Saturday, July 20th, 2019

എമര്‍ജന്‍സി ജനല്‍വഴി വീണുമരണം; നാലു ലക്ഷം രൂപ നഷ്ടപരിഹാരം

കൊച്ചി: എമര്‍ജന്‍സി ജനല്‍വഴി വീണുമരിച്ച പെണ്‍കുട്ടിയുടെ മാതാപിതാക്കള്‍ക്ക് നാലു ലക്ഷം രൂപ നഷ്ടപരിഹാരം. പാലക്കാടിനു സമീപം കേരള എക്‌സ്പ്രസ് ട്രെയിനിലെ എമര്‍ജന്‍സി ജനല്‍ വഴി പുറത്തേക്കു വീണുമരിച്ച ജിയ അന്ന ജോര്‍ജിന്റെ മാതാപിതാക്കള്‍ക്കാണ് നാലു ലക്ഷം രൂപ നഷ്ടപരിഹാരം നല്‍കാന്‍ റയില്‍വേ ക്ലെയിംസ് ട്രൈബ്യൂണല്‍ എറണാകുളം ബെഞ്ച് വിധിച്ചത്. ഡല്‍ഹിയില്‍ നിന്നു തിരുവനന്തപുരത്തേക്കു പോവുകയായിരുന്ന കേരളാ എക്‌സ്പ്രസ് ട്രെയിനില്‍ കഴിഞ്ഞ ഡിസംബര്‍ 26നു രാവിലെ 9.15നാണ് അപകടമുണ്ടായത്. പറളിക്കും മങ്കരക്കുമിടയില്‍ തേനൂരെത്തിയപ്പോഴാണു സഹോദരന്‍ ജിസ് മാത്യുവിനൊപ്പം കളിച്ചുകൊണ്ടിരുന്ന … Continue reading "എമര്‍ജന്‍സി ജനല്‍വഴി വീണുമരണം; നാലു ലക്ഷം രൂപ നഷ്ടപരിഹാരം"

Published On:Aug 30, 2013 | 2:17 pm

കൊച്ചി: എമര്‍ജന്‍സി ജനല്‍വഴി വീണുമരിച്ച പെണ്‍കുട്ടിയുടെ മാതാപിതാക്കള്‍ക്ക് നാലു ലക്ഷം രൂപ നഷ്ടപരിഹാരം.
പാലക്കാടിനു സമീപം കേരള എക്‌സ്പ്രസ് ട്രെയിനിലെ എമര്‍ജന്‍സി ജനല്‍ വഴി പുറത്തേക്കു വീണുമരിച്ച ജിയ അന്ന ജോര്‍ജിന്റെ മാതാപിതാക്കള്‍ക്കാണ് നാലു ലക്ഷം രൂപ നഷ്ടപരിഹാരം നല്‍കാന്‍ റയില്‍വേ ക്ലെയിംസ് ട്രൈബ്യൂണല്‍ എറണാകുളം ബെഞ്ച് വിധിച്ചത്. ഡല്‍ഹിയില്‍ നിന്നു തിരുവനന്തപുരത്തേക്കു പോവുകയായിരുന്ന കേരളാ എക്‌സ്പ്രസ് ട്രെയിനില്‍ കഴിഞ്ഞ ഡിസംബര്‍ 26നു രാവിലെ 9.15നാണ് അപകടമുണ്ടായത്. പറളിക്കും മങ്കരക്കുമിടയില്‍ തേനൂരെത്തിയപ്പോഴാണു സഹോദരന്‍ ജിസ് മാത്യുവിനൊപ്പം കളിച്ചുകൊണ്ടിരുന്ന ജിയ എമര്‍ജന്‍സി ജനലിലൂടെ പുറത്തേക്കു തെറിച്ചു വീണത്. ജിയയുടെ മാതാപിതാക്കളായ കോട്ടയം കാണക്കാരി വെമ്പള്ളി കളത്തൂര്‍ വേലംപ്ലാക്കില്‍ ജോര്‍ജ് ജോസഫ്, ഷൈനി എന്നിവര്‍ സമര്‍പ്പിച്ച ഹര്‍ജിയിലാണു ജുഡീഷ്യല്‍ അംഗം തോമസ് പള്ളിക്കാപ്പറമ്പിലിന്റെ വിധി.
ഏഴു വയസ്സുകാരിയായ ജിയയോടൊപ്പമുണ്ടായിരുന്ന പിതാവിന്റെ അശ്രദ്ധയാണ് അപകടത്തിനു കാരണമായതെന്ന റയില്‍വേയുടെ വാദം ട്രൈബ്യൂണല്‍ തള്ളി. അത്യാവശ്യഘട്ടത്തില്‍ യാത്രക്കാരെ രക്ഷപ്പെടുത്താന്‍ മാത്രം തുറക്കേണ്ട എമര്‍ജന്‍സി ജനല്‍ വഴി ഒരു കുട്ടി പുറത്തേക്കു തെറിച്ചു വീണ സാഹചര്യം ഗൗരവത്തോടെ വിലയിരുത്തണമെന്നു വിധിന്യായം ചൂണ്ടിക്കാട്ടി. യാത്രക്കാരുടെ സുരക്ഷ ഉറപ്പാക്കുന്നതില്‍ റയില്‍വേക്കു സംഭവിച്ച വീഴ്ചയാണ് അപകടത്തിനു കാരണമെന്നും വിധിന്യായത്തില്‍ പറയുന്നു. നഷ്ടപരിഹാര തുകയായ നാലു ലക്ഷം രൂപ മാതാപിതാക്കളുടെ പേരിലുള്ള സംയുക്ത ബാങ്ക് അക്കൗണ്ടിലേക്കു നല്‍കണം.

