Saturday, October 21st, 2017

അംഗീകാരമില്ലാത്ത സ്‌കൂളുകള്‍ അടച്ചുപൂട്ടാന്‍ ഉത്തരവ്

വിദ്യാഭ്യാസ അവകാശനിയമത്തിലെ ചട്ടങ്ങളുടെ അടിസ്ഥാനത്തിലാണ് സ്വകാര്യ സ്‌കൂളുകള്‍ അടച്ചുപൂട്ടുന്നത്.

Published On:Oct 5, 2017 | 9:48 am

കണ്ണൂര്‍: അംഗീകാരമില്ലാത്ത സ്‌കൂളുകള്‍ ഉടന്‍ അടച്ചുപൂട്ടി റിപ്പോര്‍ട്ട് നല്‍കാന്‍ പൊതു വിദ്യാഭ്യാസ ഡയറക്ടറുടെ ഉത്തരവ്. കഴിഞ്ഞ ദിവസം ഇ മെയില്‍ വഴിയെത്തിയ ഉത്തരവ് ഡി.ഡി.ഇ ഓഫിസ് വഴി ഡി.ഇ.ഒ, എ.ഇ.ഒ ഓഫിസുകളിലെത്തി. 15 ദിവസത്തിനകം നടപടി സ്വീകരിച്ച് റിപ്പോര്‍ട്ട് നല്‍കാനാണ് നിര്‍ദേശം. അംഗീകാരമില്ലാത്ത സി.ബി.എസ്.ഇ സ്‌കൂളുകള്‍ക്കും ഇത് ബാധകമാണെന്ന് ഡി.പി.ഐയുടെ ഉത്തരവില്‍ പറയുന്നു.
അംഗീകാരമില്ലാത്ത പ്രൈമറി സ്‌കൂളുകള്‍ കണ്ടെത്തി നടപടിയെടുക്കേണ്ടത് ബന്ധപ്പെട്ട എ.ഇ.ഒമാരാണ്. ഹൈസ്‌കൂളുകള്‍ക്കെതിരെ ഡി.ഇ.ഒ നടപടിയെടുക്കണം. ചില സ്വകാര്യ ഇംഗ്ലീഷ് മീഡിയം സ്‌കൂളുകള്‍ സി.ബി.എസ്.ഇ അംഗീകാരമില്ലാതെ പ്രവര്‍ത്തിക്കുന്നുണ്ട്. ഇവക്ക് അടച്ചുപൂട്ടല്‍ നോട്ടീസ് നല്‍കും. സംസ്ഥാന സര്‍ക്കാറിന്റെ നിരാക്ഷേപപത്രമുള്ള സി.ബി.എസ്.ഇ സ്‌കൂളുകള്‍ക്കെതിരെ നടപടിയെടുക്കില്ല. അംഗീകാരമില്ലാത്ത സ്‌കൂളുകളില്‍ കുട്ടികളെ പഠിപ്പിക്കരുതെന്നും യോഗ്യത ഇല്ലാത്ത അധ്യാപകരെ പ്രവര്‍ത്തിപ്പിക്കാന്‍ അനുവദിക്കരുതെന്നുമുള്ള വിദ്യാഭ്യാസ അവകാശനിയമത്തിലെ ചട്ടങ്ങളുടെ അടിസ്ഥാനത്തിലാണ് സ്വകാര്യ സ്‌കൂളുകള്‍ അടച്ചുപൂട്ടുന്നത്.
ഇതുമായി ബന്ധപ്പെട്ട് സംസ്ഥാന ബാലാവകാശ സംരക്ഷണ കമീഷന്റെ മാര്‍ഗനിര്‍ദേശവും അടച്ചുപൂട്ടലിന് പിന്‍ബലമായി ഡി.പി.ഐയുടെ ഉത്തരവില്‍ പറയുന്നു. ജില്ല കലക്ടറുമായി കൂടിയാലോചിച്ച ശേഷമായിരിക്കും നടപടി. ഇടതുസര്‍ക്കാര്‍അധികാരത്തിലെത്തിയതോടെയാണ് അംഗീകാരമില്ലാത്ത സ്‌കൂളുകള്‍ക്കെതിരെ നടപടിയെടുക്കാന്‍ തീരുമാനിച്ചത്.

 

 

LIVE NEWS - ONLINE

  • 1
    11 mins ago

    വിജയ്‌ക്കെതിരെ വര്‍ഗീയ പരാമര്‍ശവുമായ് ബി.ജെ.പി

  • 2
    28 mins ago

    ബി.എസ്.എന്‍.എലിന്റെ പുതിയ ‘കേരള പ്ലാന്‍’

  • 3
    33 mins ago

    ടീം സോളാറില്‍ സൂപ്പര്‍ സ്റ്റാറുകള്‍ക്കും പങ്കെന്ന് ബിജു രാധാകൃഷ്ണന്‍

  • 4
    34 mins ago

    വികസന സംവാദം മുഖ്യമന്ത്രിയുടെ വെല്ലുവിളി സ്വീകരിക്കുന്നു: കെ.സുരേന്ദ്രന്‍

  • 5
    59 mins ago

    വികസന സംവാദം മുഖ്യമന്ത്രിയുടെ വെല്ലുവിളി സ്വീകരിക്കുന്നു: കെ.സുരേന്ദ്രന്‍

  • 6
    2 hours ago

    താജ്മഹല്‍ മനോഹരമായ ശ്മശാനമാണെന്ന് ഹരിയാന മന്ത്രി

  • 7
    2 hours ago

    സംസ്ഥാന കായികോത്സവം: അനുമോള്‍ തമ്പിക്ക് ഡബിള്‍

  • 8
    2 hours ago

    ടീം സോളാറില്‍ സൂപ്പര്‍ സ്റ്റാറുകള്‍ക്കും പങ്കെന്ന് ബിജു രാധാകൃഷ്ണന്‍

  • 9
    2 hours ago

    മലയാളികള്‍ സ്വന്തക്കാരെ പോലെയെന്ന് ജാനകിയമ്മ