്കി. ഇതുകാരണം റീപോളിംഗും നടത്തേണ്ടിവന്നു. വി വി പാറ്റ് മെഷീനുകളിലെ പ്രവര്‍ത്തനം തൃപ്തികരമാവാത്തത് വോട്ടെടുപ്പ് നിശ്ചിത സമയം കഴിഞ്ഞും മണിക്കൂറുകള്‍ നീളുന്നതിനിടയാക്കി.
ബി ജെ പി ഒഴികെയുള്ള രാഷ്ട്രീയ പാര്‍ട്ടികള്‍ തെരഞ്ഞെടുപ്പ് കമ്മീഷന്‍ പക്ഷപാതപരമായി നടപടി സ്വീകരിക്കുന്നുവെന്ന ആക്ഷേപവും ഇത്തവണ ഉയര്‍ത്തിയിട്ടുണ്ട്. പ്രചരണ വേളകളിലെ പെരുമാറ്റ ചട്ടലംഘനങ്ങളുടെ പരാതികളില്‍ തെരഞ്ഞെടുപ്പ് കമ്മീഷന്‍ സ്വീകരിച്ച തീരുമാനങ്ങള്‍ ചോദ്യം ചെയ്യപ്പെട്ടിരിക്കുന്നു. എല്ലാ രാഷ്ടീയ പാര്‍ട്ടികള്‍ക്കും സ്വീകാര്യമായ നിലയില്‍ വോട്ടിംഗ് മെഷീനെ എങ്ങിനെ പരിഷ്‌കരിക്കാം എന്ന തീരുമാനമാണിനി ഉണ്ടാകേണ്ടത്.
ഇലക്‌ട്രോണിക് വോട്ടിംഗ് മെഷീനില്‍ മാറ്റങ്ങള്‍ വരുത്തിയോ പേപ്പര്‍ ബാലറ്റില്‍ ഒ എം ആര്‍ സംവിധാനം ഏര്‍പ്പെടുത്തിയോ സുതാര്യമായ രീതിയില്‍ വോട്ടിംഗ് നടത്താനുള്ള നിര്‍ദ്ദേശങ്ങളും ജനങ്ങളുയര്‍ത്തുന്നുണ്ട്. ജനാധിപത്യ സംവിധാനത്തിലെ സുതാര്യവും സുഗമവുമായ പ്രക്രിയയാവണം തെരഞ്ഞെടുപ്പ് പ്രവര്‍ത്തനം. ലോകത്തിലെ ഏറ്റവും വലിയ ജനാധിപത്യ രാജ്യത്തിലെ തെരഞ്ഞെടുപ്പ് പ്രവര്‍ത്തനങ്ങള്‍ കുറ്റമറ്റതാവണമെങ്കില്‍ ശാസ്ത്രസാങ്കേതിക നേട്ടങ്ങള്‍ ഉപയോഗപ്പെടുത്തിയുള്ള നടപടികള്‍ പ്രയോജനപ്പെടുത്താവുന്നതാണ്. കോടിക്കണക്കിന് രൂപ ചെലവ് വരുന്ന നിലവിലുള്ള വോട്ടെടുപ്പ് രീതികള്‍ പലതവണ തെരഞ്ഞെടുപ്പ് നടത്തേണ്ടിവരുന്ന രാജ്യത്തിന് താങ്ങാനാവില്ല. ഈ രംഗത്തെ വിദഗ്ധരുടെ സേവനവും നിര്‍ദ്ദേശങ്ങളും ഇതിലേക്ക് സ്വീകരിക്കാവുന്നതാണ്.

LIVE NEWS - ONLINE

  • 1
    2 mins ago

    ആളുമാറി ശസ്ത്രക്രിയ; മനുഷ്യാവകാശ കമ്മീഷന്‍ കേസെടുത്തു

  • 2
    2 hours ago

    മാന്‍ ബുക്കര്‍ പുരസ്‌കാരം പ്രശസ്ത അറബി സാഹിത്യകാരി ജൂഖ അല്‍ഹാര്‍സിക്ക്

  • 3
    2 hours ago

    വോട്ടെണ്ണല്‍ സുൂപ്പര്‍ ഫാസ്റ്റ് വേഗത്തില്‍ വേണ്ടെന്ന് തെരഞ്ഞെടുപ്പ് കമ്മീഷന്‍

  • 4
    2 hours ago

    വോട്ടെണ്ണല്‍ പൂര്‍ത്തിയാക്കാന്‍ 10 മണിക്കൂര്‍

  • 5
    2 hours ago

    കശ്മീരില്‍ ഏറ്റുമുട്ടല്‍; രണ്ട് തീവ്രവാദികളെ വധിച്ചു

  • 6
    2 hours ago

    നടന്‍ സിദ്ദിഖിനെതിരെ മീ ടൂ ആരോപണവുമായി നടി രേവതി സമ്പത്ത്

  • 7
    3 hours ago

    മണര്‍കാട് കസ്റ്റഡി മരണം; രണ്ട് പോലീസുകാര്‍ക്ക് സസ്‌പെന്‍ഷന്‍

  • 8
    3 hours ago

    റിസാറ്റ് 2ബിവിജയകരമായി വിക്ഷേപിച്ചു

  • 9
    3 hours ago

    ഇന്ത്യന്‍ ടീം ഇംഗ്ലണ്ടിലേക്ക്