Wednesday, April 24th, 2019

ട്രംപും പുടിനും വീണ്ടും കൂടിക്കാഴ്ച നടത്തണമെന്ന് സര്‍വെ

സിബിഎസ് ന്യൂസ് പോള്‍ നടത്തിയ മറ്റൊരു സര്‍വേയിലും ഇതിന് സമാനമായ അഭിപ്രായമാണ് ഉരുത്തിരിഞ്ഞത്.

Published On:Jul 24, 2018 | 9:33 am

വാഷിംഗ്ടണ്‍: അമേരിക്കന്‍ പ്രസിഡന്റ് ഡൊണള്‍ഡ് ട്രംപും റഷ്യന്‍ പ്രസിഡന്റ് വ്‌ളാഡിമിര്‍ പുടിനും തമ്മില്‍ വീണ്ടും കൂടിക്കാഴ്ച നടത്തണമെന്ന് അമേരിക്കയില്‍ നടത്തിയ അഭിപ്രായ സര്‍വേ. അമേരിക്കന്‍ ബാരോമീറ്റര്‍ സര്‍വേയിലാണ് ഇരുവരും തമ്മിലുള്ള ഹെല്‍സിങ്കി കൂടിക്കാഴ്ച പരാജയമായിരുന്നു എന്ന അഭിപ്രായത്തെ ശരിവെക്കും വിധമുള്ള ഫലമുണ്ടായത്.
ജൂലൈ 21-22 തീയതികളിലായി നടത്തിയ ഓണ്‍ലൈന്‍ അഭിപ്രായ വോട്ടെടുപ്പില്‍ 54 ശതമാനം പേരാണ് ഇത്തരത്തില്‍ വീണ്ടും കൂടിക്കാഴ്ച നടത്തണമെന്ന് അഭിപ്രായപ്പെട്ടത്. 46 ശതമാനം പേര്‍ ഇതിനെ എതിര്‍ത്ത് രംഗത്തെത്തുകയും ചെയ്തു. 10,000 പേരെ ഉള്‍പ്പെടുത്തിയാണ് സര്‍വേ നടത്തിയത്. അതേസമയം ഇരുരാജ്യങ്ങളും തമ്മില്‍ സഹകരിച്ചു പ്രവര്‍ത്തിക്കേണ്ടത് അത്യാവശ്യമാണെന്ന് 61 ശതമാനം പേര്‍ അഭിപ്രായപ്പെടുകയുണ്ടായി.
സിബിഎസ് ന്യൂസ് പോള്‍ നടത്തിയ മറ്റൊരു സര്‍വേയിലും ഇതിന് സമാനമായ അഭിപ്രായമാണ് ഉരുത്തിരിഞ്ഞത്. പുടിനുമായുള്ള കൂടിക്കാഴ്ചയെ ട്രംപ് സമീപിച്ച രീതി ശരിയായില്ലെന്നും ട്രംപിനുമേല്‍ ആധിപത്യം സ്ഥാപിച്ചെടുക്കാന്‍ പുടിനായെന്നുമാണ് ഈ സര്‍വേയില്‍ പങ്കെടുത്തവരില്‍ 55 ശതമാനം പേരും അഭിപ്രായപ്പെട്ടത്. 32 ശതമാനം പേര്‍ മാത്രമാണ് ട്രംപിനെ എതിര്‍ക്കാതിരുന്നത്. നിരവധി പേര്‍ സിബിഎസ് സര്‍വേയില്‍ അഭിപ്രായം രേഖപ്പെടുത്തുന്നതിന് വിമുഖത പ്രകടിപ്പിക്കുകയും ചെയ്തു.

LIVE NEWS - ONLINE

  • 1
    8 mins ago

    ശ്രീനഗറില്‍ പാക് തീവ്രവാദി പിടിയില്‍

  • 2
    3 hours ago

    കെവിന്‍ വധം; സാക്ഷി എഴു പ്രതികളെ തിരിച്ചറിഞ്ഞു

  • 3
    3 hours ago

    അരിമ്പ്രയില്‍ നടന്നത് ചീമേനി മോഡല്‍ ആക്രമണം: എം വി ജയരാജന്‍

  • 4
    5 hours ago

    ഷുഹൈബ് വധം; നാലു പ്രതികള്‍ക്ക് ജാമ്യം

  • 5
    5 hours ago

    ജയിച്ചാലും തോറ്റാലും കള്ളവോട്ടിനെതിരെ പോരാടും: കെ സുധാകരന്‍

  • 6
    6 hours ago

    ഇനി കണക്കുകൂട്ടലിന്റെ ദിനങ്ങള്‍

  • 7
    8 hours ago

    ഉയര്‍ന്ന പോളിംഗ് കോണ്‍ഗ്രസിന് ഗുണം ചെയ്യും: തരൂര്‍

  • 8
    9 hours ago

    സംസ്ഥാനത്ത് പോളിംഗ് 77.67 ശതമാനം

  • 9
    9 hours ago

    ഏറ്റവും കൂടുതല്‍ പോളിംഗ് കണ്ണൂരില്‍