പാനൂര്‍: സി പി എം പ്രവര്‍ത്തകന്‍ വടക്കെപൊയിലൂരിലെ പള്ളിച്ചാല്‍ വിനോദി(37)നെ ബോംബെറിഞ്ഞ് കൊലപ്പെടുത്തിയ കേസില്‍ ഒരു ബി ജെ പി പ്രവര്‍ത്തകനെ പോലീസ് കസ്റ്റഡിയിലെടുത്തു. വടക്കെ പൊയിലൂരിലെ രജിലേഷിനെയാണ് അന്വേഷണ സംഘം കസ്റ്റഡിയിലെടുത്തത്. കേസിന്റെ അന്വേഷണം കണ്ണൂര്‍ ക്രൈംബ്രാഞ്ച് ഡി വൈ എസ് പി ടി പി പ്രേമരാജന്റെ നേതൃത്വത്തിലുള്ള പ്രത്യേക അന്വേഷണ സംഘം ഏറ്റെടുത്തു. പാനൂര്‍ സി ഐ വി വി ബെന്നി, തലശ്ശേരി സി ഐ വിശ്വംഭരന്‍ നായര്‍ എന്നിവരും … Continue reading "വിനോദ്‌വധം; ബി ജെ പി പ്രവര്‍ത്തകന്‍ കസ്റ്റഡിയില്‍"
Monday, September 24th, 2018
വിനോദ്‌വധം; ബി ജെ പി പ്രവര്‍ത്തകന്‍ കസ്റ്റഡിയില്‍
Published On:Apr 17, 2015 | 4:19 pm
പാനൂര്‍: സി പി എം പ്രവര്‍ത്തകന്‍ വടക്കെപൊയിലൂരിലെ പള്ളിച്ചാല്‍ വിനോദി(37)നെ ബോംബെറിഞ്ഞ് കൊലപ്പെടുത്തിയ കേസില്‍ ഒരു ബി ജെ പി പ്രവര്‍ത്തകനെ പോലീസ് കസ്റ്റഡിയിലെടുത്തു. വടക്കെ പൊയിലൂരിലെ രജിലേഷിനെയാണ് അന്വേഷണ സംഘം കസ്റ്റഡിയിലെടുത്തത്.
കേസിന്റെ അന്വേഷണം കണ്ണൂര്‍ ക്രൈംബ്രാഞ്ച് ഡി വൈ എസ് പി ടി പി പ്രേമരാജന്റെ നേതൃത്വത്തിലുള്ള പ്രത്യേക അന്വേഷണ സംഘം ഏറ്റെടുത്തു. പാനൂര്‍ സി ഐ വി വി ബെന്നി, തലശ്ശേരി സി ഐ വിശ്വംഭരന്‍ നായര്‍ എന്നിവരും പ്രത്യേക അന്വേഷണ സംഘത്തിലുണ്ട്. പിടിയിലായ രജിലേഷിനെ പോലീസ് ചോദ്യംചെയ്തുവരികയാണ്. സി പി എം -ബി ജെ പി പ്രവര്‍ത്തകരായ ചിലരെ കൂടി കസ്റ്റഡിയിലെടുത്തിരുന്നുവെങ്കിലും ചോദ്യംചെയ്തശേഷം വിട്ടയച്ചു. കൊലപാതകത്തില്‍ അഞ്ചുപ്രതികളെ തിരിച്ചറിഞ്ഞതായി പോലീസ് പറഞ്ഞു. വടക്കെ പൊയിലൂര്‍ സ്വദേശികളും ബി ജെ പി പ്രവര്‍ത്തകരുമായ ഷഫിന്‍, ചട്ടേന്റപറമ്പത്ത് മുത്തു, ധനീഷ്, ജഗതി, രജിലേഷ് എന്നിവരെയാണ് തിരിച്ചറിഞ്ഞത്. ഇവരടക്കം 20പേര്‍ക്കെതിരെയാണ് കൊലക്കുറ്റം ചുമത്തി കേസെടുത്തിട്ടുള്ളത്്. പ്രതികള്‍ക്കെതിരെ യു എ പി എ കുറ്റവും ചുമത്തിയിട്ടുണ്ട്. പ്രതികളെയും ആയുധങ്ങളും പിടികൂടുന്നതിനായി പാനൂര്‍ സി ഐ വി വി ബെന്നിയുടെ നേതൃത്വത്തില്‍ വടക്കെ പൊയിലൂര്‍, മേപ്പാട് പ്രദേശങ്ങളില്‍ ഇന്നലെ രാത്രി വ്യാപക റെയ്ഡ് നടത്തി.
പാനൂര്‍ മേഖലയില്‍ നടന്ന രാഷ്ട്രീയ കൊലപാതകത്തില്‍ യു എ പി എ കുറ്റം ചുമത്തിയ ആദ്യകേസാണിത്. നേരത്തെ കിഴക്കെ കതിരൂരില്‍ ആര്‍ എസ് എസ് ജില്ലാ ശാരീരിക് ശിക്ഷണ്‍ പ്രമുഖ് ഇളന്തോട്ടത്തില്‍ മനോജ് കൊല്ലപ്പെട്ടപ്പോഴും ചിറ്റാരിപറമ്പില്‍ സി പി എം പ്രവര്‍ത്തകന്‍ ചുണ്ടയിലെ ഓണിയന്‍ പ്രേമന്‍ കൊല്ലപ്പെട്ടപ്പോഴും പ്രതികള്‍ക്കെതിരെ യു എ പി എ ചുമത്തി കേസെടുത്തിരുന്നു.
