തൃശൂര്‍: ടോള്‍പ്ലാസ അധികൃതര്‍ക്കെതിരെ ചില്ലറ കൊണ്ട് പ്രതിഷേധം. കഴിഞ്ഞ ദിവസമാണ് വ്യത്യസ്ഥ സമരത്തിനുപാലിയേക്കര സാക്ഷ്യംവഹിച്ചത്. തിരക്കേറിയ സമയമായ വൈകിട്ട് ആറിന് നാലു കാറുകളിലായി ടോള്‍ പ്ലാസയിലെത്തിയ യുവാക്കള്‍ നാല് നിരകളിലെയും കൗണ്ടറുകളില്‍ അമ്പതു പൈസകളും ഒറ്റരൂപ തുട്ടുകളുമായാണ് ടോളിന്റെ മുഴുവന്‍ തുകയും നല്‍കിയത്. ഗത്യന്തരമില്ലാതെ ടോള്‍ പിരിവുകാര്‍ ചില്ലറ എണ്ണാന്‍ തുടങ്ങി. ഈ സമയത്തിനുളളില്‍ നൂറുകണക്കിന് വാഹനങ്ങള്‍ ഈ നാല് കാറുകള്‍ക്കും പിന്നില്‍ വന്നുനിറഞ്ഞു. വാഹനങ്ങളുടെ തിരക്ക് വര്‍ധിക്കുന്നത് കണ്ട പിരിവുകാര്‍ കൗണ്ടറുകളില്‍ അപായമണി മുഴക്കി. വാഹങ്ങളുടെ … Continue reading "ടോള്‍ പ്ലാസ അധികൃതര്‍ക്കെതിരെ ചില്ലറ കൊണ്ട് പ്രതിഷേധം"
Thursday, July 18th, 2019
ടോള്‍ പ്ലാസ അധികൃതര്‍ക്കെതിരെ ചില്ലറ കൊണ്ട് പ്രതിഷേധം
Published On:Sep 2, 2013 | 4:43 pm
തൃശൂര്‍: ടോള്‍പ്ലാസ അധികൃതര്‍ക്കെതിരെ ചില്ലറ കൊണ്ട് പ്രതിഷേധം. കഴിഞ്ഞ ദിവസമാണ് വ്യത്യസ്ഥ സമരത്തിനുപാലിയേക്കര സാക്ഷ്യംവഹിച്ചത്. തിരക്കേറിയ സമയമായ വൈകിട്ട് ആറിന് നാലു കാറുകളിലായി ടോള്‍ പ്ലാസയിലെത്തിയ യുവാക്കള്‍ നാല് നിരകളിലെയും കൗണ്ടറുകളില്‍ അമ്പതു പൈസകളും ഒറ്റരൂപ തുട്ടുകളുമായാണ് ടോളിന്റെ മുഴുവന്‍ തുകയും നല്‍കിയത്. ഗത്യന്തരമില്ലാതെ ടോള്‍ പിരിവുകാര്‍ ചില്ലറ എണ്ണാന്‍ തുടങ്ങി. ഈ സമയത്തിനുളളില്‍ നൂറുകണക്കിന് വാഹനങ്ങള്‍ ഈ നാല് കാറുകള്‍ക്കും പിന്നില്‍ വന്നുനിറഞ്ഞു. വാഹനങ്ങളുടെ തിരക്ക് വര്‍ധിക്കുന്നത് കണ്ട പിരിവുകാര്‍ കൗണ്ടറുകളില്‍ അപായമണി മുഴക്കി. വാഹങ്ങളുടെ ഹോണും, അപായമണിയും കൂടി ബഹളമയമായപ്പാള്‍ പോലീസുകാരും ഓടിയെത്തി. തങ്ങള്‍ നിയമവിരുദ്ധമായൊന്നും ചെയ്തില്ല എന്നായിരുന്നു യുവാക്കളുടെ വാദം. കൊടുത്തത് ഇന്ത്യന്‍ രൂപയാണ്, ചില്ലറ പൈസ പാവപ്പെട്ടവന്റെ പൈസ. അഞ്ഞൂറിന്റെയും ആയിരത്തിന്റെയും നോട്ട് എടുക്കാന്‍ ഞങ്ങള്‍ക്കില്ല എന്നായി അവരുടെ വാദം. പോലീസകാര്‍ക്ക് കാഴ്ചക്കാരായി നില്‍ക്കാനെ കഴിഞ്ഞുളളൂ. നിരവധി സമരസമിതി പ്രവര്‍ത്തകരും സ്ഥലത്തെത്തി. ഇതോടെ പ്രശ്‌നം രൂക്ഷമായി.
പിരിവുകാര്‍ 50 രൂപ വരെയെണ്ണി ഒരേദിശയിലേക്കുള്ള ടിക്കറ്റ് അടിച്ച് കൊടുക്കാന്‍ നോക്കി. എന്നാല്‍ തങ്ങള്‍ക്ക് ഇരുവശത്തേക്കും ടിക്കറ്റ് വേണമെന്നായി യുവാക്കള്‍. അവസാനം എണ്‍പത് വരെ എണ്ണിച്ച് ഇരുവശത്തേക്കും ടിക്കറ്റ് വാങ്ങി യുവാക്കള്‍ പോയി. ഇതിനിടെ മറ്റു കൗണ്ടറുകളിലൂടെ നിരവധി വാഹനങ്ങള്‍ ടോള്‍ വാങ്ങാതെ കടത്തി വിടേണ്ടി വന്നു. അര മണിക്കൂറിലധികം ടോള്‍ പ്ലാസ ഉപരോധിക്കാന്‍ എട്ടുപേര്‍ക്കു കഴിഞ്ഞു. ടോള്‍ നിരക്ക് ഇനിയും കൂട്ടുമെന്ന റിപ്പോര്‍ട്ട് കണ്ടപ്പോഴാണ് ഒരു സംഘടനയുടേയും പിന്തുണക്ക് കാത്തുനില്‍ക്കാതെ യുവാക്കള്‍ ഇത്തരത്തിലൊരു പ്രതിഷേധം സംഘടിപ്പിച്ചത്.
