Saturday, January 19th, 2019

ആദ്യ ട്വന്റി 20യില്‍ ഇന്ത്യ

അടുത്ത മത്സരം നവംബര്‍ ആറാം തീയതി ലക്‌നൗവിലാണ്.

Published On:Nov 5, 2018 | 9:17 am

കൊല്‍ക്കത്ത: ഏകദിന പരമ്പര ജയത്തിന് പിന്നാലെ വിന്‍ഡീസിനെതിരെയുള്ള ട്വന്റി 20 പരമ്പരയിലും ഇന്ത്യ ജയത്തോടെ തുടങ്ങി. ആദ്യം ബാറ്റ് ചെയ്ത വിന്‍ഡീസ് 20 ഓവറില്‍ എട്ട് വിക്കറ്റ് നഷ്ടത്തില്‍ 109 റണ്‍സെടുത്തു. മറുപടി ബാറ്റിങ്ങിനിറങ്ങിയ ഇന്ത്യ തുടക്കത്തില്‍ വിക്കറ്റുകള്‍ നഷ്ടപ്പെടുത്തി പതറിയെങ്കിലും 17.5 ഓവറില്‍ 5 വിക്കറ്റ് നഷ്ടത്തില്‍ ലക്ഷ്യത്തിലെത്തി. ദിനേഷ് കാര്‍ത്തിക്കിന്റെ അവസരോചിതമായ ഇന്നിംഗ്‌സാണ് ഇന്ത്യക്ക് തുണയായത്.
നേരത്തെ ടോസ് ജയിച്ച ഇന്ത്യ വിന്‍ഡീസിനെ ബാറ്റിങ്ങിനയക്കുകയായിരുന്നു. തുടര്‍ച്ചയായി വിക്കറ്റുകള്‍ നഷ്ടപ്പെട്ട വിന്‍ഡീസ് ഒരു ഘട്ടത്തില്‍ 63 റണ്‍സിന് 7 വിക്കറ്റ് എന്ന നിലയിലായിരുന്നു. തുടര്‍ന്ന് ഫാബിയന്‍ അല്ലനും27(20) കീമോ പോളും15(13) നടത്തിയ ചെറുത്തു നില്‍പ്പാണ് വിന്‍ഡീസിനെ 100 കടത്തിയത്. മറുപടി ബാറ്റിങ്ങിനിറങ്ങിയ ഇന്ത്യക്ക് ഒട്ടും എളുപ്പമായിരുന്നില്ല കാര്യങ്ങള്‍. 16 റണ്‍സെടുക്കുന്നതിനിടെ ഓപ്പണര്‍മാരായ രോഹിത് ശര്‍മയെയും ശിഖര്‍ ധവാനെയും നഷ്ടപ്പെട്ട ഇന്ത്യ ഒരു ഘട്ടത്തില്‍ 45 റണ്‍സിന് 4 വിക്കറ്റ് നഷ്ടപ്പെട്ട് പരുങ്ങലിലായി. തുടര്‍ന്ന് മനീഷ് പാണ്ഡെയും(24) ദിനേഷ് കാര്‍ത്തിക്കും(31) നടത്തിയ രക്ഷാപ്രവര്‍ത്തനം ഇന്ത്യയെ ലക്ഷ്യത്തോടടുപ്പിച്ചു. സ്‌കോര്‍ 85 നില്‍ക്കെ മനീഷ് പാണ്ഡെ പുറത്തായെങ്കിലും പിന്നീട് അധികം വിക്കറ്റുകള്‍ നഷ്ടപ്പെടാതെ ഇന്ത്യ ജയിച്ചു കയറി. മുന്ന് മത്സരങ്ങളുള്ള പരമ്പരയിലെ അടുത്ത മത്സരം നവംബര്‍ ആറാം തീയതി ലക്‌നൗവിലാണ്.

 

LIVE NEWS - ONLINE

  • 1
    16 mins ago

    മോദി ഇന്ത്യയെ തകര്‍ത്തു: മമത

  • 2
    3 hours ago

    ഹാക്ക് ചെയ്യപ്പെട്ട ഫേസ്ബുക്ക് അക്കൗണ്ട് തിരിച്ചെടുക്കാം

  • 3
    4 hours ago

    ശബരിമലയില്‍ ഒരുപാട് സ്ത്രീകള്‍ പോയെന്ന് മന്ത്രി ജയരാജന്‍

  • 4
    4 hours ago

    കീടനാശിനി ശ്വസിച്ച രണ്ടു തൊഴിലാളികള്‍ മരിച്ചു

  • 5
    4 hours ago

    കര്‍ണാടക പ്രതിസന്ധി; കോണ്‍ഗ്രസ് വീണ്ടും യോഗം വിളിച്ചു

  • 6
    4 hours ago

    കര്‍ണാടക; കോണ്‍ഗ്രസ് വീണ്ടും യോഗം വിളിച്ചു

  • 7
    5 hours ago

    ശബരിമല വിഷയത്തില്‍ സര്‍ക്കാറിന് ജനം മറുപടിനല്‍കും: എം.കെ. രാഘവന്‍

  • 8
    6 hours ago

    സ്‌കൂട്ടറില്‍ മിനിവാന്‍ ഇടിച്ച് സെക്യൂരിറ്റി ജീവനക്കാരന്‍ മരിച്ചു

  • 9
    7 hours ago

    സ്‌പോര്‍ട്‌സ് സ്‌കൂള്‍ പ്രവേശനം; ജില്ലാ തെരഞ്ഞെടുപ്പ്