Wednesday, September 19th, 2018

വള്ളം മുങ്ങി കാണാതായ ചാനല്‍ ലേഖകന്റെ മൃതദേഹം കണ്ടെത്തി

കാണാതായ ഡ്രൈവര്‍ തിരുവല്ല സ്വദേശി ബിബിനെ (26) കണ്ടെത്താനുള്ള തെരിച്ചില്‍ പുരോഗമിക്കുകയാണ്.

Published On:Jul 24, 2018 | 10:37 am

കോട്ടയം: വെള്ളപ്പൊക്കക്കെടുതി റിപ്പോര്‍ട്ട് ചെയ്ത് മടങ്ങുകയായിരുന്ന ചാനല്‍ സംഘം സഞ്ചരിച്ച വള്ളം മുങ്ങി കാണാതായ ഒരാളുടെ മൃതദേഹം കണ്ടെത്തി. മാതൃഭൂമി ന്യൂസ് കടുത്തുരുത്തി സ്ട്രിംഗര്‍ മാന്നാര്‍ പാട്ടശ്ശേരില്‍ സജി മെഗാസി (47)ന്റെ മൃതദേഹമാണ് രാവിലെ നടത്തിയ തെരച്ചിലില്‍ കണ്ടെത്തിയത്. നാട്ടുകാരുടെ സഹായത്തോടെ സ്‌കൂബ ടീമും ഫയര്‍ഫോഴ്‌സും ചേര്‍ന്നാണ് തെരച്ചില്‍ നടത്തിയത്.
കാണാതായ ഡ്രൈവര്‍ തിരുവല്ല സ്വദേശി ബിബിനെ (26) കണ്ടെത്താനുള്ള തെരിച്ചില്‍ പുരോഗമിക്കുകയാണ്. ഇന്നലെ ആറു മണിക്കൂറോളം തെരച്ചില്‍ നടത്തിയെങ്കിലും കണ്ടെത്താന്‍ കഴിഞ്ഞിരുന്നില്ല. ഇതേത്തുടര്‍ന്ന് നിര്‍ത്തിവെച്ച തെരച്ചിലാണ് രാവിലെ പുനരാരംഭിച്ചത്. അപകടത്തില്‍ നിന്ന് രക്ഷപ്പെട്ട കോട്ടയം ബ്യൂറോ റിപ്പോര്‍ട്ടര്‍ തൃശൂര്‍ കൂടപ്പുഴമന ശ്രീധരന്‍, ക്യാമറമാന്‍ കോട്ടയം ചിറക്കടവ് തടിച്ചുമാക്കില്‍ അഭിലാഷ് എന്നിവര്‍ മുട്ടുചിറയിലെ സ്വകാര്യ ആശുപത്രിയില്‍ ചികിത്സയിലാണ്.
വെള്ളപ്പൊക്കക്കെടുതി റിപ്പോര്‍ട്ട് ചെയ്യാന്‍ കല്ലറ പഞ്ചായത്തിലെ മുണ്ടാര്‍ പാറേകോളനിയിലേക്ക് പോയി മടങ്ങവെയാണ് അപകടം. ദുരിതാശ്വാസ ക്യാമ്പിലെ ദൃശ്യങ്ങള്‍ പകര്‍ത്തിയ ശേഷം വാഹനം പാര്‍ക്ക് ചെയ്തിരുന്ന എഴുമാംതുരുത്ത് കൊല്ലംകരി ഭാഗത്തേക്ക് മടങ്ങുമ്പോള്‍ ശക്തമായ കാറ്റില്‍ ആറിന്റെ മധ്യഭാഗത്തായി വള്ളം തലകീഴായി മറിയുകയായിരുന്നു. ഇന്നലെ ഉച്ചക്ക് പന്ത്രണ്ടരയോടെ പാറേകോളനിയുടെ സമീപം കരിയാറിന്റെ മനക്കച്ചിറ ഒമ്പതാം നമ്പറിലാണ് സംഭവം.

LIVE NEWS - ONLINE

  • 1
    39 mins ago

    ചോദ്യം ചെയ്യല്‍ നാളേയും തുടരും

  • 2
    3 hours ago

    കെ. കരുണാകരന്‍ മരിച്ചത് നീതികിട്ടാതെ: നമ്പി നാരായണന്‍

  • 3
    5 hours ago

    ഓണം ബംബര്‍ തൃശൂരില്‍

  • 4
    6 hours ago

    കുമാരനല്ലൂരില്‍ റെയില്‍വേ ട്രാക്കില്‍ വിള്ളല്‍

  • 5
    7 hours ago

    സര്‍ക്കാരിന് തിരിച്ചടിയായി നീതിപീഠത്തിന്റെ ഇടപെടല്‍

  • 6
    9 hours ago

    ഇന്ധനവില ജനങ്ങളെ ബുദ്ധിമുട്ടിക്കുന്നു: കേന്ദ്ര മന്ത്രി നിതിന്‍ ഗഡ്കരി

  • 7
    9 hours ago

    കിണറ്റില്‍ വീണ് ഗൃഹനാഥന്‍ മരിച്ചു

  • 8
    9 hours ago

    ഇന്ധനവില ജനങ്ങളെ ബുദ്ധിമുട്ടിക്കുന്നു: കേന്ദ്ര മന്ത്രി നിതിന്‍ ഗഡ്കരി

  • 9
    10 hours ago

    കാട്ടുപന്നിയുടെ കുത്തേറ്റ് കര്‍ഷകന്‍ മരിച്ചു