Saturday, July 20th, 2019

അപകടക്കേസുകളില്‍ നിന്ന് ട്രാഫിക്കുകാര്‍ പിന്മാറി

ഇനി ജോലി ഗതാഗതക്കുരുക്കഴിക്കല്‍

Published On:Jul 21, 2018 | 11:50 am

പി രാജന്‍
കണ്ണൂര്‍: ട്രാഫിക് പോലീസിന് ഇന്ന് മുതല്‍ ട്രാഫിക് നിയന്ത്രണം മാത്രം. നഗരത്തിലെ ഗതാഗതക്കുരുക്കഴിക്കാന്‍ ഉന്നത തലങ്ങളില്‍ നടത്തിയ ചര്‍ച്ചയുടെ ഭാഗമായാണ് ഈ പരിഷ്‌കാരം തുടങ്ങിയത്. ഇന്ന് മുതല്‍ ട്രാഫിക് പോലീസ് സ്റ്റേഷനുകളില്‍ അപകടക്കേസുകള്‍ രജിസ്റ്റര്‍ ചെയ്യില്ല. പകരം കേസുകളെല്ലാം തന്നെ ഇനി ടൗണ്‍ പോലീസാണ് കൈകാര്യം ചെയ്യുക. വാഹനാപകടങ്ങളും അതുമായി ബന്ധപ്പെട്ട കേസുകളും നിരന്തരം വര്‍ദ്ധിക്കുകയും എന്നാല്‍ ഇതെല്ലാം ഒന്നിച്ച് കൊണ്ടുപോകാന്‍ സേനാബലം കുറവായതുമാണ് ബന്ധപ്പെട്ടവരെ ഇത്തരമൊരു നീക്കത്തിന് പ്രേരിപ്പിച്ചത്. അപകടക്കേസുകള്‍ രജിസ്റ്റര്‍ ചെയ്ത് കഴിഞ്ഞാല്‍ അതുമായി ബന്ധപ്പെട്ടുള്ള അന്വേഷണങ്ങളും പേപ്പര്‍വര്‍ക്കുകളും ചെയ്തുതീര്‍ക്കാന്‍ ഉദ്യോഗസ്ഥര്‍ സമയം ചെലവഴിക്കുമ്പോള്‍ ട്രാഫിക് നിയന്ത്രണത്തിന് സേനാംഗങ്ങള്‍ കുറയുകയും ചെയ്യുന്നുവെന്ന വിലയിരുത്തലിനെ തുടര്‍ന്നാണ് ഇന്ന് മുതല്‍ കേസുകള്‍ എല്ലാം തന്നെ ടൗണ്‍ പോലീസിനെ ഏല്‍പ്പിക്കുന്നത്.
ഈ നടപടിയിലൂടെ നിലവിലുള്ള ട്രാഫിക് ഉദ്യോഗസ്ഥര്‍ക്ക് റോഡിലെ കാര്യങ്ങള്‍ ശ്രദ്ധിക്കാന്‍ പറ്റുമെന്നാണ് പ്രതീക്ഷയെന്ന് അധികൃതര്‍ വ്യക്തമാക്കി. നിലവില്‍ ട്രാഫിക് പോലീസില്‍ സേനാംഗങ്ങള്‍ കുറവായിരുന്നു. ഇത് പലപ്പോഴും അപകട സ്ഥലത്ത് ഓടിയെത്തുന്നത് വൈകാന്‍ കാരണമാവുകയും ജനകീയ പ്രതിഷേധങ്ങള്‍ക്ക് കാരണമാവുകയും ചെയ്തിരുന്നു. ഇതിന്റെയൊക്കെ പശ്ചാത്തലത്തിലാണ് സര്‍ക്കാര്‍ ഇത്തരമൊരു തീരുമാനം കൈക്കോണ്ടത്.

 

LIVE NEWS - ONLINE

  • 1
    12 hours ago

    കനത്ത മഴ; വിവിധ ജില്ലകളില്‍ റെഡ്, ഓറഞ്ച് അലേര്‍ട്ടുകള്‍ പ്രഖ്യാപിച്ചു

  • 2
    13 hours ago

    മത്സ്യബന്ധനത്തിന് പോയ ഏഴ് മത്സ്യത്തൊഴിലാളികളെ കാണാതായി

  • 3
    15 hours ago

    കര്‍ണാടക; ആറുമണിക്കുള്ളില്‍ വിശ്വാസ വോട്ട് തേടണം: ഗവര്‍ണര്‍

  • 4
    16 hours ago

    സംസ്ഥാനത്ത് പരക്കെ മഴ: പമ്പ അണക്കെട്ടിന്റെ ഷട്ടര്‍ ഉയര്‍ത്തി

  • 5
    20 hours ago

    യൂണിവേഴ്‌സിറ്റി കോളേജ് വിഷയത്തില്‍ ഗവര്‍ണര്‍ ഇടപെടണം: ചെന്നിത്തല

  • 6
    20 hours ago

    ഗ്യാസ് സിലിണ്ടര്‍ പൊട്ടിത്തെറിച്ചെന്ന് വ്യാജ സന്ദേശം; ഫയര്‍ഫോഴ്‌സിനെ വട്ടംകറക്കിയ യുവാവിനെ പോലീസ് തെരയുന്നു

  • 7
    20 hours ago

    പനി ബാധിച്ച് യുവാവ് മരിച്ചു; ഡോക്ടര്‍ക്കെതിരെ കേസ്

  • 8
    20 hours ago

    ലീഗ് നേതാവ് എയര്‍പോര്‍ട്ടില്‍ കുഴഞ്ഞ് വീണ് മരിച്ചു.

  • 9
    21 hours ago

    ജില്ലാ ആശുപത്രി ബസ് സ്റ്റാന്റില്‍ തെരുവ് പട്ടികളുടെ വിളയാട്ടം