Tuesday, April 23rd, 2019

ടൈറ്റാനിയം അഴിമതി കേസ്; വിജിലന്‍സ് ഇന്റര്‍പോളിന്റെ സഹായം തേടി

യു.ഡി.എഫ് സര്‍ക്കാരിന്റെ കാലത്ത് പദ്ധതിക്കു വേണ്ടി 256 കോടിയുടെ ഉപകരണങ്ങള്‍ വാങ്ങാന്‍ അനുമതി നല്‍കിയതില്‍ 66 കോടിയുടെ അഴിമതി നടന്നുവെന്നാണു കേസ്

Published On:Sep 19, 2017 | 12:34 pm

തിരു: ടൈറ്റാനിയം അഴിമതി കേസിന്റെ അന്വേഷണവുമായി ബന്ധപ്പെട്ട് വിജിലന്‍സ് രാജ്യാന്തര അന്വേഷണ ഏജന്‍സിയായ ഇന്റര്‍പോളിന്റെ സഹായം തേടി. ഇതു സംബന്ധിച്ച കത്ത് വിജിലന്‍സ് ഇന്റലിജന്‍സ് ജോയിന്റ് ഡയറക്ടര്‍ക്ക് കത്ത് നല്‍കി. അവര്‍ വഴിയായിരിക്കും കത്ത് ഇന്റര്‍പോളിന് കൈമാറുക.
യു.ഡി.എഫ് സര്‍ക്കാരിന്റെ കാലത്ത് പദ്ധതിക്കു വേണ്ടി 256 കോടിയുടെ ഉപകരണങ്ങള്‍ വാങ്ങാന്‍ അനുമതി നല്‍കിയതില്‍ 66 കോടിയുടെ അഴിമതി നടന്നുവെന്നാണു കേസ്. പ്ലാന്റിനാവശ്യമായ യന്ത്രങ്ങള്‍ വിദേശത്തു നിന്നാണ് ഇറക്കുമതി ചെയ്തത്. ബ്രിട്ടണ്‍ ആസ്ഥാനമായ വി.എ ടെക് വി ബാഗ് എന്ന കമ്പനിയില്‍ നിന്നാണ് കരാറെടുത്ത കേന്ദ്ര പൊതുമേഖലാ സ്ഥാപനമായ മെക്കോണ്‍ യന്ത്രങ്ങള്‍ ഇറക്കുമതി ചെയ്തത്.
വിദേശത്തായതിനാല്‍ ഈ കമ്പനിയെ കുറിച്ച് അന്വേഷിക്കുന്നതിന് പരിമിതികളുണ്ടെന്നും അതിനാല്‍ സഹായം വേണമെന്നുമാണ് ഇന്റര്‍പോളിനോട് കത്തില്‍ ആവശ്യപ്പെട്ടിരിക്കുന്നത്. മെക്കോണിന് ഉപകരണങ്ങള്‍ കൈമാറിയത് എത്ര കോടി രൂപ്ക്കാണെന്നും ഇടനിലക്കാര്‍ ആരെങ്കിലും പ്രവത്തിച്ചുട്ടുണ്ടോയെന്ന കാര്യങ്ങളിലും വ്യക്തത വരുത്തണമെന്ന് വിജിലന്‍സ് ആവശ്യപ്പെട്ടിട്ടുണ്ട്.
2007ജനുവരി എട്ടിന് വിജിലന്‍സ് അന്വേഷണത്തിന് ഹൈക്കോടതി ഉത്തരവിട്ടത്. കേസില്‍ മുന്‍ എം.ഡിമാരടക്കം ആറുപേരാണ് പ്രതികള്‍.

 

LIVE NEWS - ONLINE

  • 1
    2 hours ago

    കോവളത്തും ചേര്‍ത്തലയിലും കൈപ്പത്തിക്ക് കുത്തിയ വോട്ട് താമരക്ക്

  • 2
    13 hours ago

    തിരഞ്ഞെടുപ്പ്; സംസ്ഥാനത്തെ പോളിംഗ് ബൂത്തുകളില്‍ സുരക്ഷ ശക്തിപ്പെടുത്തിയതായി ലോകനാഥ് ബെഹ്‌റ

  • 3
    15 hours ago

    കാവല്‍ക്കാരന്‍ കള്ളനാണെന്ന് ജനകീയ കോടതി തീരുമാനിക്കും: രാഹുല്‍ ഗാന്ധി

  • 4
    18 hours ago

    എന്റെ വിധി ജനങ്ങള്‍ക്ക് വിട്ട്‌കൊടുക്കുന്നു: എംകെ രാഘവന്‍

  • 5
    19 hours ago

    നിര്‍ഭയമായി വോട്ട് രേഖപ്പെടുത്താനുള്ള അവകാശം വിനിയോഗിക്കണം

  • 6
    20 hours ago

    അമേത്തിയില്‍ രാഹുല്‍ ഗാന്ധിയുടെ പത്രിക സ്വീകരിച്ചു

  • 7
    22 hours ago

    ശ്രീലങ്കയില്‍ കൊല്ലപ്പെട്ട കാസര്‍കോട് സ്വദേശിനിയുടെ ഖബറടക്കം കൊളംബോയില്‍

  • 8
    23 hours ago

    യാത്രക്കാര്‍ക്ക് മര്‍ദനമേറ്റ സംഭവം; കല്ലട ബസ് പിടിച്ചെടുക്കാന്‍ നിര്‍ദേശം

  • 9
    23 hours ago

    കണ്ണീരില്‍ കുതിര്‍ന്ന മരതക ദ്വീപ്