Monday, February 18th, 2019

തോമസ് മാര്‍ അത്തനാസിയോസ് മെത്രാപ്പൊലീത്ത ട്രെയിനില്‍ നിന്ന് വീണു മരിച്ചു

ട്രെയിന്‍ സ്റ്റേഷനില്‍ എത്തിയ ശേഷവും കാണാത്തതിനെ തുടര്‍ന്ന് നടത്തിയ തെരച്ചിലിലാണ് അദ്ദേഹത്തെ ട്രാക്കില്‍ കണ്ടെത്തിയത്.

Published On:Aug 24, 2018 | 10:25 am

കൊച്ചി: ഓര്‍ത്തഡോക്‌സ് സഭയുടെ ചെങ്ങന്നൂര്‍ ഭദ്രാസനാധിപന്‍ തോമസ് മാര്‍ അത്തനാസിയോസ് (80) മെത്രാപ്പൊലീത്ത ട്രെയിനില്‍ നിന്ന് വീണു മരിച്ചു. ഗുജറാത്തില്‍ നിന്ന് മടങ്ങവെ ഇന്ന് പുലര്‍ച്ചെ 5.30ഓടെയായിരുന്നു അപകടം. എറണാകുളം നോര്‍ത്ത് സ്റ്റേഷനും സൗത്ത് സ്റ്റേഷനും ഇടക്കുള്ള പുല്ലേപ്പടി പാലത്തിന് സമീപത്ത് വച്ചാണ് സംഭവം. സൗത്ത് സ്റ്റേഷനില്‍ ഇറങ്ങാനായി വാതിലിനരികില്‍ നില്‍ക്കുകയായിരുന്ന അദ്ദേഹത്തിന്റെ പിന്നില്‍ വാതില്‍ ശക്തിയായി വന്നടിക്കുകയും അത്തനാസിയോസ് ട്രാക്കിലേക്ക് തലയിടിച്ചു വീഴുകയുമായിരുന്നു.
ട്രെയിന്‍ സ്റ്റേഷനില്‍ എത്തിയ ശേഷവും കാണാത്തതിനെ തുടര്‍ന്ന് നടത്തിയ തെരച്ചിലിലാണ് അദ്ദേഹത്തെ ട്രാക്കില്‍ കണ്ടെത്തിയത്. ഉടന്‍ തന്നെ ആശുപത്രിയില്‍ എത്തിച്ചെങ്കിലും മരണം സംഭവിച്ചിരുന്നു. മൃതദേഹം എറണാകുളം ജനറല്‍ ആശുപത്രിയില്‍ സൂക്ഷിച്ചിരിക്കുകയാണ്. ഖബറടക്കം പിന്നീട് നടക്കും.
1938 ഏപ്രില്‍ മൂന്നിനായിരുന്നു അത്തനാസിയോസിന്റെ ജനനം. പുത്തന്‍കാവ് കിഴക്കെത്തലക്കല്‍ കെ.ടി.തോമസും കോഴഞ്ചേരി തേര്‍വേലില്‍ തെള്ളിരേത്ത് ഏലിയമ്മായുമാണ് മാതാപിതാക്കള്‍. ആലപ്പുഴയിലെ പ്രാഥമിക വിദ്യാഭ്യാസത്തിന് ശേഷം കോട്ടയം എം.ടി സെമിനാരി സ്‌കൂള്‍, സി.എം.എസ് കോളേജ്, എസ്.ബി കോളേജ് ചങ്ങനാശേരി, എന്‍.എസ്.എസ് കോളേജ് ചങ്ങനാശേരി, കൊല്‍ക്കത്ത സെരാംപോര്‍ കോളേജ്, ബറോഡ എം.എസ് യൂണിവേഴ്‌സിറ്റി എന്നിവിടങ്ങളില്‍ പഠനം പൂര്‍ത്തിയാക്കി. പിന്നീട് പൗരോഹിത്യത്തിലേക്ക് തിരിഞ്ഞു. 1985 ല്‍ ചെങ്ങന്നൂര്‍ ഭദ്രാസനം രൂപവത്ക്കരിച്ചത് മുതല്‍ അദ്ദേഹമാണ് ഭദ്രാസനാധിപന്‍. ഓര്‍ത്തഡോക്‌സ് സഭാ സിനഡ് സെക്രട്ടറിയായി ദീര്‍ഘകാലം പ്രവര്‍ത്തിച്ചു.
വിഭ്യാഭ്യാസ മേഖലയിലായിരുന്നു അദ്ദേഹം ശ്രദ്ധ പതിപ്പിച്ചത്. മഹാരാഷ്ട്ര, രാജസ്ഥാന്‍, ഗുജറാത്ത് എന്നിവിടങ്ങളില്‍ സഭയുടെ പ്രവര്‍ത്തനങ്ങള്‍ വ്യാപിപ്പിക്കുന്നതിലും സുപ്രധാന പങ്ക് വഹിച്ചു. അവിടെയെല്ലാം അദ്ദേഹം നിരവധി വിദ്യാഭ്യാസ സ്ഥാപനങ്ങളും സ്ഥാപിച്ചു. ഓര്‍ത്തോഡ്ക്‌സ് സഭാ സിനഡ് സെക്രട്ടറി, സഭാ സ്‌കൂളുകളുടെ മാനേജര്‍, അഖില മലങ്കര ബാലസമാജം പ്രസിഡന്റ്, അഖില മലങ്കര പ്രാര്‍ഥനാ യോഗം പ്രസിഡന്റ്, സഭാ അക്കൗണ്ട്‌സ് കമ്മിറ്റി പ്രസിഡന്റ്, സഭാ ഫിനാന്‍സ് കമ്മിറ്റി പ്രസിഡന്റ് എന്നീ നിലകളില്‍ പ്രവര്‍ത്തിച്ചിട്ടുണ്ട്. നിലവില്‍ സഭയുടെ വിഷ്വല്‍ മീഡിയ കമ്യൂണിക്കേഷന്‍ പ്രസിഡന്റ്, സഭാ പ്രസിദ്ധീകരണങ്ങളുടെ ചുമതലക്കാരന്‍, അഖില മലങ്കര ഓര്‍ത്തഡോക്‌സ് ഗായക സംഘം പ്രസിഡന്റ് എന്നീ പദവികള്‍ വഹിച്ചു വരികയാണ്.

