Thursday, September 21st, 2017

യുഎപിഎ; സര്‍ക്കാര്‍ നയം വ്യക്തമാക്കണം: കെ.പി.എ. മജീദ്

  മലപ്പുറം: ജനാധിപത്യാവകാശങ്ങളെ നിഷേധിക്കുന്ന യു.എ.പി.എ നിയമം സംസ്ഥാനത്ത് വ്യാപകമായി ദുരുപയോഗം ചെയ്യപ്പെടുന്ന സാഹചര്യത്തില്‍ സര്‍ക്കാര്‍ നയം വ്യക്തമാക്കണമെന്ന് മുസ്ലിം ലീഗ് സംസ്ഥാന ജനറല്‍ സെക്രട്ടറി കെ.പി.എ. മജീദ്. നിലവിലെ ശിക്ഷാനിയമങ്ങള്‍തന്നെ പര്യാപ്തമാണെന്നിരിക്കെ യു.എ.പി.എ അനാവശ്യമാണെന്ന് ലീഗ് മുമ്പ് വ്യക്തമാക്കിയതാണ്. മുഖ്യമന്ത്രി ഒളിച്ചുകളി അവസാനിപ്പിക്കണമെന്നും അദ്ദേഹം വാര്‍ത്തസമ്മേളനത്തില്‍ പറഞ്ഞു. മതപണ്ഡിതര്‍ക്കെതിരേയും സ്ഥാപനങ്ങള്‍ക്കെതിരേയും വ്യാപക ഗൂഢാലോചന നടക്കുന്നു. എറണാകുളത്തെ പീസ് സ്‌കൂളിന്റെ പേരില്‍ പ്രശ്‌നങ്ങളുണ്ടാക്കി അന്വേഷണം നടത്തി. പ്രഭാഷകന്‍ ഷംസുദ്ദീന്‍ പാലത്തിനും ഹിന്ദു ഐക്യവേദി നേതാവ് കെ.പി. ശശികലക്കുമെതിരെ … Continue reading "യുഎപിഎ; സര്‍ക്കാര്‍ നയം വ്യക്തമാക്കണം: കെ.പി.എ. മജീദ്"

Published On:Dec 21, 2016 | 8:46 am

KPA Majeed Full Image 111

 
മലപ്പുറം: ജനാധിപത്യാവകാശങ്ങളെ നിഷേധിക്കുന്ന യു.എ.പി.എ നിയമം സംസ്ഥാനത്ത് വ്യാപകമായി ദുരുപയോഗം ചെയ്യപ്പെടുന്ന സാഹചര്യത്തില്‍ സര്‍ക്കാര്‍ നയം വ്യക്തമാക്കണമെന്ന് മുസ്ലിം ലീഗ് സംസ്ഥാന ജനറല്‍ സെക്രട്ടറി കെ.പി.എ. മജീദ്. നിലവിലെ ശിക്ഷാനിയമങ്ങള്‍തന്നെ പര്യാപ്തമാണെന്നിരിക്കെ യു.എ.പി.എ അനാവശ്യമാണെന്ന് ലീഗ് മുമ്പ് വ്യക്തമാക്കിയതാണ്. മുഖ്യമന്ത്രി ഒളിച്ചുകളി അവസാനിപ്പിക്കണമെന്നും അദ്ദേഹം വാര്‍ത്തസമ്മേളനത്തില്‍ പറഞ്ഞു. മതപണ്ഡിതര്‍ക്കെതിരേയും സ്ഥാപനങ്ങള്‍ക്കെതിരേയും വ്യാപക ഗൂഢാലോചന നടക്കുന്നു. എറണാകുളത്തെ പീസ് സ്‌കൂളിന്റെ പേരില്‍ പ്രശ്‌നങ്ങളുണ്ടാക്കി അന്വേഷണം നടത്തി. പ്രഭാഷകന്‍ ഷംസുദ്ദീന്‍ പാലത്തിനും ഹിന്ദു ഐക്യവേദി നേതാവ് കെ.പി. ശശികലക്കുമെതിരെ മതസ്പര്‍ധ പ്രസംഗത്തിന് പരാതി വന്നു. ഷംസുദ്ദീനെതിരെ യു.എ.പി.എ ചുമത്തിയപ്പോള്‍ ശശികലക്കെതിരെ ചുമത്തിയത് നിസ്സാരവകുപ്പാണ്. എം.എം. അക്ബര്‍, മുജാഹിദ് ബാലുശ്ശേരി തുടങ്ങിയവര്‍ക്കെതിരെയും യു.എ.പി.എ ചുമത്താന്‍ ശ്രമമുണ്ട്. പരാതി ഉയരുന്നത് മുസ്ലിംകള്‍ക്കെതിരെയെങ്കില്‍ യു.എ.പി.എ എന്നതാണ് സ്ഥിതി.
പല കേസുകളിലും യുവമോര്‍ച്ച നല്‍കുന്ന പരാതികളിലാണ് നടപടി. സംഘ്പരിവാര്‍ ഇച്ഛക്കനുസരിച്ച് പ്രവര്‍ത്തിക്കുന്നവരായി പോലീസ് മാറി. മുസ്ലിം പണ്ഡിതര്‍ക്കും സ്ഥാപനങ്ങള്‍ക്കുമെതിരായ നടപടിയില്‍ പ്രതിഷേധിച്ചും യു.എ.പി.എക്കെതിരെയും കോഴിക്കോട്ട് മാര്‍ച്ച് നടത്തുമെന്നും മജീദ് പറഞ്ഞു.

LIVE NEWS - ONLINE

  • 1
    10 hours ago

    മന്ത്രി തോമസ് ചാണ്ടിക്കെതിരെ അന്വേഷണം നടത്തുന്നതിന് വിജിലന്‍സ് നിയമോപദേശം തേടി

  • 2
    10 hours ago

    കേരളത്തില്‍ റബ്ബര്‍ ഫാക്ടറി എന്ന ആശയം പരിഗണനയില്‍.

  • 3
    14 hours ago

    ക്രൂഡ് ഓയില്‍ സംസ്‌കരണത്തിലെ ഇടിവ് ഇന്ധനവില വര്‍ധിപ്പിച്ചു: ജയ്റ്റ്‌ലി

  • 4
    14 hours ago

    ബന്ധു നിയമനകേസ്; വിജിലന്‍സ് നിലപാട് സ്വാഗതാര്‍ഹമെന്ന് കോടിയേരി

  • 5
    15 hours ago

    വിജിലന്‍സ് മുഖ്യമന്ത്രിയുടെ കളിപ്പാവയെന്ന് ചെന്നിത്തല

  • 6
    15 hours ago

    ധോണിക്ക് പദ്മഭൂഷണ്‍ ശുപാര്‍ശ

  • 7
    16 hours ago

    അംഗീകാരമില്ലാത്ത സ്‌കൂളുകള്‍ അടച്ചുപൂട്ടുന്നു

  • 8
    17 hours ago

    പാഠപുസ്തകങ്ങള്‍ ഉടനെ എത്തിക്കാന്‍ നടപടി വേണം

  • 9
    18 hours ago

    കവര്‍ച്ചാകേസ്; ഒളിവില്‍ കഴിയുകയായിരുന്ന പ്രതി പിടിയില്‍