Monday, April 23rd, 2018

പോലീസിനെതിരെ കോടിയേരിയും യുഎപിഎ ദുരുപയോഗം ചെയ്യരുത്

    തിരു: രാഷ്ട്രീയ പ്രശ്‌നങ്ങള്‍ ഉന്നയിക്കുന്നവര്‍ക്കെതിരെ യു എ പി എ കുറ്റം ചുമത്തരുതെന്ന് സി പി എം സംസ്ഥാന സെക്രട്ടറി കോടിയേരി ബാലകൃഷ്ണന്‍. എഴുത്തുകാരനായ കമല്‍ സി ചവറക്കെതിരെ യു എ പി എ കുറ്റം ചുമത്തിയതിനെതിരെ കോഴിക്കോട് പ്രതികരിക്കവെയാണ് സംസ്ഥാന പോലീസിനെ കോടിയേരി രൂക്ഷമായി വിമര്‍ശിച്ചത്. സര്‍ക്കാര്‍ നയങ്ങള്‍ക്കെതിരെ പ്രവര്‍ത്തിക്കുന്ന ചില പോലീസുകാരുണ്ടെന്നും അവര്‍ക്കെതിരെ നടപടി വേണമെന്നും കോടിയേരി ആവശ്യപ്പെട്ടു. കമല്‍ സി ചവറക്കെതിരെ കേസെടുത്തത് പോലീസിന്റെ തോന്ന്യാസമാണെന്ന് കോടിയേരി ആരോപിച്ചു. അദ്ദേഹത്തിനെതിരെ … Continue reading "പോലീസിനെതിരെ കോടിയേരിയും യുഎപിഎ ദുരുപയോഗം ചെയ്യരുത്"

Published On:Dec 20, 2016 | 11:09 am

Kodiyeri Balakrishnan 0198 Full

 

 
തിരു: രാഷ്ട്രീയ പ്രശ്‌നങ്ങള്‍ ഉന്നയിക്കുന്നവര്‍ക്കെതിരെ യു എ പി എ കുറ്റം ചുമത്തരുതെന്ന് സി പി എം സംസ്ഥാന സെക്രട്ടറി കോടിയേരി ബാലകൃഷ്ണന്‍. എഴുത്തുകാരനായ കമല്‍ സി ചവറക്കെതിരെ യു എ പി എ കുറ്റം ചുമത്തിയതിനെതിരെ കോഴിക്കോട് പ്രതികരിക്കവെയാണ് സംസ്ഥാന പോലീസിനെ കോടിയേരി രൂക്ഷമായി വിമര്‍ശിച്ചത്. സര്‍ക്കാര്‍ നയങ്ങള്‍ക്കെതിരെ പ്രവര്‍ത്തിക്കുന്ന ചില പോലീസുകാരുണ്ടെന്നും അവര്‍ക്കെതിരെ നടപടി വേണമെന്നും കോടിയേരി ആവശ്യപ്പെട്ടു.
കമല്‍ സി ചവറക്കെതിരെ കേസെടുത്തത് പോലീസിന്റെ തോന്ന്യാസമാണെന്ന് കോടിയേരി ആരോപിച്ചു. അദ്ദേഹത്തിനെതിരെ രാജ്യദ്രോഹക്കുറ്റം ചുമത്താന്‍ പാടില്ലായിരുന്നു. എങ്കിലും അദ്ദേഹത്തിന് ജാമ്യം ലഭിച്ചത് എല്‍ ഡി എഫ് നയം കാരണമാണെന്നും കോടിയേരി ചൂണ്ടിക്കാട്ടി. എല്ലാവര്‍ക്കെതിരെയും യു എ പി എ ചുമത്താന്‍ പാടില്ല. ഭീകരപ്രവര്‍ത്തനം തടയുന്നതിനു വേണ്ടി മാത്രമേ അത് ഉപയോഗിക്കാവൂ. യു എ പി എ ചുമത്തിയ കേസുകളെല്ലാം സര്‍ക്കാര്‍ പുനരന്വേഷിക്കുമെന്നും കോടിയേരി പറഞ്ഞു.
മാവോയിസ്റ്റ് വേട്ടയുമായി ബന്ധപ്പെട്ട് സി പി ഐയുടെ രൂക്ഷ വിമര്‍ശനം ഏറ്റുവാങ്ങിയതിനു പിന്നാലെ പോലീസിനെതിരെ പ്രമുഖ സി പി എം നേതാക്കള്‍ രംഗത്തിയത് ശ്രദ്ധേയമാണ്. ബീച്ചിലെത്തിയ സി പി എം ബ്രാഞ്ച് സെക്രട്ടറിയെയും കുടുംബത്തെയും കഴിഞ്ഞ ദിവസം പോലീസ് അക്രമിച്ചതിനെ വി എസ് അച്യുതാനന്ദന്‍ ശക്തമായി അപലപിച്ചിരുന്നു. ഭരണകൂടത്തിന്റെ മര്‍ദ്ദനോപാധിയല്ല പോലീസ് എന്ന് തിരിച്ചറിയണമെന്നും അല്ലെങ്കില്‍ ഭരണകൂടം ഫാസിസ്റ്റ് സ്വഭാവത്തിലേക്ക് നീങ്ങുകയാണെന്ന തോന്നലുണ്ടാക്കുമെന്നുമായിരുന്നു വി എസിന്റെ പ്രതികരണം.

LIVE NEWS - ONLINE

  • 1
    9 hours ago

    നഴ്‌സുമാരുടെ ശമ്പളപരിഷ്‌കരണ വിജ്ഞാപനം പുറപ്പെടുവിച്ചു

  • 2
    10 hours ago

    പല്ലാരിമറ്റത്ത് അയല്‍വാസിയുടെ വെട്ടേറ്റ് ദമ്പതിമാര്‍ മരിച്ചു

  • 3
    14 hours ago

    ഡുക്കാട്ടി പനിഗല്‍ വി 4 വീണ്ടും ഇന്ത്യയിലേക്ക്!

  • 4
    16 hours ago

    കേരളത്തിലെ മാധ്യമങ്ങളില്‍ തീവ്രവാദികള്‍ നുഴഞ്ഞുകയറി: എം.ടി.രമേശ്

  • 5
    16 hours ago

    ഗൗരി ലങ്കേഷ് വധം; മുഖ്യപ്രതി നുണ പരിശോധനക്ക് വിസമ്മതിച്ചു

  • 6
    16 hours ago

    മട്ടന്നൂരില്‍ വീടുകളില്‍ അക്രമം; 6 പേര്‍ക്ക് പരിക്ക്

  • 7
    16 hours ago

    നവജാത ശിശുവിന്റെ ജഡം കുറ്റിക്കാട്ടില്‍; മാതാവ് പിടിയില്‍

  • 8
    17 hours ago

    മാധ്യമങ്ങള്‍ക്ക് മസാല വാര്‍ത്തകള്‍ നല്‍കരുത്: മോദി

  • 9
    17 hours ago

    ദീപക് മിശ്രയുടെ ബെഞ്ചില്‍ ഇനി കേസ് വാദിക്കില്ല: കപില്‍ സിബല്‍