Friday, October 19th, 2018

പഴയ കാര്യങ്ങള്‍ അപ്രസക്തം: കിം, നല്ല ഫലം ഉളവാക്കും: ട്രംപ്

ചരിത്രം വഴിമാറിയ കൂടിക്കാഴ്ച, സ്വാഗതം ചെയ്ത് ഇന്ത്യ

Published On:Jun 12, 2018 | 10:49 am

സിംഗപ്പൂര്‍: ലോകം ഉറ്റുനോക്കിയ അമേരിക്ക-ഉത്തര കൊറിയ തലവന്മാര്‍ തമ്മിലുള്ള കൂടിക്കാഴ്ച നടന്നു. ഇന്ത്യന്‍ സമയം ആറു മണിയോടെയാണ് ഉത്തര കൊറിയന്‍ ഏകാധിപതി കിം ജോംഗ് ഉന്നും അമേരിക്കന്‍ പ്രസിഡന്റ് ഡൊണാള്‍ഡ് ട്രംപും തമ്മിലുള്ള ചരിത്രപ്രസിദ്ധമായ കൂടിക്കാഴ്ച നടന്നത്. നയതന്ത്ര കൂടിക്കാഴ്ചക്ക് മുമ്പ് സൗഹൃദ കൂടിക്കാഴ്ച നടന്നു.സിംഗപ്പൂരിലെ സെന്റോസാ ദ്വീപിലെ ആഡംബര ഹോട്ടലായ കാപ്പെല്ലയിലാണ് കൂടിക്കാഴ്ച. ഇരു നേതാക്കളും ആദ്യമായി പരസ്പരം കണ്ടു മുട്ടിയപ്പോള്‍ കൈകൊടുത്താണ് അകത്തേക്ക് പ്രവേശിച്ചത്. സൗഹൃദ കൂടിക്കാഴ്ച 45 മിനിറ്റോളം നീണ്ടു നിന്നു. കഴിഞ്ഞത് അടഞ്ഞ അധ്യായമെന്നും പഴയ കാര്യങ്ങളെല്ലാം അപ്രസക്തമായെന്നും കിം വ്യക്തമാക്കി.
കൂടിക്കാഴ്ച നല്ല ഫലം ഉളവാക്കുമെന്നാണ് പ്രതീക്ഷിക്കുന്നതെന്ന് ട്രംപ് പറഞ്ഞു. ഇരു നേതാക്കളുടെയും സൗഹൃദ കൂടിക്കാഴ്ചക്ക് ശേഷമായിരുന്നു നയതന്ത്ര പ്രതിനിധികളുടെ ചര്‍ച്ച്. ആണവ നിരായുധീകരണം ഉള്‍പ്പെടെ ഒട്ടേറെ വിഷയങ്ങള്‍ കൂടിക്കാഴ്ചയില്‍ ചര്‍ച്ചാവിഷയമായി. ഉത്തര കൊറിയയുടെ ആണവപരീക്ഷണങ്ങളെ തുടര്‍ന്ന് ഇരു രാജ്യങ്ങളും തമ്മിലുള്ള ബന്ധം വഷളാവുകയും ലോകം ആണവ യുദ്ധ ഭീഷണിയുടെ നിഴലിലാവുകയും ചെയ്ത സാഹചര്യത്തിന് പിന്നാലെയാണ് ഇരു നേതാക്കളും കൂടിക്കാഴ്ചക്ക് തയാറായത്.
കൂടിക്കാഴ്ചയെ ഇന്ത്യ സ്വാഗതം ചെയ്തു. ലോകത്ത് സമാധാനം പുലരാന്‍ ചര്‍ച്ചയുടെ ഫലം പ്രധാനമാണെന്ന് പ്രധാനമന്ത്രി നരേന്ദ്ര മോദി വ്യക്തമാക്കി.

LIVE NEWS - ONLINE

  • 1
    3 hours ago

    പഞ്ചാബില്‍ ട്രെയിന്‍ ഇടിച്ച് 50 പേര്‍ മരിച്ചു

  • 2
    4 hours ago

    ശബരിമലയിലെ നിരോധനാജ്ഞ തിങ്കളാഴ്ച വരെ നീട്ടി

  • 3
    5 hours ago

    ആര്‍എസ്എസിന്റെ അജണ്ട മനസ്സിലാക്കാതെ സര്‍ക്കാര്‍ പ്രവര്‍ത്തിക്കുന്നുവെന്ന് ചെന്നിത്തല

  • 4
    7 hours ago

    ബി.ജെ.പിയും കോണ്‍ഗ്രസും റിവ്യൂ ഹരജി നല്‍കണം: കോടിയേരി

  • 5
    8 hours ago

    രഹ്ന ഫാത്തിമ മുസ്ലിം നാമധാരി മാത്രമം; കുഞ്ഞാലിക്കുട്ടി

  • 6
    10 hours ago

    ദിലീപ് അമ്മയില്‍ നിന്ന് രാജിവെച്ചു: മോഹന്‍ലാല്‍

  • 7
    10 hours ago

    ആചാരാനുഷ്ഠാനങ്ങള്‍ക്ക് ഭംഗം വരുന്ന നടപടികള്‍ ഉപേക്ഷിക്കണം

  • 8
    11 hours ago

    വിശ്വാസികളുടെ വികാരം വ്രണപ്പെടുത്തി; പോലീസ് പരാജം; ചെന്നിത്തല

  • 9
    11 hours ago

    വിശ്വാസികളുടെ വികാരം വ്രണപ്പെടുത്തി; പോലീസ് പരാജം; ചെന്നിത്തല