Tuesday, June 25th, 2019

നാലുവയസുകാരനെ പുലി പിടിച്ച സംഭവം:; നാട്ടുകാര്‍ റോഡ് ഉപരോധിച്ചു

വാല്‍പാറ നടുമല എസ്റ്റേറ്റിലെ ഷറഫലിയുടെയും സഫിയയുടെയും മകനായ സൈദുല്ലയെ ആണ് പുലി പിടിച്ചത്.

Published On:Feb 9, 2018 | 12:14 pm

പാലക്കാട്: വാല്‍പാറയില്‍ നാലു വയസുകാരനെ പുലി കടിച്ചു കൊന്ന സംഭവത്തില്‍ പ്രതിഷേധിച്ച് നാട്ടുകാര്‍ റോഡ് ഉപരോധിച്ചു. പുലിയെ പിടികൂടണമെന്ന് ആവശ്യപ്പെട്ടാണ് നാട്ടുകാരുടെ റോഡുപരോധം.
ഇന്നലെ രാത്രി കുട്ടിയുടെ മൃതദേഹം കണ്ടെത്തിയപ്പോള്‍ തന്നെ നാട്ടുകാര്‍ പുലിയെ പിടിക്കാത്തതില്‍ പ്രതിഷേധം ഉയര്‍ത്തിയിരുന്നു. ഇതിന്റെ ഭാഗമായി മൃതദേഹം സംഭവ സ്ഥലത്ത് നിന്ന് നീക്കാന്‍ നാട്ടുകാര്‍ സമ്മതിച്ചില്ല. പുലിയെ പിടിക്കാന്‍ നടപടി സ്വീകരിക്കാമെന്ന് ജില്ലാ കലക്ടര്‍ ഉറപ്പു നല്‍കിയതിന് ശേഷമാണ് മൃതദേഹം ആശുപത്രിയിലേക്ക് മാറ്റിയത്.
വാല്‍പാറ നടുമല എസ്‌റ്റേറ്റിലെ ഷറഫലിയുടെയും സഫിയയുടെയും മകനായ സൈദുല്ലയെ (നാല്) ആണ് ഇന്നലെ വൈകീട്ട് ആറോടെ പുലി കടിച്ചെടുത്ത് കൊണ്ടു പോയത്. വീടിന്റെ അടുക്കള വാതിലില്‍ നില്‍ക്കുന്ന കുട്ടിയെയായിരുന്നു പുലി പിടിച്ചത്. കുട്ടിയെ കുളിപ്പിച്ച ശേഷം മാതാവ് അടുക്കളയിലേക്ക് പോയ സമയത്തായിരുന്നു പുലിയുടെ ആക്രമണം.
അമ്മയുടെ നിലവിളി കേട്ട് നാട്ടുകാര്‍ ആയുധമായെത്തി തിരച്ചില്‍ നടത്തിയെങ്കിലും കണ്ടെത്താനായില്ല. രാത്രി 8.30 ഓടെയാണ് തല വേര്‍പെട്ട നിലയില്‍ 350 മീറ്റര്‍ മാറി കുട്ടിയുടെ ശരീരം കാട്ടില്‍ നിന്ന് കണ്ടുകിട്ടിയത്. ഝാര്‍ഖണ്ടില്‍ നിന്ന് ഒരു വര്‍ഷം മുമ്പാണ് തേയിലത്തോട്ടത്തില്‍ ജോലിക്കായി ഷറഫലിയും കുടുംബവും വാല്‍പാറയിലെത്തിയത്.

 

LIVE NEWS - ONLINE

  • 1
    1 hour ago

    റിമാന്റ് പ്രതിയുടെ മരണം; എട്ട് പോലീസുകാരെ സ്ഥലം മാറ്റി

  • 2
    3 hours ago

    മലപ്പുറം ജില്ല വിഭജനം അശാസ്ത്രീയം

  • 3
    4 hours ago

    മൊറട്ടോറിയം; റിസര്‍വ് ബാങ്കിനെ നേരില്‍ സമീപിക്കും: മുഖ്യമന്ത്രി

  • 4
    5 hours ago

    സര്‍വകാല റിക്കാര്‍ഡ് ഭേദിച്ച് സ്വര്‍ണ വില കുതിക്കുന്നു

  • 5
    5 hours ago

    പ്രവാസി വ്യവസായിയുടെ ആത്മഹത്യ: നഗരസഭാ അധ്യക്ഷക്കെതിരെ തെളിവില്ല

  • 6
    6 hours ago

    കണ്ണൂര്‍ സെന്‍ട്രല്‍ ജയിലില്‍ നാലാം ദിനവും റെയ്ഡ്

  • 7
    6 hours ago

    പ്രളയത്തില്‍ 15,394 വീടുകള്‍ തകര്‍ന്നു: മന്ത്രി

  • 8
    6 hours ago

    ദിഷ പട്ടാണിയും ടൈഗര്‍ ഷ്‌റോഫും വേര്‍പിരിയുന്നു

  • 9
    7 hours ago

    നവകേരള നിര്‍മാണം; പ്രതിപക്ഷം ദിവാസ്വപ്‌നം കാണുന്നു: മുഖ്യമന്ത്രി