 

LIVE NEWS - ONLINE

  • 1
    20 mins ago

    ആലപ്പുഴയില്‍ മകളെ ശല്യംചെയ്ത യുവാവിനെ പിതാവ് കുത്തിക്കൊന്നു

  • 2
    5 hours ago

    മിന്നല്‍ ഹര്‍ത്താല്‍: ഡീന്‍ കുര്യക്കോസിനെതിരെ ഹൈക്കോടതി സ്വമേധയാ കേസെടുത്തു

  • 3
    6 hours ago

    പാലക്കാട് പെട്രോള്‍ പമ്പിന് തീപ്പിടിച്ചു

  • 4
    7 hours ago

    പുല്‍വാമയില്‍ ഏറ്റുമുട്ടല്‍; നാല് സൈനികര്‍ക്ക് വീരമൃത്യു

  • 5
    9 hours ago

    കാസര്‍കോട് രണ്ട് യൂത്ത് കോണ്‍ഗ്രസ് പ്രവര്‍ത്തകര്‍ വെട്ടേറ്റുമരിച്ചു; സംസ്ഥാനത്ത് ഇന്ന് ഹര്‍ത്താല്‍

  • 6
    21 hours ago

    പയ്യന്നൂര്‍ വെള്ളൂരില്‍ വാഹനാപകടം: രണ്ടു പേര്‍ മരിച്ചു

  • 7
    24 hours ago

    പുല്‍വാമ ഭീകരാക്രമണം: വ്യാജ ചിത്രങ്ങള്‍ പ്രചരിപ്പിക്കരുതെന്ന് സി.ആര്‍.പി.എഫ്

  • 8
    1 day ago

    ഭീകരാക്രമണത്തിന് മസൂദ് അസര്‍ നിര്‍ദേശം നല്‍കിയത് പാക് സൈനിക ആശുപത്രിയില്‍നിന്ന്

  • 9
    1 day ago

    നാലുവയസ്സുകാരിയെ കൊലപ്പെടുത്തിയ സംഭവം: ഭിക്ഷാടകസംഘത്തിലെ രണ്ടുപേര്‍ അറസ്റ്റില്‍