Monday, September 24th, 2018

ശക്തമായ ഒരു സിനിമയുമായി തിരിച്ചുവരും

അഭിനയത്തെക്കാള്‍ താല്‍പര്യം തിരക്കഥാ രചനയിലും സംവിധാനത്തിലുമാണ്

Published On:Apr 14, 2018 | 10:19 am

നടനും സംവിധായകനും ഗായകനുമായ വിനീത് ശ്രീനിവാസന്‍ അഭിനയ രംഗത്ത് നിന്ന് താല്‍ക്കാലിക ഇടവേള എടുക്കുന്നു. അമ്മാവന്‍ എം.മോഹനന്‍ വിനീതിനെ നായകനാക്കി ഒരുക്കുന്ന അരവിന്ദന്റെ അതിഥികള്‍ എന്ന സിനിമ പുറത്തിറങ്ങിയാലുടന്‍ താന്‍ അഭിനയത്തില്‍ നിന്ന് താല്‍ക്കാലിക അവധി എടുക്കുമെന്ന് വിനീത് പറഞ്ഞു. അതേസമയം, ഗായകന്‍ എന്ന നിലയില്‍ സിനിമയില്‍ സജീവമായിരിക്കും.
ഇടവേളക്ക് ശേഷം ഒരു സിനിമ സംവിധാനം ചെയ്തു കൊണ്ടായിരിക്കും ചലച്ചിത്ര രംഗത്തേക്ക് മടങ്ങിവരിക. അഭിനയത്തെക്കാള്‍ തനിക്ക് ഏറെ താല്‍പര്യം തിരക്കഥാ രചനയിലും സംവിധാനത്തിലുമാണെന്നും വിനീത് വെളിപ്പെടുത്തി. വിനീത് സംവിധാനം ചെയ്ത സിനിമകള്‍ക്കെല്ലാം അദ്ദേഹം തന്നെയാണ് തിരക്കഥയും രചിച്ചത്. മലര്‍വാടി ആര്‍ട്‌സ് ക്ലബ് , തട്ടത്തിന്‍ മറയത്ത്, തിര, ജേക്കബിന്റെ സ്വര്‍ഗരാജ്യം എന്നീ ചിത്രങ്ങള്‍ക്ക് ശേഷം തന്റെ പുതിയ ചിത്രം സംവിധാനം ചെയ്യുന്നതിന്റെ തിരക്കിലാണ് വിനീതിപ്പോള്‍. പുതിയ ചിത്രത്തിന്റെ കഥ ഏതാണ്ട് പൂര്‍ത്തിയായെന്നും ഇനി അതിനായി ഒരുപാട് യാത്രകള്‍ വേണ്ടി വരുമെന്നും വിനീത് പറഞ്ഞു. അതിനാലാണ് അഭിനയത്തില്‍ നിന്ന് വിട്ടുനില്‍ക്കുന്നതെന്നും വിനീത് പറയുന്നു.
മോഹന്‍ലാലിന്റെ കിളിച്ചുണ്ടന്‍ മാമ്പഴത്തിലെ കസവിന്റെ തട്ടമിട്ട് എന്ന ഗാനം ആലപിച്ചുകൊണ്ടാണ് വിനീത് മലയാള സിനിമ രംഗത്തേക്ക് കടന്നുവരുന്നത്. തുടര്‍ന്ന് ജോണി ആന്റണി സംവിധാനം ചെയ്ത സൈക്കിള്‍ എന്ന ചിത്രത്തിലൂടെ നായകനായി. മലര്‍വാടി ആര്‍ട്‌സ് ക്ലബ്ബ് എന്ന സിനിമ സംവിധാനം ചെയ്യുകയും അതില്‍ അഭിനയിക്കുകയും ചെയ്തു. ആന അലറലോടറല്‍ എന്ന സിനിമയിലാണ് വിനീത് ഒടുവില്‍ അഭിനയിച്ചത്.

 

LIVE NEWS - ONLINE

  • 1
    60 mins ago

    സിസ്റ്റര്‍ ലൂസിക്കെതിരായ നടപടി പിന്‍വലിച്ചു

  • 2
    3 hours ago

    സ്പെഷ്യല്‍ പ്രോട്ടക്ഷന്‍ ഗ്രൂപ്പുമായി ബന്ധപ്പെട്ട് രാഹുല്‍ഗാന്ധി ഉന്നയിച്ച ആരോപണം തള്ളി കേന്ദ്രസര്‍ക്കാര്‍

  • 3
    4 hours ago

    കെ.എസ്.ആര്‍.ടി.സി ബസ്സില്‍ ബൈക്ക് ഇടിച്ച് ഒരാള്‍ മരിച്ചു

  • 4
    8 hours ago

    മിനിലോറി ടിപ്പറിലിടിച്ച് ഡ്രൈവര്‍ മരിച്ചു; ഒരാള്‍ക്ക് പരിക്ക്

  • 5
    8 hours ago

    പറന്നുയരുന്നു പുതിയ ചരിത്രത്തിലേക്ക്…

  • 6
    9 hours ago

    ഗോവയില്‍ രണ്ട് മന്ത്രിമാര്‍ രാജിവെച്ചു

  • 7
    10 hours ago

    കന്യാസ്ത്രീ പീഡനം; ബിഷപ്പിന് ജാമ്യം നല്‍കരുതെന്ന് പോലീസ്

  • 8
    10 hours ago

    കന്യാസ്ത്രീ പീഡനം; ബിഷപ്പിന് ജാമ്യം നല്‍കരുതെന്ന് പോലീസ്

  • 9
    10 hours ago

    എംടി രമേശിന്റെ കാര്‍ അജ്ഞാത സംഘം തല്ലിത്തകര്‍ത്തു