Saturday, November 17th, 2018

കേസന്വേഷണത്തില്‍ അനാസ്ഥയും അലംഭാവവും: ഹൈക്കോടതി

മലബാര്‍ സിമന്റ്‌സ് അഴിമതി; വിജിലന്‍സിന് രൂക്ഷവിമര്‍ശനം

Published On:Jul 3, 2018 | 12:01 pm

കൊച്ചി: മലബാര്‍ സിമന്റ്‌സ് അഴിമതി കേസില്‍ സി.ബി.ഐ അന്വേഷണം ആവശ്യപ്പെട്ടുള്ള ഹര്‍ജി പരിഗണിക്കവെ വിജിലന്‍സിന് ഹൈക്കോടതിയുടെ രൂക്ഷവിമര്‍ശനം. കേസ് അന്വേഷിക്കുന്നതില്‍ വിജിലന്‍സ് കടുത്ത അനാസ്ഥയും അലംഭാവവും കാണിക്കുകയാണെന്ന് കോടതി പറഞ്ഞു. കേസുമായി ബന്ധപ്പെട്ടുള്ള 36 രേഖകള്‍ രണ്ടാം പ്രതിയായ വ്യവസായി വി.എം.രാധാകൃഷ്ണന്റെ വീട്ടില്‍ നിന്ന് കാണാതായിട്ടും വിജിലന്‍സ് യാതൊരു നടപടിയും സ്വീകരിച്ചില്ലെന്നും ഹൈക്കോടതി പറഞ്ഞു. വിജിലന്‍സിന് കിട്ടാത്ത രേഖകളാണ് സി.ബി.ഐക്ക് കിട്ടിയത്. ഇത് എങ്ങനെയാണ് സി.ബി.ഐക്ക് കിട്ടിയതെന്നും ജസ്റ്റിസ് ബി. സുധീന്ദ്രകുമാര്‍ വിജിലന്‍സിനോട് ചോദിച്ചു. തുടര്‍ന്ന് സി.ബി.ഐ അന്വേഷണം ആവശ്യപ്പെട്ടുള്ള ഹര്‍ജി സിംഗിള്‍ ബെഞ്ച് ഡിവിഷന്‍ ബെഞ്ചിന്റെ പരിഗണനക്ക് വിടുകയും ചെയ്തു.
മലബാര്‍ സിമന്റ്‌സിലെ അഴിമതിക്കേസുകളില്‍ സി.ബി.ഐ അന്വേഷണം തേടി ആള്‍ കേരള ആന്റി കറപ്ഷന്‍ ആന്റ് ഹ്യൂമന്‍ റൈറ്റ്‌സ് പ്രൊട്ടക്ഷന്‍ കൗണ്‍സില്‍, ജോയ് കൈതാരം എന്നിവര്‍ നല്‍കിയ ഹര്‍ജികളും മലബാര്‍ സിമന്റ്‌സ് അഴിമതിയുമായി ബന്ധപ്പെട്ട് തൃശൂര്‍ വിജിലന്‍സ് കോടതിയിലുള്ള രണ്ടു കേസുകള്‍ അവസാനിപ്പിക്കാന്‍ അനുവദിച്ച് സര്‍ക്കാര്‍ നല്‍കിയ ഉത്തരവിനെതിരെയുള്ള ഒരു ഹര്‍ജിയുമാണ് ഹൈക്കോടതിയുടെ പരിഗണനയിലുള്ളത്. മലബാര്‍ സിമന്റ്‌സ് മുന്‍ ചെയര്‍മാനായ ജോണ്‍ മാത്യു, മുന്‍ ഡയറക്ടര്‍മാരായ പത്മനാഭന്‍ നായര്‍, എന്‍. കൃഷ്ണകുമാര്‍ എന്നിവര്‍ക്കെതിരെയുള്ള വിജിലന്‍സ് കേസുകള്‍ അവസാനിപ്പിക്കാന്‍ അനുമതി നല്‍കി 2012 ഫെബ്രുവരി 22 നാണ് സര്‍ക്കാര്‍ ഉത്തരവിറക്കിയത്. ഇതിനെതിരെ ആള്‍ കേരള ആന്റി കറപ്ഷന്‍ ആന്റ് ഹ്യൂമന്‍ റൈറ്റ്‌സ് പ്രൊട്ടക്ഷന്‍ കൗണ്‍സില്‍ നല്‍കിയ ഹര്‍ജിയുടെയും ജോയ് കൈതാരത്തിന്റെ ഹര്‍ജിയുടെയും ഒരു സെറ്റ് ഫയല്‍ നേരത്തേ കാണാതായിരുന്നു. തുടര്‍ന്ന് രണ്ട് ഹര്‍ജികളുടെയും രണ്ടാമത്തെ സെറ്റാണ് ഹൈക്കോടതിയിലെ ഭരണ വിഭാഗം കോടതിയിലെത്തിച്ചിരുന്നത്. ഇപ്പോള്‍ ഇതും കാണാതായിട്ടുണ്ട്. കേസുകള്‍ മറ്റൊരു ബെഞ്ചിന്റെ പരിഗണനക്കായി ലിസ്റ്റുചെയ്ത ശേഷമാണ് ഫയലുകള്‍ കാണാതായത്. ശേഷിക്കുന്ന മൂന്നാമത്തെ സെറ്റ് ഹര്‍ജിയാണ് നിലവില്‍ ഹൈക്കോടതിയിലുള്ളത്. സി.ബി.ഐ അന്വേഷണം ആവശ്യപ്പെട്ട് ആള്‍ കേരള ആന്റി കറപ്ഷന്‍ ആന്റ് ഹ്യൂമന്‍ റൈറ്റ്‌സ് പ്രൊട്ടക്ഷന്‍ കൗണ്‍സില്‍ നല്‍കിയ ഹര്‍ജിയുടെ ആദ്യ സെറ്റും കാണാതായിരുന്നു.

 

LIVE NEWS - ONLINE

  • 1
    4 hours ago

    ശശികലയുടെ അറസ്റ്റ് നിയമവിരുദ്ധമെന്ന് ശ്രീധരന്‍ പിള്ള

  • 2
    5 hours ago

    ശശികലുടെ അറസ്റ്റ്: ഹിന്ദുഐക്യ വേദിയുടെ നേതൃത്വത്തില്‍ റാന്നി പോലീസ് സ്റ്റേഷന് മുന്നില്‍ പ്രതിഷേധം

  • 3
    12 hours ago

    ഇന്ന് സംസ്ഥാന വ്യാപക ഹര്‍ത്താല്‍

  • 4
    13 hours ago

    തൃപ്തിക്കുനേരെ മുംബൈയിലും പ്രതിഷേധം

  • 5
    18 hours ago

    നടന്‍ ടി.പി. മാധവനെ ആശുപത്രിയില്‍ പ്രവേശിപ്പിച്ചു

  • 6
    19 hours ago

    തൃപ്തി ദേശായി മടങ്ങുന്നു

  • 7
    20 hours ago

    മണ്ഡലമാസ തീര്‍ത്ഥാടനത്തിനായി ശബരിമല നടതുറന്നു

  • 8
    22 hours ago

    ശബരിമലയില്‍ കലാപത്തിന് ആഹ്വാനം; ഹൈക്കോടതി വിശദീകരണം തേടി

  • 9
    1 day ago

    കാട്ടിലെ മരം തേവരുടെ ആന വലിയെടാ വലി