 

LIVE NEWS - ONLINE

  • 1
    12 hours ago

    കനത്ത മഴ; വിവിധ ജില്ലകളില്‍ റെഡ്, ഓറഞ്ച് അലേര്‍ട്ടുകള്‍ പ്രഖ്യാപിച്ചു

  • 2
    14 hours ago

    മത്സ്യബന്ധനത്തിന് പോയ ഏഴ് മത്സ്യത്തൊഴിലാളികളെ കാണാതായി

  • 3
    16 hours ago

    കര്‍ണാടക; ആറുമണിക്കുള്ളില്‍ വിശ്വാസ വോട്ട് തേടണം: ഗവര്‍ണര്‍

  • 4
    17 hours ago

    സംസ്ഥാനത്ത് പരക്കെ മഴ: പമ്പ അണക്കെട്ടിന്റെ ഷട്ടര്‍ ഉയര്‍ത്തി

  • 5
    20 hours ago

    യൂണിവേഴ്‌സിറ്റി കോളേജ് വിഷയത്തില്‍ ഗവര്‍ണര്‍ ഇടപെടണം: ചെന്നിത്തല

  • 6
    21 hours ago

    ഗ്യാസ് സിലിണ്ടര്‍ പൊട്ടിത്തെറിച്ചെന്ന് വ്യാജ സന്ദേശം; ഫയര്‍ഫോഴ്‌സിനെ വട്ടംകറക്കിയ യുവാവിനെ പോലീസ് തെരയുന്നു

  • 7
    21 hours ago

    പനി ബാധിച്ച് യുവാവ് മരിച്ചു; ഡോക്ടര്‍ക്കെതിരെ കേസ്

  • 8
    21 hours ago

    ലീഗ് നേതാവ് എയര്‍പോര്‍ട്ടില്‍ കുഴഞ്ഞ് വീണ് മരിച്ചു.

  • 9
    21 hours ago

    ജില്ലാ ആശുപത്രി ബസ് സ്റ്റാന്റില്‍ തെരുവ് പട്ടികളുടെ വിളയാട്ടം